लूका 15:28 - सिरमौरी नौवाँ नियम

²⁸ ऐजौ शोणेयो सै गुस्से दा भोरै गौआ, औरौ घोर कै भीतरै नी हुटी, इथकारिए तैसका बापू बायरै ओऊवा औरौ तैसी घोरो कै भीतरै आणौ कारिए बिन्ती कौरदा लागा।

Sirmouri

²⁸ ऐजो शुँणियों सेजा जैठा बैटा घीपी गुवा, अरह् से आप्णे कागी भिंठा ने हुटी; तबे तैस्का बाबा आपु बाँईडा आया, अरह् आप्णें जैठे बैटे मनाँदा लागा।

लूका 15:28 ပူးပေါင်းရင်းမြစ်များ

मत्ती 20:11

जोबै तिनकै धियाड़ी भैटी, तौ सै अंगूर कै बाग कै जीमदार पांदी बड़बड़ायो बौलदै लागै,

मरकुस 1:40

ऐक दूस ऐक कोढ़ी आदमी यीशु कै धोरे ओऊवा, तैणै तैसीकैईं दै बिन्ती कौरे, औरौ तैसकै सामणै घुंडू नियुड़ाऐबा तैसीखै बौल़ौ, “जै तैरै मौरजी औसौ तौ तू मुखै ठीक कौरे दै।”

लूका 13:34

“ओए रै यरूशलेम शहर कै लोगौ! तुऐं तिनु पौरमेशवर कै बातौ बौताणौवाल़ै कै मार दियै, जू पुराणै सौमय दै रौंव थिए, औरौ तिनु लोगौ खै पाथरो शै मारै दिए, जिनु तोंवारै धोरे छाड़ै राए थिए। किशैक बैई मोऐं ऐजौ चोऊ, कै जैशै मुरगी आपणै नानड़िया कै आपणै पाखौ तौड़ी रोखवाल़ी कारिए कौठै कौरौ, तैशैखैई हांव बै तैरै नानड़िया कै कौठै कौरु, पौरौ तुऐं ऐजौ ना चैंई।

लूका 15:2

पौरौ फरीसी औरौ यहूदी शास्त्री लोग खिजैयौ बौलदै लागै, “ऐजा तौ पापी लोगौआरी रौंव औरौ तिनकै साथै खाया-पैया बै कौरौ।”

लूका 15:27

औरौ तैणै तैसी बौल़ौ, ‘तैरा भाए घोरे पाछु आए रौआ औरौ तैरै बापूए ऐक बौड़ा दावत तैयार कौरे राए, इथकारिए कै तैसी आछा भोला पाया।’

लूका 15:29

पौरौ तैणै बापू खै जोवाब दिया, ‘दैख, मोऐं ऐतरै सालो तौड़ी तैरै सेवा कौरे लोए औरौ कौलोंई बै तैरै बात ना टाल़ी, तोबै बै तुऐं मुखै कौलोंई बै आछौ ना दी कै हांव आपणै दोस्तो कै साथै जोश्न मोनाए सौकु।

लूका 24:47

औरौ यरूशलेम शहर शै लोएबा सौब देशो दा पाप कौरणै छोड़णे कै बारै मुंजी पापौ की माफी का प्रचार, तैसकै ही नांव शै हौंदा।

लूका 5:30

इथपांदी फरीसी लोग औरौ तिनकै यहूदी शास्त्री लोग तैसकै चैलै कै कुड़कुड़ायो बौल़ौ, “तू मामला लोणो वाल़ै औरौ पापियों कै साथै किथुखै खाएं पियैं?”

लूका 7:39

ऐजौ दैखैयो सैजा फरीसी जैणै तैसी बोइदै राए थिया, आपणै मनो दो सुंचदा लागा, “जै यीशु पौरमेशवर कै बातौ बौताणौवाल़ा हौंदा तौ जाणै पांदा कै ऐजै जियैं ऐसीखै छुए लौआ, सै कुण औसौ, औरौ ऐजै कैशणी बैटमाणिश औसौ, जिथुकै ऐजै तौ वेश्या बैटमाणिश औसौ।”

प्रेरितो कै काम 13:45

पौरौ यहूदी नेता भीड़ खै दैखैयो ज़लन लैई भोरै गौवै, औरौ नेंदैया कौरेयौ पौलुस कै बातौ कै खिलाफ दै बौलदै लागै।

प्रेरितो कै काम 13:50

पौरौ यहूदी नेताए भोक्‍त औरौ पौरमेशवर का डौर मानणोवाल़ी बैटमाणिशौ खै औरौ नगर कै खास लोगौ कै उकसोऊवे, औरौ पौलुस औरौ बरनबास कै खिलाफ तरकीब बाणैयौ तिनु आपणै इलाके शै बायरै निकाल़ै दियै।

प्रेरितो कै काम 14:19

पौरौ कैतरै यहूदी लोगै अन्‍ताकिया शहर औरौ इकुनियुम शहरो शै आयौ लोगौ कै आपणै ढौबौ कौर दियै, औरौ पौलुस पांदी पथराव कौरा, औरौ मौरेयौंदा सौमझेयौ तैसी नोगर कै बायरै घोसिटैयौ लोय गौवै।

प्रेरितो कै काम 14:2

पौरौ बिशवाश ना कौरणौवाल़ै यहूदी लोगै बैगानै यहूदी लोगौ कै मन बिशवाशी भाईयों कै खिलाफ दै भड़कौऊवे, औरौ बैर पौयदा कौर दिया।

रोमियों 10:19

तोबै बै हांव बुलू, कै ऐजौ साचौ औसौ कै इस्राएल देश कै लोगौ खै मसीह कै बारै मुंजी सौंदेश सौमझ ओऊवा। आगै तौ प्रभुए पौरमेशवर कै बातौ बौताणौवाल़ै मूसा कै दवारा बौल़ै राए, “हांव ऐक ऐशणै देश कै दवारा जू ऐक देश ही ना आथी, तुऔं दा ज़लन पौयदा कौरदा, हांव तुऔं ऐक ऐशणै देश कै दवारा गुस्सा दिलांदा, जिंदै सौमझ ही ना आथी।”

2 कुरिन्थियों 5:20

इथकारिए आमु मसीह कै राजदूत औसौ; पौरमेशवर तैसकै सौंदेश खै अपनाणौ कारिए अमारै दवारा बिन्ती कौरौ: आमै मसीह कै ढौबौशी बिन्ती कौरु, कै पौरमेशवर कै साथै शान्तै कायम कौरे पांव।

1 थिस्सलुनीकियों 2:16

औरौ ऐशै कौरेयौ तिनिए आमु बैगानै यहूदी लोगौ खै ऐजौ बौताणौ शै रौकणौ कै कौचिश कौरे लोए थै, कै पौरमेशवर तिनु कैशै बौचाए सौकदा।