लूका 14:32 - सिरमौरी नौवाँ नियम

³² जै सै सामणा ना कौर सौकौ तौ जौल़ौ तौड़ी ओका राजा दूर औसौ, सै सौंदेश दैणौवाल़ै खै छाड़ैयो तैसीआरी मैल मिलाप कौरदा।

Sirmouri

³² तअ जबे से तैसी ओकी राजे के मुँकाब्ले ज़ुगा ने आथी, तअ जैख्णों सेजा ओका राजा दुरका ही हला; तेख्णों ही से आप्णा दूत्त डियाल़ियों तैसी राजा आरी मेल-मिलाप दुस्त्ती का समाचार देला।

लूका 14:32 ပူးပေါင်းရင်းမြစ်များ

मत्ती 5:25

जांव तौड़ी तू आपणै बौयरी कै साथै बाटो पुंडा औसौ, तौ तैसी आरी पटापट मैल जोल कौर, कोदी ऐशैखै ना हौंव जै बौयरै ताखै न्यायी खै सौंपौ, औरौ न्यायी ताखै सैनिक खै सौंपै दैंव, औरौ ताखै ज़ेलो दा पाए दैंव।

मत्ती 5:42

जू कुणिए तांव कैईंदु मांगलै, तैसीखै दैय दै, औरौ जू तांव कैईंदु उधार निणु चांव, तैसी मना नै कौर।

लूका 12:58

जौल़ौ तू आपणै बौयरी कै साथै न्यायाधीश कै धोरे चालै रौआ, तौ बाटौ ही पुंडे तैसीयादै बौचणौ की कौचिश कौरेया कोदी ऐशै नै हौंव कै सै ताखै न्यायाधीश कै धोरे खिंचैयौ नै लौए जांव, औरौ न्यायाधीश ताखै सिपाही कै धोरे लौए जांव, औरौ सिपाही ताखै ज़ेलो पुंडा खोटे दैंव।

लूका 14:31

जै ऐक राजा दस हजार आदमी कै साथै ओकी राजा शै लौड़णौ कारिए जांव, जू बीश हजार आदमी आरी तैसकै खिलाफ आए रौआ, तौ सौबिदा आगै सै बोठेयो तियौं बातौ का फोयसला कौरौ कै सै तैसी ओकी राजा का सामणा कौरणौ खै पूरी तरह शै तैयार औसौ या आथी ना।

लूका 14:33

ऐशैखैई तुऔं मुंजीदा जू कुणिए आपणा सौबै ठुँ त्‍याग दैला, सैजाई मैरा चैला बौण सौकौ।”

लूका 19:14

पौरौ तैसकै नगर कै रौणौवाल़ै तैसीआरी बैर राखौ थिए, औरौ तैसकै पौछौड़ियौ कोसी सौंदेश दैणैवाल़ै कैई बैवरा दिया, आमुए ना चोऊं कै ऐजै आमु पांदी राज कौरौ।”

प्रेरितो कै काम 12:20

राजा हेरोदेस सोर औरौ सीदोन शहर कै लोगौ शै बैजाए गुस्से थिया। इथकारिए तिनु शहरो कै लोग हेरोदेस शै भैटिंदै ऐक मन हौयौ आए, सौबी शै औगौड़ियौ तिनुऐ बलास्‍तुस शै मौदद मांगै जू राजा का ऐक कर्मचारी थिया। तोबै तिनुऐ हेरोदेस शै सौमझौता कौरणौ कै बौल़ौ जिथुकै सै आपणै खाणौ कारिए राजा कै देश कै भोरोशे थिए।