लूका 14:18 - सिरमौरी नौवाँ नियम

¹⁸ पौरौ सै सौबै कै सौबै भानै बाणदै लागै, ऐकीए तैसी बौल़ौ, ‘मोऐं बागड़ी मोलै लोए रैई, औरौ जौरुरी औसौ कै तिथु हांव दैखु, हांव तुंआदै बिन्ती कौरु, कै मुखै माफ कौरे दै।’

Sirmouri

¹⁸ परह् सेजे लोग बादे के बादे भाँना लाँदे लागे; आगले ऐं तेसी दास खे बुलो, मुँऐं खैच़ खर्दी थो, अरह् मेरे तिन्दें दे:ख्दो ज़ाँणों; मेरी तरफ शी माँफी माँगे।

लूका 14:18 ပူးပေါင်းရင်းမြစ်များ

लूका 14:17

जोबै खाणौ तैयार हौए गौ, तौ तैणै आपणै नोकरो कै हाथ न्योता दिया, औरौ लोगौ कै बौल़ौ, ‘आव, ऐबै खाणौ तैयार औसौ।’

लूका 14:19

दूजै बौल़ौ, ‘मोऐं इबी पाँच जोड़े बौल़ोद मोलै राए लौए, औरौ तिनु हौल़ौ दै लाणौ कारिए चाल रौआ; हांव तुंआदै बिन्ती कौरु कै मुखै माफ कौरे दै।’

लूका 18:24

यीशुए तैसी दैखैयो बौल़ौ, “सैठ का पौरमेशवर कै राज्य दौ जाणौ केतरो मुशकिल औसौ।

लूका 8:14

जू झाड़ी मुंजी छुटै, ऐजै सैजै लोग औसौ, जू शुणौ तौ औसौए, पौरौ औगौड़ियौ चालैयौ आपणै जीवन कै चिन्‍ता, औरौ धन-दोलत औरौ जिन्दगी कै सुख चैन दै फोशे जांव, औरौ सै बिशवाश दै मोजबूत ना हौंव पांव।

यूहन्ना 1:11

सै आपणै लोगौ कै बीच मुंजी ओऊवा औरौ तैसीखै आपणै लोगै ठुकराए दिया।

यूहन्ना 5:40

तोबै बै तुऐं सौदा कै जिन्दगी पाणौ कारिए मैरै धोरे आणौ ना चांव।

फिलिप्पियों 3:4

पौरौ हांव तिनु चीज़ौ पांदी बै भोरोशा राख सौकु जू मोऐं कौरे रैई जै कुणिए सुंचौए कै सै आपणै दवारा कौरेयौंदी चीज़ौ पांदी भोरोशा राखै सौकौ, तौ हांव तैसी दा बै बौड़ैयो राख सौकु।

2 तीमुथियुस 4:10

जिथुकै देमासे इयौं दुनिया कै चीज़ौ शै प्यार राखैयौ मुखै छोड़े दिया, औरौ थिस्सलुनीके शहर खै हौटै गौआ। बिशवाशी भाई क्रेसकेंस गलातिया प्रदेश कै हौटै गौआ औरौ तीतुस दलतिया प्रदेश कै हौटै गौआ।

2 तीमुथियुस 4:4

लोग सौचाई कै ना शुणदै पौरौ झूठी औरौ बोणी बौणाई कथा कहाणियो कै शुणल़ै।

इब्रानियों 12:16

ऐशै ना हौंव, कै कुणिए आदमी गौलत काम कौरणौवाल़ै या तुऔं मुंजीदै अब्राहम कै पौतै एसाव साए अधरमी नै हौंव, जिथुकै सै पहलौठा बैटा थिया, इथकारिए तैसीकैईं खास पद हौणौ का औधिकार थिया। पौरौ तैणै तैसी औधिकार का आदर ना कौरी औरौ इथकारिए तैणै आपणै नानड़ै भाई याकूब खै इथु ऐक बैई कै खाणौ कारिए बैकै दियु।