लूका 13:29 - सिरमौरी नौवाँ नियम

²⁹ पूरब औरौ पश्‍चिम; उतर औरौ दक्षिण दै तोबै पूरै दुनिया शै लोग आलै, औरौ पौरमेशवर कै राज्य कै दावत मुंजी शामिल हौंदै।

Sirmouri

²⁹ पोर्बो, पंछ़ियों, ऊत्रो, अरह् दखिणों शे लोग आले; अरह् पंण्मिश्वर के राज्य की भोज़ दे दाखिल हले।

लूका 13:29 ပူးပေါင်းရင်းမြစ်များ

मत्ती 8:11

औरौ हांव तुऔं खै बुलू, की बौहितै सारै बैगानै यहूदी लोग पूरब औरौ पश्‍चिम दै आयौ अब्राहम, इसहाक औरौ याकूब कै साथै स्वर्ग राज्य कै दावत मुंजी शामिल हौंदै।

मरकुस 13:27

हांव आदमी का बैटा आपणै स्‍वर्गदूतौ खै भैजदा, जू चोऊ दिशाओं शै धोरतियौं कै ऐकी कुणै शै गौयण कै ओकी कुणै तौड़ी जायौ मैरै चोणेयौंदे लोगौ खै कौठै कौरदै।”

लूका 13:30

ऐजौ जाणै पाया, जू इबी आपी खै खास सौमझौ, सै बाद मै खास ना सौमझै जांदै, औरौ जू आपी खै खास ना सौमझौ सै खास सौमझै जांदै।”

प्रेरितो कै काम 28:28

इथकारिए तुऐं जाणै पाव, कै पौरमेशवर कै ऐजै उध्दार कै कथा बैगानै यहूदी लोगौ कै धोरे भैजै राए, औरौ सै अपनांदै।”

कुलुस्सियों 1:23

पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।

कुलुस्सियों 1:6

ऐजा सुसमाचार पूरै दुनिया दा फोयलै रौआ औरौ कैई लोग बिशवाशी बौणै रौवै। इथलैई हर जौगैह जिन्दगी बौदल़दै लाग रौए, ठीक तैशैखैई जैशैकै तुऐं आगलै बैई सुसमाचार खै शौणै राए थिया औरौ इयौं सौचाई खै सौमझै राए कै पौरमेशवर तिनु लोगौ कै पापौ खै माफ कौरौ जू मसीह दा भोरोशा राखौ।