लूका 13:19 - सिरमौरी नौवाँ नियम

¹⁹ सै ऐकी राई कै दाणै कै जैशणा औसौ, जैसी कोसी आदमीए लोयो आपणै बागड़ी दा जायौ बोए दिया: औरौ सै बौढ़ेयौ डाल़ बौणै गौआ; औरौ गौयणै कै चुड़कुल़ै आयौ तिथकै डाल़ी पांदी कोएलाण बाणौ।”

Sirmouri

¹⁹ से राई के दाँणे ऊनंरो असो, जैसी दाँणा ऐकी जिम्दारे आप्णी खेच़ौ दा बुआ: अरह् से जाँमियों बड़ियों बड़ा डाल़ बंणा, अरह् असमाँनों के चंच्चैटू ऐ तिन्दे की शाँऐं दे आप्णें कुह्लो बाणें।”

लूका 13:19 ပူးပေါင်းရင်းမြစ်များ

मत्ती 17:20

तैणै तिनुखै बौल़ौ, “आपणै बिशवाश कै कमी कै बौजैह शै, जिथुखै हांव तुऔं खै साचौ बुलू, जै तोंवारा बिशवाश राई कै दाणै कै बराबर बै हौला, तौ तुऐं इथु धारो खै बै बौल़ै सौकौ, ‘कै इथै दो ओकशैयो तिथै हौटै जा,’ तौ सै हौटै जांदो; औरौ कुणजी बै बात तुऔं कारिए नामुमकिन ना हौंदै।

मरकुस 4:30

तोबै यीशुए तिनुखै बौल़ौ, “हांव तुऔं कै हौजौ ऐक उदारण बोताऊं कै पौरमेशवर का राज्य कैशणा औसौ।

लूका 17:6

प्रभुए बौल़ौ, “जै तुऔं खै राई कै दाणै कै बोराबर बै बिशवाश हौंदा, तौ तुऐं ऐसी तुन्तौ कै डाल़ो खै बौलदै कै जोड़ो शा ओकशैयो समुन्द्रो दा लागै जा, तौ सै तुंआरी मान पांदा।”

प्रेरितो कै काम 2:41

जू किछै पतरसे बौल़ौ जिनु लोगै तैसकी बातौ पांदी बिशवाश कौरा तिनुऐ बपतिस्मा लौआ; औरौ तैसी दूसै तीन हजार आदमी कै लमसम तिनु बिशवाशी कै गुट मुंजी जोड़े गौवै।

प्रेरितो कै काम 21:20

तिनुऐ ऐजौ शोणेयो पौरमेशवर कै महिमा कौरे, तोबै तैसीखै बौल़ौ, “ओए रै भाई, तू जाणै, कै यहूदी लोगौ मुंजीदै कैईंयौं हजार लोगै बिशवाश कौरा; औरौ सौबवे मूसा कै कानून खै मानौए।

प्रेरितो कै काम 4:4

पौरौ सौंदेश कै शुणणौवाल़ै मुंजीदै बौहितै यीशु पांदी बिशवाश कौरा, औरौ तिनकै गिनती कुल मिलायौ पाँची हजार आदमी कै लमसम थै जू यीशु पांदी बिशवाश कौरणौवाल़ै थिए।

रोमियों 15:19

औरौ पवित्र आत्मा कै दवारा मुखै दैय गोई अनौखी शौकतै शै हांव अनौखै काम औरौ चौमत्कार कौरु इथकारिए जिथै बै हांव यरूशलेम शहर शै इल्‍लुरिकुम प्रदेश तौड़ी हौटा, तौ मोऐं तिथै सौबी लोगौ कै, यीशु मसीह कै बारै मुंजी सुसमाचार शुणौऊवा।

प्रकाशितवाक्य 11:15

जोबै सातवें स्‍वर्गदूतै तुरही फोकै, तौ मोऐं स्वर्ग दी बौड़ी धाव मारदै बैई शुणा: “दुनिया दा ऐबै हौजौ कुणिए ना आथी जू राज कौरौ। सिरफ अमारा प्रभु पौरमेशवर औरौ तैसका चोणेयौंदा मसीह। औरौ सै हमैशा-हमैशा कारिए राज कौरदा।”