लूका 12:40 - सिरमौरी नौवाँ नियम

⁴⁰ तुऐं मैरै पाछु आणौ कारिए तैयार रौया, जिथुकै हांव आदमी का बैटा ऐशणै सौमय दा स्वर्ग शै आन्दा जौल़ौ तुऐं मैरै आणौ कै आश बै ना कौरे रैली।”

Sirmouri

⁴⁰ तुँऐं भे तैयाँर रंह्, किन्देंखे के जैसी बख्त्ते तुँऐं सुच्ची भे ने थई हलो, तैसी ही बख्त्ते आदमी का बैटा आँदा।”

लूका 12:40 ပူးပေါင်းရင်းမြစ်များ

मत्ती 24:42

इथकारिए यीशुए आपणै चैलै खै बौल़ौ, तुऐं ना जाणौ कै तोंवारा प्रभु कोसी दूसै आन्दा।

मत्ती 24:44

इथकारिए तुऐं बै तैयार रौया, जिथुकै जैसी सौमय कै बारै मुंजी तुऐं सोंचै बै ना रैई तैसी सौमय हांव आदमी का बैटा आए जांदा।”

मत्ती 25:13

इथकारिए जागदै रौव, जिथुकै ना तौ तुऐं तैसी दूस खै जाणौ औरौ ना तैसी सौमय कै जोबै हांव पाछु आन्‍दा।”

रोमियों 13:11

तुऔं कै ऐकी दुजैआरी प्यार कौरदै रौणौ चैंई जिथुकै सैजा सौमय नेड़िक औसौ जोबै पौरमेशवर आमु इयौं बुरै दुनिया शै बौचांदा। जोबै आमु आगली बैई मसीह पांदी बिशवाश कौरु थिए, तैसी दूसौ कै हिसाब शै ऐबै मसीह आमु बौचाणौ कारिए औटेयौ पाछु आणौ कु दूस नेड़िक औसौ।

रोमियों 13:14

पौरौ प्रभु यीशु मसीह तुऔं आरी सुरक्षा बौणै जांव, जिथकै दवारा तुंआरी रक्षा हौए सौकौ, औरौ पापी स्‍वभाव कै इछाओं खै पूरा कौरणौ कै कौचिश ना कौरौ।

1 थिस्सलुनीकियों 5:6

इथकारिए आमु अबिशवाशियौं कै जैशणौ सौतेयौंदै नी रौणौ चैंई, पौरौ जागदै औरौ चौकश रौणौ चैंई।

प्रकाशितवाक्य 19:7

आओ, आमै खुशी औरौ मगन हौं, औरौ तैसकै स्तुति कौरौ, जिथुकै ऐजा ऐबै यीशु का सौमय औसौ, जू मेम्ने साए औसौ, कै आपणै लोगौ कै साथै हमैशा शै एकजुट हौए जांव, ऐजौ ऐशैकै हौंदौ जैशै ऐक मर्द आपणै दुल्हन शै शादी कौरौ, जिथुकै जू लोग तैसकै औसौ तिनुऐ आपी कै तैसकै साथै एकजुट हौणौ कारिए तैयार कौरे पाए।