लूका 12:15 - सिरमौरी नौवाँ नियम

¹⁵ औरौ तैणै तैसीकै बौल़ौ, “चौकश रौया, औरौ सान्त-भान्तै लालच शै आपी कै बौचाए राख; जिथुकै कोसी कै जिन्दगी तैसकै बौहितै जायदात हौणौ की बौजैह शै ना हौंदी।”

Sirmouri

¹⁵ तबे प्रभू यीशू ऐ लोगो खे बुलो, “च़ौक्क्ष रूऐ! ऐक नाँम लोभ-लाल़्च शे बंच्चै; किन्देंखे के कोसी कैई भाँव कैत्ती भे धन-संम्पत्ति हली, तबे भे तैस्के जीवन की कंम्मी तियों धन-संम्पत्ति लंई पुरी ने हंदी।”

लूका 12:15 ပူးပေါင်းရင်းမြစ်များ

मरकुस 7:22

नाजायज सौमबंध राखणै, लालच कौरणा, दुष्टता, नेंदैया, धौखा दैणा, लुचपन, बुरा बर्ताव, घमण्‍ड, औरौ मूर्खता की बातौ निकल़ौ।

लूका 12:16

यीशुए तैसीकै हौजौ ऐक उदारण दिया, “कोसी सैठ आदमी कै जोमीनो दै बौड़ै फसल होए।

लूका 16:14

जोबै फरीसी लोगै ऐजौ सौबै शुणौ, तौ सै यीशु कै ठाटै पाड़दै लागै, जिथुकै सै पोएसै आरी प्यार कौरौ थिए।

लूका 21:34

“इथकारिए चौकश रौया, ऐशै नी हौं कै तोंवारा मन सुख-विलास, नशा औरौ दुनिया की चिन्ताओ शै सुस्त हौए जांव, औरौ ऐजै दूस तुऔं पांदी फांदै साए एकदम आए जांव।

लूका 8:14

जू झाड़ी मुंजी छुटै, ऐजै सैजै लोग औसौ, जू शुणौ तौ औसौए, पौरौ औगौड़ियौ चालैयौ आपणै जीवन कै चिन्‍ता, औरौ धन-दोलत औरौ जिन्दगी कै सुख चैन दै फोशे जांव, औरौ सै बिशवाश दै मोजबूत ना हौंव पांव।

1 कुरिन्थियों 6:10

ना चोर, ना लोभ कौरणौवाल़ै, ना पियक्कड़, ना गाल़ी दैणौवाल़ै, ना अन्धेर कौरणौवाल़ै पौरमेशवर कै राज्य कै वारिस ना हौंदै।

कुलुस्सियों 3:5

इथकारिए आपणै बुरै कामौ कै कौरणा बन्द कौरौ जू तोंवारै पापी स्‍वभाव शै जोड़े रौवै। जैशै गौलत सौमबंध, अशुध्दता, बुरै कामना, बुरै इछा। लालचै नै बौणैया जू कै मूर्तिपूजा कौरणौ कै बराबर औसौ।

2 तीमुथियुस 3:2

जिथुकै लोग सिरफ आपी आरी प्यार कौरदै ओकी लोगौआरी नी, धन कै लोभी, डींगमार, घमण्डी, ओकी लोगौ की बैज्जती कौरणौवाल़ै, माँ बापू कै आज्ञा ना मानणोवाल़ै, ओकी लोगौ का सान ना मानणोवाल़ै, अपवित्र,

इब्रानियों 13:5

आपणै जीवन कै धन कै लालच शै आज़ाद राखौ। औरौ जू तुऔं कैई औसौ, तिथमुंजी खुशी रौंव; जिथुकै पौरमेशवरे आपी बौल़ै राए, “हांव ताखै कौलोंई बै ना छोड़दा, औरौ ना कौलोंई बै ताखै त्यागदा।”

2 पतरस 2:14

सैजै सौबी बैटमाणिश कै साथै गौलत सौमबंध बाणणा चांव, जिनु सै दैखौए। सैजै पाप कौरणौ कै मौकै तलाशणौ शै कौलोंई ना चुकौ। सै तिनु लोगौ खै धौखा दैंव जू मन शै मसीह पांदी मोजबूती शै भोरोशा ना कौरौ, औरौ सै तिनु पाप कै ढौबौ लौए जांव। तिनकै मन जादा शै जादा चीज़ौ खै पाणौ कै इछा कै बौजैह शै पौरमेशवर तिनु सौजा दैंदा।

2 पतरस 2:3

ऐजै शिक्षक लालची हौंदै, औरौ सै बौणी बाणैयौंदी कहाणी शुणायौ तुऔं धौखा दैंदै ताकि तुऔं कैईंदै पौयसै कमाए सौकौ। पौरमेशवरे बैजाए सौमय औगौड़ियौ ही फोयसला कौरे राए थिया कै सै तिनु सौजा दैंदा औरौ सै ऐशै कौरणौ कारिए तैयार औसौ। सै निशोंक हौयौ तिनु नाश कौरदा।