लूका 11:9 - सिरमौरी नौवाँ नियम

⁹ औरौ हांव तुऔं खै बुलू, कै पौरमेशवर शै सैजौ मांगो, जियौं चीज़ौ कै तुऔं जौरुरत औसौ औरौ सै तुऔं खै दैला; जौले तौ तुऐं पालै औरौ जै तुऐं खोट-खोटाल़े, तौ तुऔं कारिए दवार उंडु खोले जांदो।

Sirmouri

⁹ हाँव तुँओं खे ऐशो बुलू, के माँगो, तअ तुँओं खे दियो ज़ालो; अरह् जुह्ले तअ तुओं भेट्लो; अरह् जे तुँऐं खट-ख्टाले तअ तुँओं खे दुवार ऊडो खुलो ज़ालो।

लूका 11:9 ပူးပေါင်းရင်းမြစ်များ

मत्ती 21:22

औरौ जू किछै तुऐं प्रार्थना मुंजी बिशवाश सै मांगलै सैजौ सौबै तुऔं खै भैटी जांदो।”

मत्ती 21:31

इनु दु मुंजीदै कुणै पिता कै इछा पूरै कौरी?” तिनुऐ बौल़ौ, “आगलै।” यीशुए तिनुखै बौल़ौ, “हांव तुऔं खै साचौ बुलू, की महसूल लोणो वाल़ै औरौ वेश्या तुऔं दै आगै पौरमेशवर कै राज्य दै प्रवेश कौरदै।

मत्ती 6:29

तोबै बै हांव तुऔं खै बुलू, कै राजा सुलैमान बै आपणै सौबै ठाट-बाट मुंजी तिनु मुंजीदा कोसी कै जैशणा खोटणो बाम्बेयोंदा नै थी।

मरकुस 11:24

इथकारिए हांव तुऔं खै बुलू, कै जू किछै तुऐं प्रार्थना कौरेयौ मांगलै तौ बिशवाश कौरेया कै पौरमेशवरे तोंवारै बिन्ती शौणै राए, तौ सै तुऔं खै जौरुर दैला।

मरकुस 13:37

औरौ जू मोऐं तुऔं कैई बौल़ै राए ऐजौई सौबी कैई बुलू: सौदा मैरै आणौ कारिए तैयार रौंव।”

लूका 11:10

जिथुकै जू कुणिए मांगलै, तैसीखै दैय जांदो, औरौ जू कुणिए जौला, तैसीखै भैटी जांदो, औरौ जू कुणिए खोट-खोटाला तैसीखै दवार उंडु खोले जांदो।

यूहन्ना 14:13

औरौ जू किछै तुऐं मैरै नांव शै मांगलै, सैजौई हांव कौरदा कै मुं बैटै कै दवारा पिता की महिमा हौंव।

यूहन्ना 15:16

तुऐं मुखै ना चुणी, पौरौ मोऐं तुऔं चोणे राए औरौ तुऔं ठोहराए राए कै तुऐं जायौ फोल़ लांव औरौ तोंवारा फोल़ टिकैयौंदा रौंव, कै तुऐं मैरै चैलै औसौ, इथकारिए जू किछै पिता पौरमेशवर शै मांगलै, सै तुऔं दैला।

यूहन्ना 15:7

जै तुऐं मुं दै बौणैयौंदे रौंव, औरौ मैरी शिक्षा तुऔं मुंजी बौणेयौंदी रोली, तौ जू किछै मांगलै, तिथु हांव तुऔं दैंदाए।

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

2 कुरिन्थियों 6:2

जिथुकै पवित्र शास्त्र दो पौरमेशवर बौल़ौ, “आपणै सोही सौमय पांदी मोऐं तैरी शौणै, औरौ मोक्ति कै दूसै मोऐं तैरै, मौदद कौरे।” शुणौ; ऐबै सोही सौमय औसौ, दैखौ, ऐबै मोक्ति कौ दूस औसौ।

इब्रानियों 11:6

औरौ सिरफ पौरमेशवर पांदी बिशवाश कौरेयौ ही आमै तैसी खुश कौरे सौकु जिथुकै पौरमेशवर कै धोरे आणौवाल़ै खै बिशवाश कौरणा चैंई, कै सै औसौए औरौ सै तिनु लोगौ खै इनाम दैंदा जू सौचाई लैई तैसीकै जूऔंए।

इब्रानियों 4:16

इथकारिए आओ, आमु हिम्मत कै साथै पौरमेशवर कै धोरे ओऊं, जू अनुग्रह लैई भौरेयौंदा औसौ तोबै पौरमेशवर आमु दया औरौ अनुग्रह दिखांदा औरौ जोबै आमु जौरुरत हौलै तोबै सै अमारै मौदद कौरदा।

याकूब 1:5

पौरौ जै तुऔं मुंजी दै कोसी कै बुध्‍दि की कमी हौंव, तौ पौरमेशवर कैईंदी मांगो, जू आमु दी बिना गौलती जौए सौबी कै बौड़ी दया शै दैंव; औरौ पौरमेशवर तुऔं कै बै दैला।

याकूब 5:15

औरौ बिशवाश कै प्रार्थना लैई बीमार बौचै जांदा औरौ प्रभु तैसीखै औटेयौ खै ठीक कौरदा औरौ जै तैणै पाप बै कौरे रालै तौ पौरमेशवर तैसीखै माफ कौरदा।

1 यूहन्ना 3:22

औरौ जू किछै आमै पौरमेशवर शै मांगुए, सैजौ आमु तैसी कैईंदु भैटौए; जिथुकै आमै पौरमेशवर की आज्ञाओं खै मानुए; औरौ जू पौरमेशवर कै भाँवए आमै सैजौई कौरु।

प्रकाशितवाक्य 2:24

पौरौ थुआतीरा शहर दै तुऐं बाकी लोगै तियौं झूठी शिक्षा खै ना मानी। तुऐं तिथमुंजी हिस्सा ना लोई जिथु तियौंकै चैलै “शैतान की गैहरी बातौ बौल़ौ।” हांव तुऔं खै बुलू कै हांव तुऔं कुणजै औकै खास आज्ञा ना दुं, सिवाए इथकै कै जांव तौड़ी हांव ना आन्दा तांव तौड़ी मुं पांदी मोजबूती शै बिशवाश कौरणा जारी राखौ।