लूका 11:49 - सिरमौरी नौवाँ नियम

⁴⁹ इथकारिए पौरमेशवरे आपणी बुध्‍दि लैई बौल़ै राए, कै हांव तिनकै धोरे पौरमेशवर कै बातौ बौताणौवाल़ै औरौ तिनकै चोणेयौंदे चैलै कै छाड़दा, औरौ सै तिनुमुंजी दै कोसी कै मारै दैंदै, औरौ कोसी कै तौड़पांदै।

Sirmouri

⁴⁹ ईन्देंखे पंण्मिश्वर की ज्ञाँन-बुद्धी ऐ ऐजो बुलो; हाँव तिन कैई ऋषियो, अरह् खास-चैले डियाल़ूबा; अरह् से तिन मुझ्के कंई लोगो के हंत्त्या कर्ले, अरह् कंई गाशी आप्णा अंत्त्याचार करियों सताले।

लूका 11:49 ပူးပေါင်းရင်းမြစ်များ

मत्ती 22:6

औरौ किछै लोगै राजा कै नोकरो खै पाकड़ेयो तिनकी बैज्जती कौरी औरौ तिनु मारै दिए।

लूका 11:48

ऐशैखैई तुऐं आपणै पुराणियो कै कुकर्म कै गवाही दैंव; औरौ तिनकै कामौ कै सोही साबित कौरौ, जिथुकै तिनुऐ तिनुखै मारै दिए थिए, औरौ तुऐं तिनकी कब्रो बौणांव।

लूका 24:47

औरौ यरूशलेम शहर शै लोएबा सौब देशो दा पाप कौरणै छोड़णे कै बारै मुंजी पापौ की माफी का प्रचार, तैसकै ही नांव शै हौंदा।

यूहन्ना 16:2

सै तुऔं यहूदी सभा-घोरो पौरैशै बायरै निकाल़ै दैंदै, औरौ सैजा सौमय आए गौआ, कै जू कुणिए तुऔं मारणौ शै ऐजौ सौमझला कै जू पौरमेशवर चांव सैजौ हांव कौरु।

प्रेरितो कै काम 1:8

पौरौ जोबै पवित्र आत्मा तुऔं पांदी आला तोबै तुऐं अनौखी शौकतै पांदै, औरौ यरूशलेम शहर औरौ सौबै यहूदिया प्रदेश औरौ सामरिया प्रदेश तौड़ी औरौ सोंईसारी कै हर जौगैह तौड़ी लोगौ कै मैरै बारै मुंजी बौतांदै।”

प्रेरितो कै काम 11:27

तिनु दूसौ मुंजी किछै बिशवाशी जू पौरमेशवर की बातौ बौताणौवाल़ै थिए, यरूशलेम शहर शै अन्‍ताकिया शहर दै ओऊवे।

प्रेरितो कै काम 22:20

औरौ जोबै तैरै गवाह स्तिफनुस का लोऊ बोवाय जांदा लागै रौआ थिया, तोबै बै हांव तिथै खौड़ा थिया, औरौ इयौं बात दा सहमत थिया, औरौ तैसकै मारणौ वाल़ै कै खोटणो कै रोखवाल़ी कौरु थिया।’

प्रेरितो कै काम 7:57

तोबै तिनुऐ बौड़ै जोर शै लैलियायो कान बोन्‍द कौर दिए औरौ ऐकी साथी तैसी पांदी झोपके,

प्रेरितो कै काम 8:3

पौरौ शाऊले कलीसिया कै लोगौ खै सोताए लौवै थिए, औरौ घोरे-घोरे घोसेयो मर्दो औरौ बैटमाणिशौ कै घोसिटै घोसिटैयौ कोयदखाने दै पाए दैंव थिया।

1 कुरिन्थियों 1:24

पौरौ जिनुखै पौरमेशवरे बौएदै राए का यहूदी, का बैगानै यहूदी, ऐजाई मसीह पौरमेशवर कै शौकतै औरौ पौरमेशवर का ज्ञान औसौ।

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

इफिसियों 4:11

ऐजा मसीह थिया जैणै ऐजी जुमैवारी कलीसिया कै दी: तैणै कोसी कै चोणेयौंदे चैलै बाणणौ कारिए चुणै औरौ कोसी कै पौरमेशवर का सौंदेश बौताणौ कारिए औरौ कोसी कै सुसमाचार शुणाणौ कारिए, औरौ कोसी कै बिशवाशियौं कै रौखवाल़ै कौरणौ औरौ शिखाणौ कारिए चुणै।

कुलुस्सियों 2:3

जिथुकै सै सैजाई औसौ जू पौरमेशवर कै बुध्‍दि औरौ ज्ञान कै पौछेयाण कौरांव जू कै तैसी खजाने कै जैशणा औसौ जू छिपैयौंदा औसौ।

प्रकाशितवाक्य 16:6

जिथुकै तिनुऐ तैरै लोगौ औरौ पौरमेशवर कै बातौ बौताणौवाल़ै खै मारै दियै औरौ तिनका लोऊ बौऊवा, इथकारिए ऐबै तू तिनु लोऊ पिणौ कारिए दैं। ऐजौ तिनु कारिए सोही भुगतान औसौ।”

प्रकाशितवाक्य 18:20

तुऐं जू स्वर्ग दै रौंव, ओए रै पौरमेशवर कै लोगौ! चोणेयौंदे चैलै औरौ पौरमेशवर कै बातौ बौताणौवाल़ै! इथ बारै मुंजी बैजाए खुशी मौनांव, जिथुकै पौरमेशवरे बाबेल शहर पांदी आपणा न्याय भैजै राए, तिनु बुराई कै बौजैह जू तिनुऐ तोंवारै साथै कौरे राए।