लूका 11:4 - सिरमौरी नौवाँ नियम

⁴ औरौ अमारै पापौ कै माफ कौर, जिथु आमुए बै आपणै हरेक अपराधी कै माफ कौरु, औरौ आमुखै परीक्षा दै नै पोड़णो दैया।’”

Sirmouri

⁴ अमाँरे पाप माँफ करह्, किन्देंखे के आँमें भे आप्णे अपराधी खे माँफ करह्, अरह् आँमों परख-अजमाँऐष दे ने पाऐ।”

लूका 11:4 ပူးပေါင်းရင်းမြစ်များ

मत्ती 18:35

ऐशैखैई जै तुऔं मुंजीदा हरेक बिशवाशी भाए तैरै खिलाफ पाप कौरौ, औरौ जै तू तैसी मन शै माफ ना कौरे तौ मैरा पिता जू स्वर्ग दा औसौ, तुंआरी बै ऐशैखैई कौरदा।”

मत्ती 26:41

जागदै औरौ प्रार्थना कौरदै रौंव कै जोबै तोंवारै परीक्षा हौलै तोबै तुऐं मुं पांदी बिशवाश कौरणा बंद नी कौरौ। तोंवारा दिमाक ठीक काम कौरणा चांव, पौरौ तोंवारै शोरीरो दै ताकत कै कमी औसौ।”

लूका 11:5

औरौ तैणै तिनु बौल़ौ, “मानै पाव तुऔं मुंजीदै कुणिए आधी रातै कै आपणै कोसी दोस्त खै धोरे जाऐबा बौल़ौ, ‘ओए रै दोस्त; मुखै तीन रोटी दै।

लूका 13:4

औरौ का तुऐं ऐजौ सौमझौ कै ऐजै अठारो लोग तोबै दौबेयौ मौरे गौवै थिए, जौल़ौ यरूशलेम शहर कै धोरे शीलोह को गुम्मट तिनु पांदी पौड़ौ? तौ का सै यरूशलेम शहर कै रौणौवाल़ै लोगौ दै जादा पापी थिए?

लूका 22:46

औरौ तिनु बौल़ौ, “काए सोतै रौवै? ऊबै बिज़ो, प्रार्थना कौरौ कै जोबै तोंवारै परीक्षा हौलै तोबै तुऐं मुं पांदी बिशवाश कौरणा बंद ना कौरौ।”

लूका 8:13

शोकरेड़े वाल़ै जमीन कै बिज़ ऐशणै औसौ, जोबै सै पौरमेशवर का वचन खै शोणेयो तौलोंई खुशी सै मानौए तौ औसौ, पौरौ वचन कै आपणै मनो कै भीतरै बौठणौ ना दैंव, औरौ दैणिक सौमय तौड़ी बिशवाश राखौ, औरौ परीक्षा कै सौमय सै बिशवाश शै दूर हौए जांव।

यूहन्ना 17:15

हांव ऐजै बिन्ती ना कौरु, कै तू तिनुकै दुनिया पौरैशै उठाए दै, पौरौ ऐजौ कै तू तिनुकै तैसी दुष्ट शैतान कैईंदै बौचायौ राख।

1 कुरिन्थियों 10:13

पाप कौरणौ की इछाएं आमु सौबी कै धोरे जौरुर आंव पौरौ पौरमेशवर वफादार औसौ सै तुऔं ऐशै पौरखणौ कै छूट ना दैंदा जिंदै लौड़णौ दै तुऐं लायक ना आथी, बल्कि सै तुऔं सैजै शौकतै दैंदा ताकि तुऐं पाप शै बौचणौ दै काबिल रौए सौकौ।

कुलुस्सियों 3:13

औरौ जै कोसी आदमी कै कोसी पांदी दोष दैणौ कै बौजैह हौंव तौ ऐकी दूजै कै सैहन कौरौ औरौ ऐकी दूजै कै पाप माफ कौरौ, जैशै प्रभुए तोंवारै पाप माफ कौरे राए, तैशैखैई तुऐं बै कौरौ।

2 थिस्सलुनीकियों 3:3

पौरौ प्रभु भोरोशे कै लायक औसौ, सै तुऔं आत्मिक तौर शै मोजबूत कौरदा औरौ दुष्ट शैतान शै तोंवारै रक्षा कौरदा।

2 तीमुथियुस 4:18

औरौ प्रभु मुखै हरेक बुरै कामौ शै छुड़ांदा, औरौ सै मुखै सुरक्षा कै साथै स्‍वर्ग राज्‍य दा पोऊंचान्दा जिथै सै राज्य कौरौ तैसकै महिमा जुग-जुग हौन्दै रौंव। आमीन।

याकूब 2:13

जिथुकै जैणै दया ना कौरी, तैसका न्याय बै बिना दया का हौंदा दया न्यांव पांदी जीतै जांव।

प्रकाशितवाक्य 2:10

तिनु दुखो शै डौरेया नी जू ताखै भैटौ। शैतान तुऔं मुंजीदै किछै लोगौ कै थोम्बाला औरौ तुऔं कोयदी दा पाए दैंदा ताकि सै तुंआरी परीक्षा कौरे सौकौ। तुऐं दस दूसौ तौड़ी बौड़ी मुसीबतौ कै महसूस कौरदै। पौरौ मुं पांदी बिशवाश कौरणा कौलोंई नी छोड़ेया, चाहै तुऔं जान शै बै मारै दैंव, जिथुकै हांव तुऔं खै तुंआरी जीत का इनाम कै रुप दा सौदा कि जिन्दगी दैंदा।

प्रकाशितवाक्य 3:10

तुऐं मैरै सौंदेश कै मानै राए ताकि जोबै तू दुख उठाए तौ तिनु सब्र लैई सैहन कौरे सौकै। इयौंई बौजैह शै, हांव ताखै बौड़ी परीक्षा कै सौमय दा तैरी रक्षा कौरदा। परीक्षा का ऐजा सौमय इयौं दुनिया कै सौब लोगौ पांदी आन्दा।