लूका 11:34 - सिरमौरी नौवाँ नियम

³⁴ तैरै शोरीर का दिवा तैरै आखी औसौ, इथकारिए जोबै तैरै आख आछी औसौ, तौ तैरा सौबै शोरीर पेयाशै दा औसौ, पौरौ जोबै तैरी आख बुरी औसौ तोबै तैरा सौबै शोरीर बै इनारै दा औसौ।

Sirmouri

³⁴ तुवाँरी आँख तुवाँरे देह्-शरीर खे दिवा असो; जे तुवाँरी आँख आच्छ़ी हों, तअ तुवाँरा बादा देह्-शरीर भे प्रकाषमाँन असो; परह् जे तुवाँरी आँख खराब असो, तअ तुवाँरा बादा देह्-शरीर भे अंन्धकार दा असो।

लूका 11:34 ပူးပေါင်းရင်းမြစ်များ

मरकुस 4:12

इथकारिए जैशैकै पवित्र शास्त्र दो लैखै राव कै, “सै दैखौ तौ औसौ पौरौ तिनकै किछै दैखियौं ना, औरौ सै शुणौ तौ औसौ पौरौ किछै बै ना सौमझौ; ऐशैखै ना हौंव कै सै मैरै धोरे पाछु आंव औरौ हांव तिनु माफ कौरे दियु।”

मरकुस 7:22

नाजायज सौमबंध राखणै, लालच कौरणा, दुष्टता, नेंदैया, धौखा दैणा, लुचपन, बुरा बर्ताव, घमण्‍ड, औरौ मूर्खता की बातौ निकल़ौ।

मरकुस 8:18

तुंआरी आखी औरौ कान औसौ, पौरौ तुऐं दैखै औरौ शौणै ना सौकौ। औरौ का तुऔं याद ना आथी?

लूका 11:35

इथकारिए इयौं बातौ का ध्यान राखौ कै जू पेयाशो तुऔं दौ औसौ सै इनारौ ना हौणौ चैंई।

प्रेरितो कै काम 13:11

ऐबै दैख प्रभु ताखै सौजा दैणौवाल़ा औसौ, औरौ तू किछै दूस तौड़ी आन्धा रौंदा, औरौ सुरज कै ना दैखदा।” तोबै तौलोंई धुंधल़ो औरौ इनारौ तैसी पांदी छाए गौ, औरौ सै उंढा-पुंडा जोंदा लागा, ताकि कुणिए तैसका हाथ पाकड़ेयो तैसकै मौदद कौरौ।

प्रेरितो कै काम 2:46

सै हर दूसै ऐक मन हौयौ मन्‍दिर कै आँगणो दै कौठै हौं थिए औरौ घोर-घोर प्रभु भोज कौरदै बैई खुशी मौनांदै औरौ नम्र मन शै खाणौ खांव थिए।

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

2 कुरिन्थियों 11:3

पौरौ हांव डौरुए कै जैशैखै शैतानै शोंगोऊं साए आपणी चतुराई लैई आगली बैटमाणिश हावा खै बैहकाए, तैशैखैई तोंवारै मन साफ सुथरै औरौ पवित्रता लैई मसीह कै सेवा कै साथै हौणै चैंई, कोदी तुऐं धौखा ना खांव।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

इफिसियों 1:17

हांव प्रार्थना कौरु कै पौरमेशवर अमारै प्रभु यीशु मसीह का महिमामय पिता तुऔं बुध्दि, आत्मा औरौ ज्ञान दैंव ताकि तुऐं तैसी जाणै सौकौ।

इफिसियों 6:5

ओए रै दासो, जू लोग इयौं दुनिया कै हिसाब शै तोंवारै मालिक औसौ, चौकशाए शै तिनका आदर औरौ इज्जत कौरौ। सिरफ दिखावा ना कौरौ। तुऔं मुंजी सौबी कै डौरेयौ औरौ काम्बलेबा जैशै मसीह कि, तैशैखैई मालिक कि बै आज्ञा मानणी चैंई।

कुलुस्सियों 3:22

ओए रै गुलामो जू इयौं दुनिया पांदी तोंवारै मालिक औसौ, सौबी बातौ दै तिनकै आज्ञा का पालन कौरौ आदमी कै खुश कौरणौवाल़ौ कै जैशणै दिखाणौ कारिए नी पौरौ मन कै सौचाई औरौ पौरमेशवर कै डौर शै कौरौ।