लूका 11:29 - सिरमौरी नौवाँ नियम

²⁹ जोबै बौड़ै भीड़ कौठै हौए तौ सै बौलदा लागा, “ऐसी जमाने कै लोग बुरै औसौ; सै निशान चांव पौरौ योना पौरमेशवर कै बातौ बौताणौवाल़ै कै निशान छोडे़बा कुणजाई बै निशान तिनुखै दिया ना जांदा।

Sirmouri

²⁹ जबे हजो लोगो के बैशुमाँर बड़ी भीड़ तिन कैई कट्ठी हंदी लागी, तअ प्रभू यीशू बुल्दे लागे, “ऐजी दुष्ट गड़ी-पीड़ी असो; किन्देंखे के ऐ चींन माँगों, परह् ऋषी योना के जीवन दे चींन के सुवाऐ ईन्खे कुँण्जे ही भे चींन ने दिऐ ज़ाँदे।

लूका 11:29 ပူးပေါင်းရင်းမြစ်များ

मत्ती 3:7

जोबै तैणै बौहितै फरीसी औरौ सदूकी लोगौ खै बपतिस्मा लोणो कारिए आपणै धोरे आन्दै बैई दैखै औरौ तैणै तिनुकै बौल़ौ, “तुऐं लोग शोंगोऊं कै नानड़िया जैशणै जोहरिले औसौ, तुऔं कै कुणै बौल़ौ कै आणौवाल़ै गुस्से शै दोऊड़ो?

मरकुस 8:38

जू लोग ऐलो जियुंदी औसौ, औरौ सै पौरमेशवर आरी धौखा कौरौ सैजै ऐकी धोकैबाज घोरवाल़ी साए औसौ, जू मुखै औरौ मैरी शिक्षा कै ना मानौ। हांव आदमी का बैटा, जोबै पवित्र स्‍वर्गदूतौ कै साथै आपणै पिता कै महिमा कै साथै इयौं धोरती पांदी आन्दा, तोबै हांव बै तिनकै भाजै जांदा, कै तुऐं मैरै चैलै औसौ।”

लूका 11:16

ओकीए तैसीकै पौरखणौ कारिए तेसीयांदा स्वर्ग शै निशान मांगा।

लूका 11:50

ताकि जिशैक पौरमेशवर कै बातौ बौताणौवाल़ो का लोऊ दुनिया की शुरुआत दा औगौड़ियौ बोवाए राए, सौबी का लैखा ऐसी जमाने कै लोगौ शै लौन्दै।

लूका 12:1

तैतियोड़ै जोबै हज़ारो लोगौ कै भीड़ लागै गौए, इथै तौड़ी कै सैजै लोग ऐकी दूजै पांदी उदे रिड़ो थिए, तौ तैणै सौबी दौ औगौड़ियौ आपणै चैलै कै बौल़ौ, “फरीसी लोगौ कै ढोंग शै भोरेयोंदे खमीर शै चौकश रौया।

लूका 9:41

यीशुए जोवाब दिया, “ओए रै बिशवाश ना कौरणौवाल़ै औरौ हठीले लोगौ, हांव कोलो तौड़ी तोंवारै साथै रौंदा औरौ कोलो तौड़ी तुऔं झैलदा? आपणै बैटै खै इथै लियांव।”

यूहन्ना 2:18

इथपांदी यहूदी नेताए तैसीखै बौल़ौ, “जै तुंवागै पौरमेशवर कैईंदा ऐजा औधिकार औसौ, तौ आमुखै इथु साबित कौरणौ कारिए ऐक निशान दिखा?”

यूहन्ना 6:30

तोबै तिनुऐ तैसीखै बौल़ौ, “तोबै तू कुणजा निशान आमु दिखाणौ वाल़ा औसौ कै तिथु दैखैयो आमै तांव पांदी बिशवाश कौरु? तू आमु का दिखाणौ चांए?

यूहन्ना 8:44

तुऐं आपणै बापू शैतान शै औसौ औरौ आपणै बापू कै इछा खै पूरै कौरणै चांव। सै तौ आगै दा उंडा हथियारा औसौ, औरौ सै कौलोंई साचा ना थी, जिथुखै सौचाई तैसदै आथी ना, जौल़ौ सै झूठु बौल़ौ, तौ सै आपणै स्‍वभाव शै बौल़ौ, जिथुखै सै झूठा औसौ, औरौ झूठै का बापू औसौ।

1 कुरिन्थियों 1:22

ऐजौ यहूदी लोगौ कै बैकार लागौ जिथुकै सै ऐजौ साबित कौरणौ कारिए स्वर्ग शै ऐक निशान चांव कै ऐजौ साचौ औसौ औरौ बैगानै यहूदी लोगौ कारिए बै औसौ जू आदमी का ज्ञान चांव।