लूका 11:22 - सिरमौरी नौवाँ नियम

²² पौरौ जै कुणिए तैसीदा जादा मोजबूत आदमी तैसी आरी झोगड़ियों औरौ तेसीयांदा जीतै जांव, तौ तैसकै सैजै हथियार जैसी पांदी तैसी भोरोशा थिया, छीणै दैंव औरौ तैसकी जायदात लूटयौ बांडै दैंव।

Sirmouri

²² परह् जे कुँऐं तैच्छ़ा भे बड़ा तागत्तबर आदमी तैसी गाशी हमला करला तअ सेजा ओका बल़वान आदमी तैस्को बादो सब-कुछ लुटियों नींह्दा; अरह् तैस्के सेजे हथ्यार भे जिन्दे गाशी तैसी भूर्षा हों, सेजे भे तैच्छ़ै आगु दड़्दा, अरह् तैस्की बादी धन-संम्पत्ति लुटियों बाँडी देंदा।

लूका 11:22 ပူးပေါင်းရင်းမြစ်များ

लूका 11:21

जोबै मोजबूत आदमी आपणै हथियार बानेयो आपणै घोरो की रोखवाल़ी कौरौ, तौ तैसकी जायदात बौचेयौंदी रौंव।

लूका 11:23

जू मैरै साथै ना आथी, सै मैरै खिलाफ दै औसौ, औरौ जू मैरै साथै कौठौ ना कौरौ, सै खिंडाऐ दैंव।”

इफिसियों 6:11

आमुए आदमी कै खिलाफ युध्द ना लौड़ै लैई। पौरौ आमु प्रधानों औरौ औधिकारियो कै खिलाफ औरौ इनारै कै शौकतै शै औरौ आत्मिक दुनिया कै शौकतै कै खिलाफ लौड़ै रौवै। इथकारिए सौबै हथियार धारण कौरे पांव जू पौरमेशवर दैंव। ताकि जोबै सैजौ बुरु दूस आलो, तौ तुऐं शैतान कै चालौ शै बौचै सौकौ। औरौ जोबै ऐजी लोड़ाए खत्म हौए जाली, तोबै बै तुऐं मोजबूती कै साथै खौड़ै रौए सौकौ।

कुलुस्सियों 2:15

औरौ पौरमेशवरे मसीह कै क्रूस पांदी मौरणौ कै दवारा दुनिया कै औधिकारो औरौ प्रधानताओं कै हरायो तिनु सौबी कै सामणै बैज्जत कौरे औरौ तिनु पांदी जीतेयो तिनका खुलैआम तमाशा बाणा।

1 यूहन्ना 3:8

जू कुणिए आदमी लगातार पाप कौरदा रौंव सै शैतान कै ढौबौशा औसौ, जिथुकै शैतान शुरु ही सै पाप कौरदा आए रौआ। पौरमेशवर का बैटा इथकारिए ओऊवा कै शैतान कै कामौ खै नाश कौरौ।

1 यूहन्ना 4:4

ओए रै प्यारे नानड़िया, तुऐं पौरमेशवर कै लोग औसौ, औरौ तुऐं तिनु झूठै पौरमेशवर कै बातौ बौताणौवाल़ै पांदी जय पाए राए; जिथुकै जू पवित्र आत्मा तुऔं दै औसौ सै शैतान शै बौड़ै औसौ जू इयौं दुनिया कै लोगौ पांदी राज कौरौ।