लूका 11:13 - सिरमौरी नौवाँ नियम

¹³ जोबै तुऐं बुरै हौयौ आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू तैसी कैईंदी पवित्र आत्मा मांगोए।”

Sirmouri

¹³ बुरे हंणों गाशी भे जे तुऐं आप्णे नहाँन्ड़िया खे आच्छ़ी चींजो देणी जाणों, तअ तबे कियों रे, तुवाँरा स्वर्गो का बाबा आप्णें माँगणों वाल़े खे पबित्र-आत्त्मा कैई ने देंदा?”

लूका 11:13 ပူးပေါင်းရင်းမြစ်များ

मत्ती 5:16

इथकारिए तोंवारो पेयाशो ओकी आदमी कै सामणै चौमकौणौ चैंई ताकि सै बै तोंवारै आछै काम दैखैयो तोंवारै पिता कै बौड़ाए कौरौ, जू स्वर्ग दा औसौ।”

मत्ती 5:45

जिथलैई तुऐं आपणै स्वर्गीय पिता कै नानड़िया ठोरल़ै जिथुखै सै भले औरौ बुरै लोगौ पांदी आपणौ पेयाशो प्रगट कौरौ, औरौ धरमी औरौ अधरमी लोगौ पांदी बारिश बरसांव।

मत्ती 6:14

“इथकारिए जै तुऐं आदमी कै पाप माफ कौरलै, तौ पौरमेशवर जू तोंवारा स्वर्ग का पिता औसौ सै बै तोंवारै पाप माफ कौरदा।

मत्ती 6:30

इथकारिए जोबै पौरमेशवर मैदानो कै घास खै, जू ऐलो औसौ, औरौ दोतियो आगी मुंजी पाए जांदै, ऐशणी शोभा दैंव, तौ ओए रै कम बिशवाश कौरणौवाल़ै लोगौ पौरमेशवर जौरुर तोंवारै दैखभाल कौरदा।

मत्ती 6:32

जिथुखै बैगानै जाति कै लोग बै इनु सौबी चीज़ौ की खोज़ दै लागैयौंदे रौंव इथकारिए चिन्‍ता नै कौरेया, जिथु तोंवारा स्वर्गीय पिता जाणौए कै तुऔं इनु सौबी चीज़ौ कै जौरुरत औसौ।

मत्ती 7:11

जोबै तुऐं बुरै हौयौ, आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू लोग तैसी कैईंदी आछी चीज़ौ मांगोए।

लूका 11:12

या आण्‍डै मांगौ, तौ तैसी बिच्‍छू दैंव?

लूका 11:2

तैणै तिनु बौल़ौ, “जोबै तुऐं प्रार्थना कौरौ तौ ऐशैकै बौलेया, ‘ओए रै पिता, तैरौ नांव पवित्र मानौ जांव, तैरा राज्य आंव।

लूका 18:7

तौ इथकारिए पौरमेशवर आपणै चोणेयौंदे लोगौ कारिए जू राती दूसै तैसकै धोरे रुओं तिनका न्याय कौरदा, औरौ सै तिनकै मौदद कौरणौ दै देर ना कौरदा?

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

प्रेरितो कै काम 2:38

पतरस तिनुकै बौल़ौ, “पाप कौरणै छोड़े दैंव औरौ तुऔं मुंजीदा हरेक आपणै-आपणै पापौ कै माफी कारिए यीशु मसीह कै नांव शै बपतिस्मा लौ; तौ तुऐं पवित्र आत्मा का वरदान पांदै।

रोमियों 5:17

जिथुकै जोबै ऐक आदमी कै पाप की बौजैह शै सौबै लोगौ पांदी मौत आए, तौ जू लोग अनुग्रह औरौ धार्मिकता कै वरदान भरपूरी शै पांव सै ऐक आदमी कै, यानी यीशु मसीह कै दवारा जौरुर पाप औरौ मौत शै जीतै जांदै।

रोमियों 7:18

जिथुकै हांव जाणुए कै मुं दा औरौ मैरै पापमय आदमी कै स्‍वभाव दै कुणजै बै आछै चीज़ ना रौंव, भले काम कौरणौ कारिए इछा तौ मुं दै औसौए पौरौ तिनु हांव कौरे ना सौकु।

रोमियों 8:32

पौरमेशवरे आपणै बैटै कै आपी कारिए ना राखी, पौरौ तैसीकै अमारै खातिर आपणै दुशमन कै सौंपै दिया, सै आमु सैजौ सौबै ठुँ बै दैंदा जू वादा तैणै आमुआरी कौरे राए।

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।