लूका 10:42 - सिरमौरी नौवाँ नियम

⁴² पौरौ ऐक बात जौरुर औसौ, मरियमे ऐजा बड़िया भाग छांटै राए, जू इयौं कैईंदा कुणिए बै उंढा ना छीणै सौकौ।”

Sirmouri

⁴² परह् ऐक ऐजी बात जरूर असो, के सोभी शा आच्छ़ा शुद्ध भाग हिस्सा मरियम ऐ चूंणी थुवा, अरह् ऐजा भाग हिस्सा ईयों कैई शा कुँऐं ने दड़ी सक्दा।”

लूका 10:42 ပူးပေါင်းရင်းမြစ်များ

मरकुस 8:36

ऐक आदमी कै का भेटलो जै तैसीकै पूरी दुनिया कै चीज़ौ भेटली? औरौ पौरमेशवर कै साथी हमैशा कै जिन्दगी खोए दैला।

लूका 10:39

तियौंकै मरियम नांव कै ऐक बोहिण थी; सै प्रभु कै लातो धोरे बौठेयौ तैसकै शिक्षा शुणौ थै।

लूका 11:1

ऐकी दूसै यीशु कोसी ठाँव दै प्रार्थना कौरे लोए थै। औरौ जोबै तैणै प्रार्थना कौर पाए, तौ तैसकै चैलै मुंजीदै ऐकीए तैसी बौल़ौ, “ओए रै प्रभु, जैशैकै यूहन्नाए आपणै चैलै कै प्रार्थना कौरणै शिखाए राए तैशैकैई तू आमुखै बै शिखाए दै।”

लूका 12:20

पौरौ पौरमेशवरे तैसी बौल़ौ, ‘ओए रै मूर्ख! जै तू इयौंई रातै मौरे जैईला; तोबै तुऐं जू चीज़ौ कौठी कौरे रैई, सैजी कुण कौरदा?’

लूका 12:33

आपणी जायदात बिकैयो दान कौरे दैव; औरौ आपी कारिए ऐशणै बोटुए बाणौ जू पुराणै ना हौंव, औरौ स्वर्ग दो ऐशणौ धन कौठौ कौरौ जू कम ना हौंव, औरौ जिथै ना तौ चोर जाए सौकौ, औरौ ना ही कीड़ा तिथुखै नाश कौरे सौकौ।

लूका 16:2

इथकारिए सैठ आदमीए तैसी बौएदैयौ बौल़ौ, ऐजौ का औसौ जू मोऐं तैरै बारै मुंजी शौणै लो? तुऐं मैरै पौयसै शै का कौरौ तिथका हिसाब मुखै दै, आपणै भण्‍डारीपन का लैखा दै, जिथुकै तू औगौड़ियौ मैरा भण्‍डारी ना रौए सौकदा।

लूका 16:25

पौरौ अब्राहमै बौल़ौ, ओए रै बैटा याद कौर, कै तुऐं आपणै जिन्दगी दी आछी चीज़ौ पैई, औरौ तैशैकैई लाजरे बै बुरी चीज़ौ पाए रैई, पौरौ ऐबै इथै शान्तै पाए लोऐ, औरौ तू पीड़ो दा तौड़पे रौआ।

लूका 18:22

ऐजौ शोणेयो, “यीशुए तैसी बौल़ौ, ऐबै बै तांव दै ऐकी बातौ की कमी औसौ, आपणौ सौबै ठुँ बिकैयो गोरीबो कै बांडै दै, तौ ताखै स्वर्गो दा धन भैटला, औरौ आयौ मैरा चैला बौणै जा।”

लूका 8:18

इथकारिए तुऐं चौकश रौया कै तुऐं कैशैखै शुणौ, जिथुकै जैसकैंई किछै सौमझ औसौ, तैसीखै पौरमेशवर बौहितै सौमझ दैला। पौरौ जैसकैंई किछै बै सौमझ ना आथी, तौ पौरमेशवर तैसी कैईंदै सैजै सौमझ बै उंढी कौरदा जू तैसीकैईं औसौए।”

यूहन्ना 11:1

बैतनिय्‍याह गांव दा लाजर नांव का ऐक आदमी बीमार थिया। मरियम औरौ मार्था तैसकै दीदी थै।

यूहन्ना 11:19

औरौ भौरिशै यहूदी लोग मार्था औरौ मरियम खै धोरे तियौंखै भाई कै मौत कै बारै मुंजी ढेट दैणौ कारिए आए रौवै थिए।

यूहन्ना 12:3

तोबै मरियमे जटामांसी कौ आधै लीटर कै लमसम मोहगौं इत्र लोयो खै यीशु कै लातो पांदी मौल़ौ, औरौ आपणै बाल़ो लैई तैसकै लातो कै गुशै; औरौ इत्र कै खुशबू लैई घोर खुशबूदार हौए गौ।

यूहन्ना 17:3

सौदा कै जिन्दगी ऐजै औसौ कै लोग ताखै जाणै सौकौ, बल्कि सिरफ एकमात्र साची पौरमेशवर कै। औरौ ऐजौ बै कै सैजै मुखै जाणौ, यानी यीशु मसीह कै, जैसी तुऐं भैजै राए।

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

1 कुरिन्थियों 13:3

औरौ जै हांव आपणै सारै जायदात कंगालो खै दैय दियु, औरौ इथै तौड़ी कै जै हांव लोगौ कै आपणा शोरीर फूंकणौ कै दैय दियु, औरौ लोगौ आरी प्यार ना राखु तौ मुखै किछै बै फायदा ना हौंदा।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।