लूका 10:3 - सिरमौरी नौवाँ नियम

³ जाव; औरौ शुणौ, हांव तुऔं भेड़ो कै जैशणै भेड़ियों कै धोरे भैजु।

Sirmouri

³ ज़ाव, हाँव तुओं भेड़ियों के बीच दे छ़ैल़्टू जिऐ डियाल़ू।

लूका 10:3 ပူးပေါင်းရင်းမြစ်များ

मत्ती 10:16

“दैखौ, हांव तुऔं भेड़ो कै जैशणै भेड़ियों कै बीच मुंजी छाड़ै दियु, इथकारिए शोंगोऊं कै जैशणै बुध्दिमान औरौ कबूतरों कै जैशणै भोल़ै बौणैया।

मत्ती 10:22

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तैसीकै बौचाल़ा।

मत्ती 7:15

“झूठै पौरमेशवर कै बातौ बौताणौवाल़ै कैईंदै चौकश रौया, जू भेड़ो कै भैषो दै तोंवारै धोरे आंव, पौरौ भीतरो दै सै उपाड़ैयो खाए दैणौवाल़ै भेड़िए औसौ।

लूका 10:4

इथकारिए ना बटुआ, ना झोल़ा, ना बूट, औरौ ना ही बाटो पुंडे कोसी कै नमशकार कौरेया।

यूहन्ना 10:12

धियाड़ी पांदी राखैयौंदा नोकर जोबै भेड़िए कै आन्दै बैई दैखौ तौ दौड़ै जांव। सै भेड़ो कै छोड़े दैन्दा जिथुकै सै तिनका चौराईया ना आथी औरौ भेड़ो तैसकी ना आथी। इथकारिए भेड़िया तिनु पांदी हमला कौरौ औरौ डार कै तितर बितर कौरे दैंव।

यूहन्ना 15:20

याद राखौ कै मोऐं तुऔं का राव थियु बौल़ै, ‘नोकर आपणै मालिक दा बौड़ा ना आथी,’ जै तिनुऐ मुखै सोताए राए, तौ सै तुऔं खै बै सतांदै, जै सै मैरी शिक्षा कै मानदै, तौ तोंवारै बै मानलै।

यूहन्ना 16:2

सै तुऔं यहूदी सभा-घोरो पौरैशै बायरै निकाल़ै दैंदै, औरौ सैजा सौमय आए गौआ, कै जू कुणिए तुऔं मारणौ शै ऐजौ सौमझला कै जू पौरमेशवर चांव सैजौ हांव कौरु।

प्रेरितो कै काम 20:29

हांव जाणुए, कै मैरै जाणौ कै बाद तोंवारै बीच मुंजी झूठै गुरु आन्दै औरौ बिशवाशियौं खै भोरमांदै। सै तिनु फाड़णौवाल़ै भेड़िए कै जैशणै हौंदै जू भेड़ो खै मारै दैंव।

प्रेरितो कै काम 9:16

औरौ हांव तैसीखै बौतांदा, कै लोगौ खै मैरै बारै मुंजी प्रचार कौरणौ कै बौजैह शै तैसी कैशणा-कैशणा दुख झैल़णा पौड़दा।”

प्रेरितो कै काम 9:2

औरौ तैसीयादी दमिश्क शहर कै यहूदी सभा-घोरो कै नांव पांदी चिट्ठियां मांगी, कै कुणिए बै मर्द या बैटमाणिश जू मसीह कै गुट कै लोग औसौ तिनु बांनैयौ यरूशलेम शहर दै लियांव।