लूका 10:20 - सिरमौरी नौवाँ नियम

²⁰ तोबै बै इथलैई खुशी नै हौया, कै दुष्टआत्मा तुंआरी आज्ञा मानौ, पौरौ इथलैई खुशी हौया कै तोंवारै नांव स्वर्ग दै लैखै राए।”

Sirmouri

²⁰ परह्, ईन्दें ने शियाँगिऐं ने, के आत्त्माऐं तुवाँरे बष दी असो; परह् ईन्दे शियाँगियों के तुवाँरे नाँव स्वर्गो दे लिखी थुऐ।”

लूका 10:20 ပူးပေါင်းရင်းမြစ်များ

मत्ती 10:1

तोबै तैणै आपणै बारौ चैलै खै आपणै धोरे बोईदै औरौ तिनु दुष्टआत्मा पांदी औधिकार दिया, कै तिनुखै निकाल़ौ औरौ सौबी भान्त की बीमारियों औरौ कमजोरी खै दूर कौरौ।

मत्ती 26:24

हांव, आदमी का बैटा मोरी जोऊंबा जिथुकै ऐजै बात शास्त्रो दै लेखी राखै। पौरौ तैसी आदमी कै सख्त सौजा भैटदी जू मुखै धौखै शा थोमाला। जै सैजा आदमी पौयदा ना हौंदा तौ तैसी आदमी कारिए ऐजी भोली बात थी।”

मत्ती 27:5

तोबै सै तिनु सिक्‍कै खै मन्दिर कै आँगणो दै फैरकायो आगु हौटा औरौ बायरै जाऐबा आपी खै फांशी लाए।

फिलिप्पियों 4:3

ओए रै साची सहयोगी सुजूगस, हांव तांव कैईंदै बिन्ती कौरु कै तू तिनु बैटमाणिशौ का मैल मिलाप कौरणौ मुंजी मौदद कौर, जिथुकै तिनुऐ मैरै साथै सुसमाचार फौयलणौ मुंजी क्‍लेमेंस औरौ मैरै बाकी सहयोगी कै साथै मैहनत कौरे राए जिनकै नांव जीवन कै किताबो पांदी लैखैयौंदे औसौ।

इब्रानियों 12:23

तुऐं पौरमेशवर कै पहलौठै कै कलीसिया दै आए रौवै, जिनकै नांव स्वर्ग दै लैख राए। तुऐं आपी पौरमेशवर कै धोरे आए रौवै, जू सौबी लोगौ पांदी न्याय कौरौ। तुऐं स्वर्ग दै धरमी लोगौ की आत्माओं कै धोरे आए रौवै जिनु ऐबै सिध्द बाणै राए।

प्रकाशितवाक्य 13:8

धोरती पांदी रौणौवाल़ै सौबै लोग तैसकै पूजा कौरदै लागै। सिरफ तिनु लोगै तैसकै पूजा ना कौरी जिनकै नांव दुनिया कै बाणै जाणै शै आगै ही जीवन कै किताब दै लिखै राए थै। ऐजी जीवन कै किताब तैसी मेम्ने कै किताब औसौ जैसी बलिदान कै रुप दै मारै गौआ थिया।

प्रकाशितवाक्य 17:8

सैजा राकस जिथु तुऐं इबी दैख राए, ऐकी सौमय जियुंदी थिया, पौरौ ऐबै जियुंदी ना आथी; सै डुंगै गौढै पौरैशा बायरै आणौवाल़ा औसौ औरौ पौरमेशवर तैसी पूरी तरह शै नाश कौरे दैंदा। धोरती पांदी रौणौवाल़ै लोग जिनकै नांव पौरमेशवरे धोरती कै बाणणौ दै औगौड़ियौ जीवन कै किताबो दो ना लिखी, सै सौबै हैरान हौए जांदै जोबै सै ऐसी जानवर खै दैखदै। ऐकी सौमय सै जियुंदी थिया; ऐबै सै जियुंदी ना आथी; पौरौ सै औटेयौ पाछु आन्दा।

प्रकाशितवाक्य 20:12

औरौ मोऐं मौरेयौंदे लोगौ खै सिंहासन कै सामणै खौड़ै होयोंदै दैखै, यानी तिनुकै जू छौटे दर्जै औरौ बौड़ै दर्जै कै लोग औसौ। सैजै लोग जू समुन्द्र दै डुबेयो मौरे गौवै थिए, औरौ कब्रो दै कै सौबै मौरेयौंदे लोग, औरौ सैजै सौब लोग जू मौरेयौंदे कै ठाँव पांदी थिए, सैजै सौबै तैसी सिंहासन कै सामणै खौड़ै हुवे, सैजी किताब खोले गौए जिथमुंजी तिनु लोगौ कै नांव लैख राए थिए जिनुकैईं सैजा जीवन थिया जिथका कुणजाई अंत ना आथी। सैजै किताब बै खोले गौए जिथमुंजी लोगै जू-जू कौरे राए सैजौ लैख राए थियु, औरौ हर आदमीए जू किछै कौरे राए थियु तिथकै हिसाब शै तिनका न्याय कौरा गौआ, जू तिनु किताबो दो लैख राए थियु।

प्रकाशितवाक्य 21:27

पौरौ कुणिए बै जू अपवित्र औसौ या सैजै लोग जू बैकार काम कौरौ औरौ झूठ बौलणौ वाल़ै कै बिल्कुल बै तैसी शहरो दै रौणौ कै इजाज़त ना आथी। तैसी शहरो दै सैजैई लोग रोए सौकौ जिनकै नांव मेम्ने कै जीवन कै किताबो दै लैखै राखै। ऐजी सैजी किताब औसौ जिन्दै तिनु लोगौ कै नांव लिखी राए जिनुकैईं हमैशा कै जिन्दगी औसौ।

प्रकाशितवाक्य 3:5

सैजै जू जीत पालै तिनु बै तिनकै चिटै लुस्कै बोम्बाए जांदै। हांव तिनकै नांव किताब मुंजीदै ना हटांदा जिथमुंजी पौरमेशवरे तिनु लोगौ कै नांव लैख राए जिनु सौदा कै जिन्दगी भैटदै। हांव आपणै पिता कै सामणै औरौ तैसकै स्‍वर्गदूतौ कै सामणै ऐजौ साबित कौरदा कै सै मैरै औसौ।