लूका 10:18 - सिरमौरी नौवाँ नियम

¹⁸ तैणै तिनु बौल़ौ, “जोबै दुष्टआत्मा तोंवारै आज्ञा मानौ, तौ मोऐं शैतान कै एकदम स्वर्ग शै बिजली छुटणौ कै जैशणा छुटदै बैई दैखा।

Sirmouri

¹⁸ प्रभू यीशू ऐ तिनखे बुलो, “मुँऐं दुष्टो का राजा शैतान बिजूल़ी जैऐ स्वर्गो शी ऊँदी पड़्दे दे:खी थऐ।

लूका 10:18 ပူးပေါင်းရင်းမြစ်များ

मत्ती 4:10

तोबै यीशुए तैसीखै बौल़ौ, “ओए रै शैतान दूर हौए जा, जिथुखै पवित्र शास्त्र दो ऐजौ बै लैखै राए: ‘तू आपणै प्रभु पौरमेशवर कै झोकैबा ढाल़ कौर, औरौ सिरफ तैसकै सेवा कौर।’”

यूहन्ना 12:31

दुनिया दै लोगौ का न्याय कौरणौ कारिए पौरमेशवर का सौमय ऐबै आए रौआ, औरौ इयौं दुनिया का ठोगड़ा शैतान गाड़ै दिया जांदा।

यूहन्ना 16:11

औरौ न्याय कै बारै मुंजी यकीन दिलांदा कै इयौं दुनिया का ठोगड़ा शैतान दोषी ठोहराए गौआ।”

इब्रानियों 2:14

जिथुकै जिनु पौरमेशवरे नानड़िया बौलेयौ बौएदै राए, तिनका ऐक आदमी कै जैशणा शोरीर थिया। औरौ यीशुए आपी अमारै जैशणा आदमी का शोरीर धारण कौरा ताकि सै आपणी मौत लैई मौत पांदी औधिकार राखणौवाल़ै शैतान खै नाश कौरौ।

1 यूहन्ना 3:8

जू कुणिए आदमी लगातार पाप कौरदा रौंव सै शैतान कै ढौबौशा औसौ, जिथुकै शैतान शुरु ही सै पाप कौरदा आए रौआ। पौरमेशवर का बैटा इथकारिए ओऊवा कै शैतान कै कामौ खै नाश कौरौ।

प्रकाशितवाक्य 20:2

तैणै अजगर कै यानी पुराणै सांपौ कै जैसी शैतान बै बौल़ौए, पाकड़ै पाए। तैणै तैसी बानै दिया औरौ तैसी गौढै उदा फेरकाए दिया, तैणै दरवाज़ा बंद कौरे दिया, औरौ तिथपांदी मोहर लाए दै ताकि तैसी ऐक हजार साल तौड़ी उंढा नी खौल़ौ। इथकारिए, तैसी सौमय कै दौरान, शैतान ऐक हजार साल तौड़ी लोगौ कै धौखा ना दैय सौकौ। तिथकै बाद, तैसी हौजौ थोड़ै सौमय कारिए रिहा कौरे दैंदै।

प्रकाशितवाक्य 9:1

जोबै पाँचवें स्‍वर्गदूतै तुरही फोकै, तौ मोऐं स्वर्ग शै धोरती पांदी ऐक तारा गिरदै बैई दैखा, औरौ तारै खै सैजी चाबै दैय गौए जू तैसी गौढै कै खोले सौकौ जिथकै गहराई का कौलोंई अन्त ना हौए सौकौ।