लूका 1:79 - सिरमौरी नौवाँ नियम

⁷⁹ कै जू लोग इनारै दै औरौ सौदा कै मौत कै खतरै दै औसौ तिनुकै पेयाशो भैटी सौकौ। औरौ ऐजौ पेयाशो आमु जीवन की बाटो पांदी लोए जांदो जू आमु पौरमेशवर कै साथै शान्तै दैलौ।”

Sirmouri

⁷⁹ किन्देंखे के ईनाँरो अरह् मंऊँत्त की छ़या दे बंईठणों वाल़े, गाशी से प्रकाष दियों; अरह् अमाँरी भीखो संही सीधी बाटो दी चलाव।”

लूका 1:79 ပူးပေါင်းရင်းမြစ်များ

मत्ती 4:16

तुऐं बैगानै यहूदी लोग जू पौरमेशवर कै जाणै बिना इनारै दै ज़ी रौवै चोमकैयौंदे पेयाशै कै दैखलै, औरौ सैजौ पेयाशो तुऔं कै उध्दार कै बाट दिखालो जू लोग पौरमेशवर कै जाणै बिना ज़ी रौवै औरौ जू सौदा कै जिन्दगी कारिए मौत कै बाटो दै औसौ।”

लूका 2:32

कै सै बैगानै यहूदी कै सोचाई बौताणौ कारिए पौरमेशवर को ऐक पेयाशो औसौ, औरौ इस्राएल देश कै लोगौ कै महिमा हौंव जू तैरै आपणै औसौ।”

यूहन्ना 1:9

सैजौ जू साचौ पेयाशो औसौ जू हरेक आदमी खै पेयाशो दैंव, सै दुनिया दो आणौवाल़ौ थियु।

यूहन्ना 12:46

हांव दुनिया कै लोगौ कारिए पेयाशै कै जैशणा आए रौआ, ताकि जू कुणिए मुं पांदी बिशवाश कौरौ, सै इनारै दै नी रौंव।

यूहन्ना 8:12

तोबै यीशुए हौजौ लोगौ खै बौल़ौ, “दुनिया को पेयाशो हांव औसौ; जू कुणिए मैरै पाछैदा हांडला, सै इनारै दा ना हांडदा, पौरौ तिथु पेयाशै कै पाला जू सौदा कै जिन्दगी दैंव।”

यूहन्ना 9:5

जांव तौड़ी हांव दुनिया पांदी औसौ तांव तौड़ी दुनिया कौ पेयाशो हांव औसौ।”

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

रोमियों 3:17

सै ओकी लोगौ कै साथै झोगड़े कै बिना रौए ना सौकौ।

इफिसियों 5:8

जिथुकै आगै तुऐं आपी इनारै दै रौंव थिए, पौरौ जौल़ौ दै ऊबै तुऐं प्रभु कै लोग बौणै रौवै, तुऐं पेयाशै दै औसौ। इथकारिए पेयाशै दै रौणौवाल़ै लोगौ कै जैशणै हांडो।