लूका 1:76 - सिरमौरी नौवाँ नियम

⁷⁶ औरौ तू ओए रै बालक, ऐबै शै तू सौबीदा बौड़ा पौरमेशवर कै बातौ बौताणौवाल़ा जाणा जांदा, औरौ तू प्रभु कै आणौ कारिए आदमी कै तैयार कौरदा।

Sirmouri

⁷⁶ अरह् तू हे बालक, (परंम-पिता पंणमिश्वर) का बंरम्बाँणी कर्णो वाल़ा ऋषी बंण्ला, किन्देंखे के तू प्रभू के बाट तियाँर करदा तिन शा आगे-आगे चाल्दा।

लूका 1:76 ပူးပေါင်းရင်းမြစ်များ

मत्ती 14:5

औरौ सै तैसीखै मारै दैणा चांव थिया, पौरौ लोगौ दा डौरौ थिया, जिथु सै तैसीखै पौरमेशवर कै बातौ बौताणौवाल़ा मानौ थिए।

मत्ती 21:26

औरौ जै आमु बुलूबे, ‘ऐजा औधिकार आदमियों कै ढौबौशै’ तौ आमुखै भीड़ का डौर औसौ, जिथुखै सौबै लोग यूहन्ना खै पौरमेशवर कै बातौ बौताणौवाल़ा मानौ थिए।”

मत्ती 3:11

“हांव तुऔं पाणी लैई बपतिस्मा दैंदा, जिनुवै आपणै पाप छोड़ेयौ पौरमेशवर कै ढौबौ मन राए लाए, पौरौ जू मैरै बाद आणौवाल़ा औसौ, सै मुं दा शौकतीशाली औसौ; हांव तौ तैसकै जूते कै तशमै खौलणौ कै लायक बै ना आथी, सै तुऔं खै पवित्र आत्मा औरौ आगै लैई बपतिस्मा दैंदा।

मत्ती 3:3

ऐजा सैजाई औसौ जैसकै चौर्चा यशायाह पौरमेशवर कै बातौ बौताणौवाल़ै कै दवारा कौरे राए थी कै: “उजाड़ जौगैह दा ऐक बौईदणो वाल़ै का शब्द शुणी रौआ, कै प्रभु कै खातीरदारी कारिए आपणै मनो कै तैयार कौरौ, औरौ तैसकै आणौ कारिए आपी खै सुधारौ।”

मरकुस 11:32

औरौ जै आमु बुलूबे, ‘ऐजा औधिकार आदमियों कै ढौबौशै,’ तौ लोग आमुखै पौरैशानी खौड़ै कौरलै, जिथुकै सौबै लोग मानौ थिए कै यूहन्ना बपतिस्मा दाता सौथीखै ही पौरमेशवर कै बातौ बौताणौवाल़ा थिया इथकारिए सै डौरे रौवै थिए।”

लूका 1:32

सै महान हौंदा औरौ सौबीदा बौड़ा पौरमेशवर का बैटा बौला जांदा औरौ प्रभु पौरमेशवर तैसकै पुराणिया राजा दाऊद जैशणा राजा बाणदा।

लूका 1:35

स्‍वर्गदूतै तियौं जोवाब दिया, “पवित्र आत्मा तांव पांदी उतौरदा औरौ सौबीदै बौड़ै पौरमेशवर कै अनौखी शौकतै तांव पांदी छाया कौरदै; इथकारिए जू तांव पौरैशा पौयदा हौंदा सै पवित्र बैटा हौंदा औरौ सै पौरमेशवर का बैटा बोला जाला।

लूका 6:35

जै तुऐं आपणै दुशमन आरी प्यार राखौ, औरौ भोलाए कौरौ, औरौ हौजौ पाछु पाणै कै उमीद नी राखैयौ उधार दैंव; तौ तुऔं कारिए बौड़ा फोल़ हौंदा। औरौ तुऐं सौबीदै बौड़ै पौरमेशवर कै नानड़िया ठोहरलै, जिथुकै सै तिनु पांदी जू धन्यवाद ना कौरौ औरौ बुरै लोगौ पांदी बै कृपा कौरणौवाल़ा औसौ।

यूहन्ना 1:23

यूहन्नाए बौल़ौ, “जैशैखै यशायाह पौरमेशवर कै बातौ बौताणौवाल़ै बौल़ौ कै, ‘उजाड़ जौगैह दै ऐकी धाव दैणौवाल़ै कै धाव रौए शौणै, कै तुऐं प्रभु कै खातीरदारी कारिए आपणै मनो कै तैयार कौरौ, औरौ तैसकै आणौ कारिए आपी खै सुधारौ।’”

यूहन्ना 1:27

यानी जू मैरै बाद आणौवाल़ा औसौ, हांव तौ तैसकै जूते कै तशमै खौलणौ कै लायक बै ना आथी।”

यूहन्ना 3:28

तुऐं मुखै खुद ऐजौ बौलदै बैई शुणौ कै, ‘हांव मसीह ना आथी, पौरौ तैसकै आगै भैजै राए।’

प्रेरितो कै काम 16:17

सै पौलुस कै औरौ अमारै पौछौड़ियौ आयौ लैरौ मारदै लागै, “ऐजै आदमी परमप्रधान पौरमेशवर कै दास औसौ, जू तुऔं कै उध्दार कै बाट बौतांव।”