लूका 1:6 - सिरमौरी नौवाँ नियम

⁶ औरौ सै दुईनै पौरमेशवर कै सामणै धरमी थिए, औरौ प्रभु की सौबी आज्ञाओं औरौ नियमौ पांदी निर्दोष चालणौ वाल़ै थिए।

Sirmouri

⁶ से दुईनें पंणमिश्वर के साम्णें धरमाँईत्त थिऐ, अरह् प्रभू के बादी अज्ञाँ-निय्म, माँनों थिऐ, से बेकसूर चाल चाल़्णों वाल़े थिऐ।

लूका 1:6 ပူးပေါင်းရင်းမြစ်များ

लूका 1:7

पौरौ तिनकै ऐक बै नानड़िया ना थी जिथुखै एलीशिबा शोनै थी औरौ सै दुईनै बूढ़े थिए।

लूका 16:15

यीशुए तिनु बौल़ौ, “तुऐं तौ आपी खै लोगौ कै सामणै सोही दिखांव, पौरौ पौरमेशवर तोंवारै मनो कै जाणौए, जिथुकै जू बुरी चीज़ौ आदमी कै नोजरी दी खास औसौ, सैजी पौरमेशवर कै सामणै बैकार औसौ।”

लूका 2:25

तैसी सौमय यरूशलेम शहर दा शमौन नांव का ऐक आदमी थिया औरौ सैजा आदमी धरमी औरौ भकत थिया, औरौ बैसब्री शै मसीह कै आणौ का इंतजार कौरे लौआ थिया कै सै इस्राएल देश कै शान्तै दैंव, औरौ पवित्र आत्मा तैसी पांदी थै।

प्रेरितो कै काम 2:25

जिथुकै राजा दाऊद यीशु कै बारै मुंजी बौल़ौ, ‘हांव प्रभु कै हमैशा आपणै सामणै दैखदा रौआ जिथुकै सै मैरै सोऐं ढौबौ औसौ, कै हांव तिनु लोगौ दा ना डौरदा जू मुखै नुकसान पोऊंचाणा चांव।

प्रेरितो कै काम 23:1

पौलुसे महासभा कै ढौबौ टकटकी लायौ खै दैखौ, औरौ बौल़ौ, “ओए रै भाईयों, मोऐं ऐलो तौड़ी पौरमेशवर कारिए बिल्कुल साची विवेक शै जिन्दगी बिताए राए।”

प्रेरितो कै काम 24:16

इथकारिए हांव आपी बै कौचिश कौरु, कै पौरमेशवर की औरौ आदमी कै ढौबौशा मैरा विवेक सौदा निर्दोष रौंव।

प्रेरितो कै काम 8:21

इयौं सेवा मुंजी ना तैरा हिस्सा औसौ, ना भाग; जिथुकै तैरा मन पौरमेशवर कै सामणै सोही ना आथी।

रोमियों 8:4

इथकारिए कै धार्मिक नियम जू अमारै पापी स्‍वभाव कै हिसाब शै नी पौरौ पवित्र आत्मा कै हिसाब शै चालैयौ, निभाए जांव।

1 कुरिन्थियों 11:2

हांव तोंवारै तारीफ कौरु कै तुऐं हर सौमय मुखै याद राखौ औरौ तिनु शिक्षाओं खै मोजबूती शै पालन कौरौ, जैशणी मोऐं तुऔं सौंपै रैई थी।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

फिलिप्पियों 2:15

ताकि तुऐं ढीठ औरौ भ्रष्ट लोगौ शै भोरेयौंदे दुनिया दै पौरमेशवर कै सिध्द संतानो कै जैशणै निर्दोष औरौ बिना कपट का जीवन जियौं। तुऔं इयौं दुनिया कै लोगौ कै बीच गौयण कै तारै कै जैशणै चौमकौणौ चैंई जोबै तुऐं तिनु सैजा वचन बौतांव जू सौदा कै जिन्दगी दैंव।

कुलुस्सियों 1:22

पौरौ पौरमेशवरे आपणै बैटै मसीह कै आदमी बाणैयौ औरौ तैसीकै क्रूस पांदी मौरणौ कै दवारा तोंवारा बै मैल-मिलाप कौरौऊवा, ताकि तुऔं आपणै सामणै पवित्र औरौ बिना कलंक औरौ निर्दोष बाणैयौ शामिल कौरौ।

1 थिस्सलुनीकियों 3:13

आमै प्रार्थना कौरु कै अमारा प्रभु यीशु मसीह तोंवारै मन खै ऐशै मोजबूत कौरौ, कै जोबै अमारा प्रभु यीशु मसीह आपणै सौबै पवित्र लोगौ कै साथै औटेयौ पाछु आला, तौ सै अमारै पौरमेशवर पिता कै सामणै पवित्रता दै निर्दोष ठौहरौ।

2 पतरस 3:14

इथकारिए ओए रै बिशवाशी भाईटु, जोबै कै तुऐं तैसी दूसौ का इंतजार कौरे लौआ जौल़ौ पौरमेशवर दुनिया का न्याय कौरला तौ तुऔं जादा कौचिश कौरणै चैंई ताकि सै तुऔं शुद्ध औरौ निर्दोष औरौ आपणै साथै शान्तै शै पांव।

1 यूहन्ना 2:29

जिथुकै तुऐं जाणौए, कै मसीह धरमी औसौ, तौ ऐजौ बै जाणौ कै जू कुणिए धार्मिकता का काम कौरौए सै पौरमेशवर कै संतान औसौ।

1 यूहन्ना 2:3

जै आमु पौरमेशवर कै आज्ञाओं खै मानुए, तौ तेसीयांदा ही आमु पौता चालदा कै आमु तैसीखै जाणुए।

1 यूहन्ना 3:7

ओए रै नानड़िया, कोसी खै धौखा दै नी आया; जू कुणिए आदमी धार्मिकता कै काम कौरौए, सैजाई मसीह कै जैशणा धरमी औसौ।