लूका 1:41 - सिरमौरी नौवाँ नियम

⁴¹ जैशैकैई एलीशिबाए मरियम का नमश्‍कार शुणा तैशैकैई नानड़िया तियौंकै पेटो दा छिड़ा औरौ एलीशिबा पवित्र आत्मा शै भोरै गौए।

Sirmouri

⁴¹ जैई तिऐं इलीशिबा ऐ मरियम के नमंष्कार शुणीं, तेई तियारे पैटो दो नहाँन्ड़िया छाटियो; अरह् इलीशिबा तेख्णी पबित्र-आत्त्मा के शक्त्ति लई भरपूर हऐ गऐ।

लूका 1:41 ပူးပေါင်းရင်းမြစ်များ

लूका 1:15

जिथुखै सै प्रभु कै सामणै महान हौंदा, औरौ सै नौशीला रस औरौ सूर कौलोंई ना पिन्‍दा औरौ आपणी माँ कै पेटो दा ही पवित्र आत्मा लैई भौरेयौंदा हौंदा।

लूका 1:40

औरौ जकर्याह कै घोरे जाऐबा एलीशिबा कै नमश्‍कार कौरा।

लूका 1:42

औरौ तियैं जोर सै बौल़ौ, “तू बैटमाणिशौ मुंजी धन्‍य औसौ, औरौ जैसी भैईया खै तू जन्म दैलै सै धन्‍य औसौ!

लूका 1:44

औरौ जैशैकैई मोऐं तैरै नमश्‍कार का शोब्द शुणा तैशैकैई मैरै पेटो दा बौचा खुशी शै हिंजल़दा लागा।

लूका 1:67

तैसका बापू जकर्याह पवित्र आत्मा शै भोरै गौआ, औरौ पौरमेशवर कै बौलेयौंदी बातौ बौतांदा लागा।

लूका 4:1

तोबै यीशु पवित्र आत्मा दा भोरेयो यरदन नोंदी शा पाछु ओऊवा, औरौ चाल़ीश रातै-दूसौ तौड़ी पवित्र आत्मा कै शिखाणौ शै उजाड़ जौगैह पांदी फिरदा रौआ।

प्रेरितो कै काम 2:4

औरौ सैजै सौबै पवित्र आत्मा लैई भोरै गौवै, औरौ जैशैकै आत्माए तिनुकै बौलणौ कै शौकतै दै, औरौ सै ओकी-ओकी भाषा दै बौलांदै लागै।

प्रेरितो कै काम 4:8

तोबै पतरसे पवित्र आत्मा लैई भोरेयो तिनु बौल़ौ,

प्रेरितो कै काम 6:3

इथकारिए ओए रै बिशवाशी भाईयों, आपी मुंजीदै सात इजतदार मर्दो कै जू पवित्र आत्मा औरौ बुध्दि शै भौरेयौंदे हौंव, जिनकै बारै मुंजी सौबै जोणे जाणौ हौलै, चोणे पाव, कै आमु तिनु ऐसी कामौ कै जुमैवारै सौंपै सौकु।

प्रेरितो कै काम 7:55

पौरौ तैणै पवित्र आत्मा शै भोरेयौ स्वर्ग कै ढौबौ दैखौ औरौ पौरमेशवर कै महिमा कोरी औरौ यीशु कै पौरमेशवर कै सोऐं ढौबौ खौड़ा हौयौ दैखैयो

प्रेरितो कै काम 9:17

तोबै हनन्‍याह बिज़यो तैसी घोरे ओऊवा, जिथै शाऊल रौकै रौआ थिया औरौ तैसी पांदी आपणा हाथ राखैयौ बौल़ौ, “ओए रै भाई शाऊल, तैसी प्रभु यीशुए मुखै भैजै राए जू ताखै तैसी बाटो पुंडा जिथैदा तू ओऊवा तैरै दैखिया, ताकि तू दुजाल़ियो दैखै सौकै औरौ पवित्र आत्मा लैई भोरै जाए।”

इफिसियों 5:18

औरौ सूर पैयौ माचैयौ नै, जिथुकै ऐजौ लोगौ कै शर्मनाक औरौ बेकाबू तरीकै शै बर्ताव कौरणौ कै बौजैह बौणौ, पौरौ पवित्र आत्मा कै तुऔं आपणी शौकतै शै भौरणौ दौ।

प्रकाशितवाक्य 1:10

विशांव कै दूसै पवित्र आत्मा मुं पांदी ओऊवा, मोऐं तुरही कै आवाज़ जैशणै ऐक ऊंची आवाज़ आपणै पाछैदै आन्दै बैई शौणै,