लूका 1:17 - सिरमौरी नौवाँ नियम

¹⁷ यूहन्ना ऐक ऐशणा आदमी हौंदा जू आत्मा दा शौकतीशाली औरौ एलिय्याह पौरमेशवर कै बातौ बौताणौवाल़ै कै जैशणा औसौ। औरौ सै प्रभु कै बाट तैयार कौरदा औरौ पितरो का मन नानड़िया की ढौबौ फैरै दैंदा; औरौ आज्ञा ना मानणोवाल़ै लोगौ कै पौरमेशवर कै ज्ञान कै मानणौ कारिए बौलदा औरौ प्रभु कारिए लोगौ खै सुधारीयों तैयार कौरदा।”

Sirmouri

¹⁷ से ऋषी-एलिय्याह के आत्त्मा अरह् शक्त्ति दा प्रभू के आगे-आगे चाल्णों वाल़ा बंणियों, बाबा का मंन अलादी की ढबै फेरी देंदा; अरह् अज्ञाँ ना माँनणों वाल़े लोग धरमाँईतों की संम्झ गाशी लियाँदा, अरह् प्रभू खे ऐक खास प्रजा तियार करदा।”

लूका 1:17 ပူးပေါင်းရင်းမြစ်များ

मत्ती 11:14

औरौ जै तुऐं मैरै बात मानणी चांव तौ मैरै बात मान पांव, जैसकै बारै मुंजी एलिय्याह पौरमेशवर कै बातौ बौताणौवाल़ै बौल़ै राए थियु, ऐजा सैजाई औसौ।

मत्ती 14:4

जिथुखै यूहन्नाए तैसीखै बौल़ै राए थियु, की इयौंकै राखणा ताखै ठीक ना आथी।

मत्ती 3:3

ऐजा सैजाई औसौ जैसकै चौर्चा यशायाह पौरमेशवर कै बातौ बौताणौवाल़ै कै दवारा कौरे राए थी कै: “उजाड़ जौगैह दा ऐक बौईदणो वाल़ै का शब्द शुणी रौआ, कै प्रभु कै खातीरदारी कारिए आपणै मनो कै तैयार कौरौ, औरौ तैसकै आणौ कारिए आपी खै सुधारौ।”

मत्ती 3:4

ऐजा यूहन्ना ऊँटौ कै बाल़ो कै बुणेयोंदे खोटणो बाम्बौ थिया, औरौ आपणै कमर दा चामड़े का पाटा बानै राखौ थिया, तैसका खाणा जोंगलो का मौं औरौ चिचलै थिए।

लूका 1:16

औरौ इस्राएल देश कै कैई लोगौ खै तिनुकै प्रभु पौरमेशवर कै ढौबौ फैरदा।

लूका 1:76

औरौ तू ओए रै बालक, ऐबै शै तू सौबीदा बौड़ा पौरमेशवर कै बातौ बौताणौवाल़ा जाणा जांदा, औरौ तू प्रभु कै आणौ कारिए आदमी कै तैयार कौरदा।

यूहन्ना 1:13

सै ना तौ माँ-बापू शै, ना ही आदमी की इछा शै, ना ऐक आदमी कै संतान पाणौ कै इछा शै, पौरौ पौरमेशवर शै पौयदा हौए रौआ।

यूहन्ना 1:34

मोऐं आपी दैखौ, औरौ हांव तुऔं कैई साचौ बुलू, की ऐजाई पौरमेशवर का बैटा औसौ।”

यूहन्ना 3:28

तुऐं मुखै खुद ऐजौ बौलदै बैई शुणौ कै, ‘हांव मसीह ना आथी, पौरौ तैसकै आगै भैजै राए।’

प्रेरितो कै काम 10:33

तोबै मोऐं तावल़ै तैरै धोरे लोग भैजै, औरौ तुऐं ठीक कियु जू आए गौआ। ऐबै आमु सौबै इथै पौरमेशवर कै सामणै औसौ, ताकि जू किछै पौरमेशवरे ताखै बौल़ै राए सैजौ शुणु।”

कुलुस्सियों 1:12

औरौ पिता पौरमेशवर का धन्यवाद कौरदै रौंव जैणै तुऔं ऐसी लायक बाणै राए कै तुऐं तैसी विरासत दै शामिल हौंव जू तैणै पेयाशै कै राज्य दै आपणै पवित्र लोगौ कारिए तैयार कौरे राए।

2 तीमुथियुस 2:21

इथकारिए, जू बिशवाशी आपी कै तिनु सौबी बुरै कामौ शै जौई कौरदा, औरौ जैसका जीवन पवित्र हौला सै ऐक कीमती बासणौ कै जैशणा हौंदा जू खास मोके पांदी इस्तैमाल हौं, औरौ इथकारिए तैसका मालिक तैसका इस्तैमाल कौरे सौकदा औरौ सै सौबै भान्त कै आछै काम कौरे सौकौ।

1 पतरस 2:9

पौरौ तुऐं ऐशणै ना आथी जिथुकै तुऐं पौरमेशवर कै चोणेयौंदे लोग औसौ, औरौ पौरमेशवर कै राजवंशी यहूदी पुरोहित औसौ, तैसकै पवित्र लोग औसौ औरौ तैसकै आपणै जायदात औसौ। तैणै तुऔं इनारै शै बायरै आपणै अनौखै पेयाशै दै बौएदै राए, ताकि तुऐं पौरमेशवर कै अनौखै कामौ कै बारै मुंजी बौताए सौकौ।

1 यूहन्ना 2:28

ओए रै नानड़िया, मसीह कै साथै बौणैयौंदे रौव कै जोबै सै औटेयौ प्रगट हौंव तौ आमु हौंसला भैटौ, औरौ आमै तैसकै आणौ पांदी तैसकै सामणै बैज्जत ना हौंव।

प्रकाशितवाक्य 20:4

औरौ तोबै मोऐं किछै सिंहासन दैखै, जिनुपांदी बौठणौवाल़ै कै मुंडो खै काटै गौवै थिए जिथुकै तिनुऐ यीशु कै सौंदेश औरौ पौरमेशवर कै वचन कै घोषणा कौरे राए थै। इनु लोगै राकस या तैसकै मूर्ति कै पूजा ना कौरे रैई थी। औरौ इनुवे आपणै माथै या हाथौ पांदी राकस कै छाप ना लाए राए थी। सै औटेयौ जियुंदी हौए गौवै थिए औरौ सिंहासनों पांदी बौठै गौवै। पौरमेशवरे तिनु राज कौरणौ का औधिकार दिया, औरौ तिनुऐ मसीह कै साथै ऐक हजार साल तौड़ी राज्य कौरा।