यूहन्ना 9:39 - सिरमौरी नौवाँ नियम

³⁹ तोबै यीशुए बौल़ौ, “हांव इयौं दुनिया पांदी ऐसी न्याय कौरणौ कारिए आए रौवा: कै आन्धै लोग दैखदै लागौ औरौ जू लोग दैखौए सैजै आन्धै हौए जांदै।”

Sirmouri

³⁹ तबे प्रभू यीशू ऐ बुलो, “हाँव ईयों संईसारी दा नियाँव करदा ही आऐ रूआ, के जिनके आगु ने देंखिन्दों, से देख्दें लागो; अरह् जुण्जें ऐशो जाँणों के अमाँरे देंखियों ऐ, से शैड़े हंऐ ज़ाँव?”

यूहन्ना 9:39 ပူးပေါင်းရင်းမြစ်များ

मत्ती 11:5

की आन्धै दैखौए औरौ लोंगड़े हांडदै फिरदै लागै रौवै, औरौ कोढ़ी ठीक हौए गौवै, औरौ जायरै शुणदै लागै रौवै, औरौ मुर्दै जियुंदी हौए गौवै, औरौ गरीबो खै सुसमाचार शुणाए जांव।

मत्ती 15:14

तिनुखै जाणौ दैंव, सै आन्धै मार्ग खै दिखाणै वाल़ै औसौ: आन्धा जै आन्धा खै बाट दिखांव, तौ दुईनै गौढै दै छुटदै।”

मत्ती 6:23

पौरौ जै तैरै आख बोरै हौलै, तौ तैरा सारा शोरीर बै इन्यारा हौंदा, इथकारिए सैजौ पेयाशो जू तांव दो औसौ औरौ सै इनारौ हौंव तौ सैजौ इनारौ केतरो बौड़ौ हौंदौ।”

लूका 1:79

कै जू लोग इनारै दै औरौ सौदा कै मौत कै खतरै दै औसौ तिनुकै पेयाशो भैटी सौकौ। औरौ ऐजौ पेयाशो आमु जीवन की बाटो पांदी लोए जांदो जू आमु पौरमेशवर कै साथै शान्तै दैलौ।”

लूका 13:30

ऐजौ जाणै पाया, जू इबी आपी खै खास सौमझौ, सै बाद मै खास ना सौमझै जांदै, औरौ जू आपी खै खास ना सौमझौ सै खास सौमझै जांदै।”

लूका 2:34

तोबै शमौने तिनुकै आर्शीवाद देएबा, तैसकै माँ मरियम खै बौल़ौ, “दैख सै इस्राएल देश दा कैई लोगौ कै नाश औरौ उध्दार कारिए, ऐक चिताणो कै निशान कै जैशणा हौंदा, जैसकै खिलाफ दी लोग बातौ कौरदै।

लूका 4:18

“प्रभु का पवित्र आत्मा मुं पांदी औसौ, इथकारिए तैणै मैरा अभिषेक कौरे राए, औरौ तैणै मुखै कैदी कै आज़ाद कौरणौ कारिए, आन्धै कै नज़र दैणौ कारिए, औरौ दोबैयौंदे कै छुड़ाणो कारिए, औरौ ऐजौ बौताणौ कारिए कै पौरमेशवर कै दया दिखाणौ का सौमय आए गौआ इथकारिए छाड़ै राए।

लूका 7:21

तैसी सौमय यीशुए बौहितै कै बीमारियों औरौ पीड़ो औरौ दुष्टआत्मा शै छुड़ाए औरौ बौहितै शै आन्धै की आखी खै ठीक कौरी।

यूहन्ना 12:31

दुनिया दै लोगौ का न्याय कौरणौ कारिए पौरमेशवर का सौमय ऐबै आए रौआ, औरौ इयौं दुनिया का ठोगड़ा शैतान गाड़ै दिया जांदा।

यूहन्ना 12:46

हांव दुनिया कै लोगौ कारिए पेयाशै कै जैशणा आए रौआ, ताकि जू कुणिए मुं पांदी बिशवाश कौरौ, सै इनारै दै नी रौंव।

यूहन्ना 3:17

जिथुकै पौरमेशवरे दुनिया कै लोगौ खै सौजा दैणौ कारिए आपणै बैटै कै दुनिया दा ना छाड़ी, पौरौ इथकारिए कै दुनिया कै लोग तैसकै दवारा मोक्ति पांव।

यूहन्ना 3:19

औरौ सौजा कै बौजैह ऐजी औसौ, कै पेयाशो दुनिया दो ओऊं, औरौ आदमीए इनारै खै पेयाशै शै जादा प्यार कौरा, जिथुकै तिनकै काम बुरै थिए।

यूहन्ना 8:12

तोबै यीशुए हौजौ लोगौ खै बौल़ौ, “दुनिया को पेयाशो हांव औसौ; जू कुणिए मैरै पाछैदा हांडला, सै इनारै दा ना हांडदा, पौरौ तिथु पेयाशै कै पाला जू सौदा कै जिन्दगी दैंव।”

यूहन्ना 8:15

तुऐं लोगौ का न्याय आदमी कै सोंच कै हिसाब शै कौरौ, हांव कोसी का न्याय ना कौरु।

यूहन्ना 9:25

तैणै जवाब दिया, “हांव ना जाणु कै सै पापी औसौ या ना हांव ऐक बात जाणु कै हांव आन्धा थिया औरौ ऐबै हांव दैखुए।”

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

2 कुरिन्थियों 2:16

कैतरै कारिए तौ मौरणौ कै बौजैह शै मौत कै गन्ध, औरौ कैतरै कारिए जीवन कै बौजैह शै जीवन कै खुशबू, औरौ सौथीखै, कुणिए बै आपी शै ऐसी खुशबू खै फौयलाणौ कै लायक ना आथी।

इफिसियों 5:14

इयौं बौजैह शै लोग बौल़ौए, “ओए रै सुतणोवाल़ै बिज़ो औरौ मौरेयौंदे मुंजीदै जियुंदी हौव; तौ मसीह आपणौ पेयाशो तुऔं पांदी चोमकांदा।”

2 थिस्सलुनीकियों 2:10

औरौ सै हर तरह कै बुरै काम औरौ तिनु लोगौ खै धौखा दैंदा जू पौरमेशवर कै दवारा नाश हौंदै जिथुकै सै तैसी सौचाई पांदी बिशवाश कौरणौ शै इन्कार कौरौ जू तिनु बौचाए सौकौ।

1 पतरस 2:9

पौरौ तुऐं ऐशणै ना आथी जिथुकै तुऐं पौरमेशवर कै चोणेयौंदे लोग औसौ, औरौ पौरमेशवर कै राजवंशी यहूदी पुरोहित औसौ, तैसकै पवित्र लोग औसौ औरौ तैसकै आपणै जायदात औसौ। तैणै तुऔं इनारै शै बायरै आपणै अनौखै पेयाशै दै बौएदै राए, ताकि तुऐं पौरमेशवर कै अनौखै कामौ कै बारै मुंजी बौताए सौकौ।

1 यूहन्ना 2:11

पौरौ जू कुणिए आपणै बिशवाशी भाईटु आरी बोयर राखौ सै बुराई दा जी रौआ औरौ ना जाणौ कै कुकै जांदा लागै रौआ, जिथुकै बुराईए तैसीखै आन्धा कौरे दिया।