यूहन्ना 9:29 - सिरमौरी नौवाँ नियम

²⁹ आमु जाणुए कै पौरमेशवरे मूसा शै बातौ कोरी; पौरौ ऐसी आदमी कै ना जाणु कै ऐजा कुकै दा आए रौआ।”

Sirmouri

²⁹ आँमें ऐजो जाँणों ऐं, के पंण्मिश्वर ऐ ऋषी-मूसा की गईलो बात-चींत्त करी; परह् आँमें तेसी आदमी ने जाँण्दें, से पता ने केथै शा आऐं रूवा।”

यूहन्ना 9:29 ပူးပေါင်းရင်းမြစ်များ

मत्ती 12:24

पौरौ फरीसी लोगै ऐजौ शोणेयो बौल़ौ, “ऐजा तौ दुष्टआत्माओं का ठोगड़ा, औरौ शैतान कै मोदत लैई दुष्टआत्माओं खै घाड़ो।”

मत्ती 26:61

औरौ बौल़ौ, “तैणै बौल़ौ की हांव पौरमेशवर कै मन्दिर कै ढाल़ै सौकु औरौ ती दूसौ दा बौणाए बै सौकु।”

लूका 23:2

औरौ सैजै ऐजौ बौलेयौ तैसी पांदी दोष लान्दै लागै, “आमुए ऐसी लोगौ कै बोयकांदे बैई औरौ रोम कै महाराजा कै मामला दैणौ शै मोना कौरदै बैई औरौ आपी खै मसीह, राजा बौलदै बैई बै शौणै राए।”

यूहन्ना 1:17

इथकारिए कै कानून तौ मूसा कै दवारा दैय राए, पौरौ महान दया औरौ सौचाई तौ यीशु मसीह कै दवारा आए।

यूहन्ना 7:27

ऐसीखै तौ आमुए जाणुए, कै ऐजा कुकै का औसौ; पौरौ मसीह जौल़ौ आला तौलौ कुणिए ना जांदै कै सै कुकै का औसौ।”

यूहन्ना 7:28

तोबै यीशुए मन्दिरो दै उपदैश दैयौ जोर शै बौल़ौ, “तुऐं मुखै जाणौए औरौ ऐजौ बै जाणौए कै हांव कुकै का औसौ। हांव तौ आपी शा ना ऐई पौरौ मैरा भैजणौवाल़ा पौरमेशवर भोरोशे लायक औसौ, तैसीखै तुऐं ना जाणौ।

यूहन्ना 8:14

यीशुए जवाब दिया, “भले ही हांव आपणै गवाही आपी दियु, तोबै बै मैरी गवाही ठीक औसौ, जिथुखै हांव जाणुए कै हांव कुकै दा आए रौआ, औरौ कुकै जाणौ, पौरौ तुऐं ना जाणौ कै हांव कुकै दा ओऊं या कुकै जोऊं।

यूहन्ना 9:16

इथपांदी कैई फरीसी लोग बौलदै लागै, “ऐजा आदमी पौरमेशवर कै औरौ शा ना आथी, जिथुकै सै विशांव कै दूस कै ना मानौ।” ओकीए बौल़ौ, “ऐसकै जैशणा पापी आदमी कैशै चौमत्कार कै काम दिखाए सौकौ?” इयौं बातौ लैई तिनुमुंजी फूट पौड़ै गौए।

यूहन्ना 9:24

तोबै यहूदी नेताए तैसी आदमी खै जू आन्धा थिया, दुजाल़ियो बौएदैयौ खै तैसीखै बौल़ौ, “पौरमेशवर कै स्तुति कौरेयौ साचौ बौल़ै दै; जिथुकै आमु जाणुए कै ऐजा आदमी पापी औसौ।”

यूहन्ना 9:30

तैणै तिनुखै जवाब दिया, “ऐजी तौ हैरान कौरणौवाल़ै बात औसौ कै तुऐं ना जाणौ कै सै कुकै दा आए रौआ, तोबै बै तैणै मैरी आखी ठीक कौरे दी।

प्रेरितो कै काम 22:22

इथै तौड़ी तौ लोग पौलुस कै बात शुणदै रौवै, पौरौ तोबै जोर शै आवाज़ मारेयों लेलियोवे, “ऐसी आदमी खै मारै दैव; ऐसको जियुंदी रौणौ ठीक ना आथी!”

प्रेरितो कै काम 26:22

पौरौ पौरमेशवर कै मौदद लैई हांव ऐलो तौड़ी बोणेयोंदा औसौ, औरौ नानड़ै-बौड़ै सौबी कै सामणै गवाही दियु। औरौ हांव इनु बातौ खै छोड़ेयौ कै किछै ना बुलू, जू पौरमेशवर कै बातौ बौताणौवाल़ै औरौ मूसाए बै बौल़ै की हौणौवाल़ी औसौ,

प्रेरितो कै काम 7:35

“ऐजा सैजाई मूसा औसौ जैसीकै इस्राएल देश कै लोगै ना अपनाए रैई थी औरौ बौल़ौ राए थियु, ‘ताखै कुणै आमु पांदी औधिकारी औरौ न्याय कौरणौवाल़ा ठोहराए राए?’ पौरमेशवर कै जैसी स्‍वर्गदूतै मूसा कै जोल़ेयौंदे झाड़ी मुंजी दर्शन दिया, तैणैई मूसा कै इस्राएली लोगौ का औधिकारी औरौ छुड़ाणौवाल़ा ठोहरायो भैजा।

इब्रानियों 1:1

बैजाए साल औगौड़ियौ पौरमेशवरे पुराणिया शै कैईंयौं बार औरौ कैईंयौं तरीकै शै पौरमेशवर कै बातौ बौताणौवाल़ो कै दवारा बातौ कौरी,

इब्रानियों 1:2

पौरौ इनु आखरी दूसौ दी आमुआरी आपणै बैटै यीशु मसीह कै दवारा बातौ कौरी। पौरमेशवरे आपणै बैटै कै दवारा सारी दुनिया कै बाणै औरौ तैसीखै सौबी चीज़ौ का वारिस ठैहरोऊवा।