यूहन्ना 9:22 - सिरमौरी नौवाँ नियम

²² ऐजी बातौ तैसकै माँ बापूए इथकारिए बुली जिथुखै सै यहूदी नेताओं शै डौरौ थिए, जिथुखै यहूदी नेता ऐक हौए गौवै थिए, कै जै कुणिए बिशवाश कौरौ कै यीशु ही मसीह औसौ, तौ तैसी यहूदी सभा-घोरो पौरैशै बायरै निकाल़ै दैंव।

Sirmouri

²² तेसी आदमी के माँ-बाबा ऐं ऐजी बात ईन्देंखे बुली, किन्देंखे के से यहूदी निय्म के शिखाँणों वाल़े शे डरो थिऐ; अरह् यहूदी निय्म के शिखाँणों वाल़े ऐं ऐजो आगे ही ठाटी थो थियों, के जे कुँऐं आदमी प्रभू यीशू खे मसीया माँनला तअ आँमें तेसी आदमी यहूदी च़ौत्रे शा बाँईडा गाड़ी देऊँबे।

यूहन्ना 9:22 ပူးပေါင်းရင်းမြစ်များ

लूका 6:22

“धन्‍य औसौ, तुऐं जोबै मुं आदमी कै बैटै कै बौजैह शै लोग तुऔं आरी बैर राखदै, औरौ तुऔं निकाल़ै दैंदै, औरौ तोंवारै नेंदैया कौरदै, औरौ तोंवारा नांव बुरु जाणैयौ काटै दैंदै।”

यूहन्ना 1:19

जोबै यहूदी नेताए यरूशलेम शहर शै यहूदी पुरोहित औरौ लेवी मौरदो खै यूहन्ना कैंईदौ ऐजौ पूछणो कारिए भैजै, “तू कुण औसौ?” तौ यूहन्ना कै गवाही ऐजै थी,

यूहन्ना 16:2

सै तुऔं यहूदी सभा-घोरो पौरैशै बायरै निकाल़ै दैंदै, औरौ सैजा सौमय आए गौआ, कै जू कुणिए तुऔं मारणौ शै ऐजौ सौमझला कै जू पौरमेशवर चांव सैजौ हांव कौरु।

यूहन्ना 19:38

इनु बातौ कै बाद अरिमतियाह गांव कै यूसुफे जू यीशु का चैला थिया, पौरौ यहूदी नेताओं कै डौरौ शै इयौं बातौ खै छिपाए राखौ थिया। तैणै राज्यपाल पिलातुस शै बिन्ती कोरी हांव यीशु की लाश लोए जोऊं, राज्यपाल पिलातुसे तैसकै बिन्ती शौणै, औरौ यूसुफ आयौ कै यीशु कै लाश लोऐ गौआ।

यूहन्ना 20:19

तैसी दूसै औयतवारो कै बैल़खै कै जोबै सौबै चैलै ऐक साथै कौठै हौए रौवै थिए, औरौ तिनुऐ यहूदी नेता कै डौर शै दवार बोन्‍द कौरे राए थिए, तोबै यीशु ओऊवा औरौ बीच मुंजी खौड़ै हौयौ कै तिनुखै बौल़ौ, “तुऔं शान्तै भैटौ।”

यूहन्ना 7:13

तोबै यहूदी नेताओं कै डौरौ कै मारै कुणजैई आदमी बै यीशु कै बारै मुंजी खौलेयौ बातौ नै बौल़ौ थिए।

यूहन्ना 9:18

पौरौ यहूदी नेताओं खै बिशवाश ना होई कै ऐजा आन्धा थिया औरौ ऐबै दैखदा लागै रौआ, इथकारिए तिनुऐ जैसकी आखी ठीक हौए गोई थी तैसकै माँ-बापू कै बौएदैयौ,

यूहन्ना 9:21

पौरौ आमै ऐजौ ना जाणु कै ऐबै कैशैकै दैखौ, औरौ ना ऐजौ जाणु कै कुणै ऐसकी आखी ठीक कौरे रैई। ऐजा बौड़ा हौए गौआ, औरौ आपी कारिए जवाब दैय सौकौ; ऐसीयांदो पूछौ, सै आपणै बारै मुंजी आपी बौतांदा।”

यूहन्ना 9:34

तिनुऐ तैसीखै जवाब दिया, “तू तौ पाका ही पापौ शै पौयदा हौए रौआ, तू आमुखै का शिखाए?” औरौ तिनुऐ तैसीखै सभा घोरो शै बायरै निकाल़ै दिया।

यूहन्ना 9:35

यीशुए शुणु, कै यहूदी नेताए तैसी बायरै निकाल़ै दिया, औरौ जोबै सै भैटा तौ तैसीकै पूछु, “का तू आदमी कै बैटै पांदी बिशवाश कौरे?”

प्रेरितो कै काम 4:18

तोबै पतरस औरौ यूहन्ना खै बौइदै औरौ झिड़कायो ऐजौ बौल़ौ, “यीशु कै नांव शै किछै बै बौलेया नी औरौ ना शिखाया।”

प्रेरितो कै काम 5:13

पौरौ जिनुवै इबी तौड़ी यीशु पांदी बिशवाश ना कौरे रैई थी तिनुमुंजी दै कोसी कै ऐजै हिम्मत ना हौंव थी कै, तिनुमुंजी जायौ भैटियो; पौरौ तोबै बै लोग तिनकै तारीफ कौरौ थिए।

प्रेरितो कै काम 5:40

तोबै तिनुऐ तैसकै बात मान पाए; औरौ चोणेयौंदे चैलै कै बोयदयो पिटौऊवे; औरौ तिनु ऐजै आज्ञा दै कै सै ऐलो शै यीशु कै नांव शै किछै नी बौलेया औरौ हौजौ तिनु छोड़े दिए।

प्रकाशितवाक्य 21:8

पौरौ सैजै जू सताव कै डौर शै मुखै छोड़े दैंव औरौ जू मुं पांदी बिशवाश कौरणा छोड़े दैंव, तिनु गन्धक कै आग दै बैगाए दैंदै। ऐशैखैई तिनु बै जू बैकार काम कौरौ, खून कौरौ, औरौ शोरीर कै गौंदै कामौ का अभ्यास कौरौ, औरौ आपणै साथियो कै प्रति जादू-टोना कौरौ, औरौ मूर्ती कै पूजा कौरौ, औरौ सारै झूठ बौलणोवाल़ै, तिनु बै गन्धक कै आग दै बैगाए दैंदै। गन्धक कै आग कै दूजै मौत बौल़ै जांदै।”