यूहन्ना 9:16 - सिरमौरी नौवाँ नियम

¹⁶ इथपांदी कैई फरीसी लोग बौलदै लागै, “ऐजा आदमी पौरमेशवर कै औरौ शा ना आथी, जिथुकै सै विशांव कै दूस कै ना मानौ।” ओकीए बौल़ौ, “ऐसकै जैशणा पापी आदमी कैशै चौमत्कार कै काम दिखाए सौकौ?” इयौं बातौ लैई तिनुमुंजी फूट पौड़ै गौए।

Sirmouri

¹⁶ ईन्दे गाशी किऐ यहूदी भाट-बाँम्णें ऐं बुलो, “सेजा आदमी पंण्मिश्वर की ढबे शा ने आऐ रंई; किन्देंखे के से बिषाँव के देसो का किऐ भे पाल़्ण ने करदा।” अरह् किऐ लोगे ऐ बुलो, “तअ तबे पापी आदमी ऐष्णें चींह्न-चंम्त्तकार किऐ-किऐ देखाऐ सको?” तबे ईयों बातो लई तिनू सोभी लोगो मुँझी भेद्-भाव लई फूट पड़ी।

यूहन्ना 9:16 ပူးပေါင်းရင်းမြစ်များ

मत्ती 12:10

औरौ तिथै ऐक आदमी थिया, जैसका हाथ शोकै रौआ थिया; औरौ तिनुऐ तैसी पांदी इलजाम लाणौ खै तैसी कैईंदु पूछु, “का विशांव कै दूसै ठीक कौरणा सोही औसौ?”

मत्ती 12:2

फरीसी लोगै ऐजौ दैखैयो तैसीखै बौल़ौ, “दैख, तैरै चैलै सैजै टोल लोए सांडै, जू विशांव कै दूसै कौरणी मूसा कै कानून कै खिलाफ औसौ।”

लूका 13:14

इथकारिए कै यीशुए विशांव कै दूसै तियौं ठीक कौरे राए थै, यहूदी सभा-घोरो का ठोगड़ा खिजैयौ कै लोगौ खै बौलदा लागा, “ऐकी हफते दै छौ दूस औसौ, जिंदै आमु टोल सांडणी चैंई, औरौ तिनु दूसौ दै ठीक हौणौ कारिए आणौ चैंई, पौरौ विशांव कै दूसौ नै।”

यूहन्ना 10:19

इनु बातौ की बौजैह शै यहूदी लोगौ मुंजी होटेयो फूट पौड़ै।

यूहन्ना 14:11

मैरा ही बिशवाश कौरौ, कै हांव पौरमेशवर दा रौंऊ। नही तौ जू चौमत्कार कै काम मोऐं कौरे राए तिथकै बौजैह शै मुं पांदी बिशवाश कौरौ।”

यूहन्ना 15:24

जोबै मोऐं तिनकै बीच मुंजी ऐजै चौमत्कार कै काम कौरे राए, जू ओकी कोसीए ना कौरे रैई, इथकारिए सै पापी ठोहरदै, पौरौ ऐबै तौ तिनुऐ मुखै दैख राए कै मोऐं जू किछै कौरे राए, औरौ तोबै बै मुं आरी औरौ मैरै पिता पौरमेशवर आरी बोयर कौरौ।

यूहन्ना 2:11

यीशुए गलील जिले कै काना नगर दा आपणा ऐजा आगला चौमत्कार का काम देखाएबा आपणै महिमा प्रगट कौरे औरौ तैसकै चैलै तैसी पांदी बिशवाश कौरा कै सै मसीह औसौ।

यूहन्ना 3:2

तैणै रातै यीशु कै धोरे आयौ बौल़ौ, “ओए रै गुरुजी, आमै जाणुए कै पौरमेशवरे ताखै आमु शिखाणौ कारिए छाड़ै राए, जिथुकै कुणिए बै इनु निशान या चौमत्कारो खै जू तू दिखाए, जै पौरमेशवर तैसकै साथै नी हौंव, तौ दिखाए ना सौकौ।”

यूहन्ना 5:10

जैसी दूसै ऐजौ सौबै ठुँ हौ सैजौ दूसै विशांव कौ दूस थियु। इथकारिए यहूदी नेता तैसी ठीक हौएयौंदै आदमी कै बौलदै लागै, “मूसा कै कानून कै हिसाब शै ऐलो तौ विशांव कौ दूस औसौ, इथकारिए तैरौ कुटड़ौ टिपणौ ठीक ना आथी।”

यूहन्ना 5:36

मुंआगै यूहन्ना दै बौड़ी गवाही औसौ। सैजी टोल जू पिता पौरमेशवरे मुखै पूरै कौरणौ खै दैय राए, सैजी टोल मैरै बारै मुंजी गवाही दैंव जू टोल मोऐं कौरे लोए, सैजी टोल गवाही दैंव कै पिता पौरमेशवरे मुखै भैज राए।

यूहन्ना 6:52

इयौं बातौ पांदी यहूदी नेता ऐशै बौलेयौ आपी मुंजी झोगड़िंदै लागै, “ऐजा आदमी कैशैकै आमुखै आपणा शोरीर खाणौ कै दैय सौकौ?”

यूहन्ना 7:12

औरौ तिथै भीड़ौ कै लोग तैसकै बारै मुंजी चुपी-चुपी बौरिशी बातौ बौल़ै लोई थी। किछै लोग बौल़ौ थिए कै, “सै भला आदमी औसौ।” औरौ किछै लोगै बौल़ै लो थियु, “ना, सै लोगौ खै भरमांव।”

यूहन्ना 7:23

तुऐं विशांव कै दूसै आदमी का खतना कौरौ, ताकि मूसा कै कानून कै आज्ञा टोल़े नै जांव, तौ तुऐं मुं पांदी किथु गुस्सा कौरौ कै मोऐं विशांव कै दूसै ऐक आदमी कै पूरी तरह शै ठीक कौरा।

यूहन्ना 7:43

ऐशैखैई यीशु की बौजैह शै लोगौ मुंजी फूट पौड़ै।

यूहन्ना 9:24

तोबै यहूदी नेताए तैसी आदमी खै जू आन्धा थिया, दुजाल़ियो बौएदैयौ खै तैसीखै बौल़ौ, “पौरमेशवर कै स्तुति कौरेयौ साचौ बौल़ै दै; जिथुकै आमु जाणुए कै ऐजा आदमी पापी औसौ।”

प्रेरितो कै काम 14:4

पौरौ नोगरो कै लोगौ दै फूट पौड़ै गौए थै; इथलैई कैतरै तौ यहूदी नेता कै ढौबौ औरौ कैतरै चोणेयौंदे चैलै कै ढौबौ हौए गौवै।