यूहन्ना 8:58 - सिरमौरी नौवाँ नियम

⁵⁸ यीशुए तिनुखै बौल़ौ, “हांव तुऔं खै साचौ-साचौ बुलू, कै अब्राहम कै पौयदा हौणौ दा आगै, हांव औसौ।”

Sirmouri

⁵⁸ प्रभू यीशू ऐ तिनखे बुलो, “हाँव तुओं खे खास बात बुलू; के बाबा अब्राहम के पय्दा हंणों शा आगे भे हाँव थिया।”

यूहन्ना 8:58 ပူးပေါင်းရင်းမြစ်များ

यूहन्ना 10:25

यीशुए तिनुखै जवाब दिया, “मोऐं तुऔं खै बौल़ै दियु, पौरौ तुऐं बिशवाश ना कौरौ, जू काम हांव आपणै पिता पौरमेशवर कै कौरु सैजाई मैरा गवाह औसौ।

यूहन्ना 17:24

ओए रै पिता, हांव चोऊं कै जिनु लोगौ खै तुऐं मुखै दैय राए, जिथै हांव औसौ, तिथै सैजै बै मैरै साथै हौंव कै सै मैरी महिमा कै दैखौ जू तुऐं मुखै दैय राए, जिथुकै तुऐं दुनिया कै बाणणौ दै औगौड़ियौ मुं आरी प्यार राखा।

यूहन्ना 17:5

औरौ ऐबै, ओए रै पिता जू महिमा मैरै तैरै साथै दुनिया कै बाणणौ दै औगौड़ियौ थै, तू मुखै आपणै साथै तियौंई महिमा शै महान कौर।”

यूहन्ना 8:24

इथकारिए मोऐं तुऔं खै बौल़ौ, कै तुऐं लगातार पाप कौरदै बैई मौरे जांदै, जै तुऐं मुं पांदी बिशवाश नै कौरलै कै हांव सैजाई औसौ, तौ तुऐं लगातार पाप कौरदै बैई मौरे जांदै।”

यूहन्ना 8:28

तोबै यीशुए बौल़ौ, “जोबै तुऐं मुखै आदमी कै बैटै खै क्रूसो पांदी चौढ़ाल़ै, तोबै तुऐं जाणदै कै हांव सैजाई औसौ जू शुरु शै तुऔं उपदैश दैंदा औरौ बौतांदा आए रौआ कै हांव ही औसौ, औरौ आपी शै किछै ना कौरु। पौरौ जैशै मैरै पिता पौरमेशवरे मुखै शिखाए राए ऐशैखैई हांव ऐजी सौबै बातौ बुलू।

यूहन्ना 8:34

यीशुए तिनुखै जवाब दिया, “हांव तुऔं कै साचौ-साचौ बुलू, कै जू कुणिए पाप कौरौ, सै पापौ कै वश दा औसौ।

यूहन्ना 8:51

हांव तुऔं कै साचौ-साचौ बुलू, कै जै कुणिए आदमी मैरी शिक्षा पांदी चाल़ला, तौ सै सौदा तौड़ी ना मौरदा।”

कुलुस्सियों 1:17

औरौ मसीह ही सौब चीज़ौ कै बाणणौ शै आगै दा ही मौजूद थिया, औरौ सौब चीज़ौ तैसदी ऐक साथै काम कौरौ।

इब्रानियों 13:8

यीशु मसीह दोतियो औरौ ऐलो औरौ हमैशा ऐक जैशणा औसौ। सै कौलोंई ना बौदलौ।

प्रकाशितवाक्य 1:11

“आवाज़ै बौल़ौ, जू किछै तू दैखै, तिथु किताब दो लिखयो तिनु सात कलीसियाओं खै भैज जू इनु शहरो दै औसौ: यानी कै इफिसुस, स्मुरना, पिरगमुन, थुआतीरा, सरदीस, फिलदिलफिया, औरौ लौदीकिया खै।”

प्रकाशितवाक्य 1:8

पिता पौरमेशवर बौल़ौ, “हांव अल्फा औरौ ओमेगा औसौ, यानी कै, शुरुआत औरौ अंत औसौ। हांव ही औसौ जू औसौए, जू थिया, औरौ जू आणौवाल़ा औसौ, हांव सौबिदा बौड़ा शौकतीशाली औसौ।”

प्रकाशितवाक्य 2:8

स्मुरना शहर कै बिशवाशी लोगौ कै मंडली कै स्‍वर्गदूत खै ऐजौ लिख: हांव आगला औरौ आखरी औसौ, हांव एकबेई मौरे गौआ थिया। पौरौ ऐबै हांव जियुंदी औसौ, औरौ हमैशा जियुंदी रौन्दा, जू हांव ऐजौ बुलू तिथु शुणौ: