यूहन्ना 8:54 - सिरमौरी नौवाँ नियम

⁵⁴ यीशुए जवाब दिया, “जै हांव आपी आपणै तारीफ कौरु, तौ मैरी किछै तारीफ ना आथी, जू मैरै तारीफ कौरौ, सै मैरा पिता औसौ, औरौ तुऐं बौल़ौ, कै सै तोंवारा पौरमेशवर औसौ।

Sirmouri

⁵⁴ प्रभू यीशू ऐ तिनखे जबाब दिता, के “जे हाँव आप्णी बड़ियाऐं आपु करू; तअ मेरी बड़ियाऐ बै-कार असो, जिन्ऐं मुँखे बड़ियाऐ देऐ थंऐ; से मेरा बाबा असो, जिनखे तुँऐं भे आप्णाँ पंण्मिश्वर माँनों।

यूहन्ना 8:54 ပူးပေါင်းရင်းမြစ်များ

यूहन्ना 17:1

यीशुए आपणै चैलै खै ऐजी बातौ बुली औरौ तैणै स्वर्ग कै ढौबौ दैखौ औरौ प्रार्थना कौरे, “ओए रै पिता पौरमेशवर, सैजा सौमय आए गौआ, ऐजौ प्रगट हौंव कै पौरमेशवर कैतरा महान औसौ, कै बैटा बै तैरै महिमा कौरौ।

यूहन्ना 17:5

औरौ ऐबै, ओए रै पिता जू महिमा मैरै तैरै साथै दुनिया कै बाणणौ दै औगौड़ियौ थै, तू मुखै आपणै साथै तियौंई महिमा शै महान कौर।”

यूहन्ना 2:11

यीशुए गलील जिले कै काना नगर दा आपणा ऐजा आगला चौमत्कार का काम देखाएबा आपणै महिमा प्रगट कौरे औरौ तैसकै चैलै तैसी पांदी बिशवाश कौरा कै सै मसीह औसौ।

यूहन्ना 5:41

हांव आदमी कै तारीफ कै आश ना राखु।

यूहन्ना 7:18

जू आपणै ढौबौ शो किछै बौल़ौ, सै आपणै तारीफ चांव, पौरौ जू आपणै भैजणौवाल़ै खै तारीफ चांव सैजाई भोरोशे कै लायक औसौ। औरौ तैसदी कुणजी बैईमानी ना आथी।

यूहन्ना 7:39

यीशुए ऐजै बात बौल़ै, तौ सै पवित्र आत्मा कै बारै मुंजी बौल़ै लोए थी, जू तैसी पांदी बिशवाश कौरौ सै पवित्र आत्मा कै पाणौ वाल़ै थिए; पवित्र आत्मा इबी तौड़ी ना उतरे रैई थी। जिथुखै पौरमेशवरे इबी तौड़ी यीशु कै महिमा कै प्रकट ना कौरे रैई थी।

यूहन्ना 8:41

तुऐं आपणै पिता पौरमेशवर कै साए टोल कौरौ।” तिनुऐ यीशु खै बौल़ौ, “आमै गौलत सौमबंध बाणैयौ पौयदा ना हौए रैई, अमारा सिरफ ऐकै पिता पौरमेशवर औसौ औरौ सै पौरमेशवर औसौ।”

यूहन्ना 8:50

पौरौ हांव आपणा आदर ना चोऊ पौरौ ऐक औसौ जू चांव कै मुखै आदर भैटौ औरौ सै सैजाई औसौ जू न्याय बै कौरौ।

प्रेरितो कै काम 3:13

अब्राहम, इसहाक औरौ याकूब का पौरमेशवर, अमारै पुराणिया कै पौरमेशवरे आपणै सेवक यीशु की महिमा कौरे, पौरौ तुऐं तैसी मारणौ कारिए यहूदी नेताओं कै हाथौ दा थोम्बाए दिया, औरौ जोबै राज्यपाल पिलातुसे तैसी छोड़े दैणौ का विचार कौरा, तोबै तुऐं तैसकै सामणै यीशु कै बैज्जती कौरे।

2 कुरिन्थियों 10:18

जिथुकै जू आपणै बौढ़ाए कौरौ, सैजौ नी, पौरौ जैसकै बौढ़ाए प्रभु कौरौ, सैजाई प्रभु कै नज़र दा आछा औसौ।

1 पतरस 1:12

पौरौ पौरमेशवरे इनु पौरमेशवर कै बातौ बौताणौवाल़ै खै बौतौऊं कै तिनकै सौंदेश सिरफ आपणै खातिर नी पौरौ तोंवारै खातिर थिए। सैजा सौंदेश यीशु मसीह कै बारै मुंजी सुसमाचार औसौ जू तुऐं इबी शौणै राए। पौरमेशवरे स्वर्ग पौरैशा आपणा पवित्र आत्मा भैजा कै तुऐं सुसमाचार प्रचार कौरणौ दै लोगौ कै मौदद कौरौ। ऐजौ सौबै ऐतरो अनौखौ औसौ कै इथै तौड़ी कै स्‍वर्गदूत बै बैजाए खुश हौयौ इनु चीज़ौ कै हौन्दै बैई दैखै लो।

1 पतरस 1:21

जू किछै बै मसीहे कौरे राए तिथकै बौजैह शै तुऐं ऐबै पौरमेशवर पांदी बिशवाश कौरौ। औरौ तुऐं आपणा बिशवाश औरौ आशा पौरमेशवर पांदी राखै राए जिथुकै तैणै मसीह खै मौरेयौंदे मुंजीदा जियुंदी कौरा औरौ तैसी बैजाए महिमा दैय।

2 पतरस 1:17

आमै तैसी पवित्र पाहाड़ पांदी तैसकै साथै थिए जोबै पौरमेशवर पिताए तैसी आदर दिया औरौ पौरमेशवर कै महान महिमाए तैसी घैरा। जोबै आमै तिथै थिए तौ आमुए अनौखै महिमा यानी पौरमेशवर कै आवाज़ तैसीखै ऐजौ बौलदै बैई शौणै, “ऐजा मैरा लाड़कु बैटा औसौ; जैसी आरी हांव प्यार कौरु। हांव ऐसदा बैजाए खुश औसौ।”