यूहन्ना 8:48 - सिरमौरी नौवाँ नियम

⁴⁸ ऐजौ शोणेयो यहूदी नेताए तैसीखै बौल़ौ, “आमै ठीक लो बौल़ै, कै तू सामरिया प्रदेश का रौणौवाल़ा औसौ, औरौ तांव दै दुष्टआत्मा औसौ।”

Sirmouri

⁴⁸ यहूदी निय्म के शिखाँणों वाल़े ऐ, प्रभू यीशू खे बुलो, “कियो आँमें ऐजो ठीक बुल्दे ने, के तू सामरी असो; अरह् ताँव्दी दुष्ट-आत्त्मा संमाँऐ रंऐ?”

यूहन्ना 8:48 ပူးပေါင်းရင်းမြစ်များ

मत्ती 10:25

चैलै का गुरु कै जैशणा हौणा, औरौ नोकरो का आपणै मालिक कै जैशणा हौणा काफी औसौ; औरौ जोबै तिनुऐ मुखै घोरो कै मालिक कै शैतान बौल़ै राए तौ ऐजै मैरै घोरो कै लोगौ कै हौजौ बै बुरै नांव शै बौईददै।

मत्ती 10:5

इनु बारौ चैलै खै यीशुए ऐजै आज्ञा देएयो भैजै कै, “बैगानै यहूदी लोगौ कै ढौबौ नै जाया, औरौ सामरी लोगौ कै कोसी नोगरो दै नै जाया।

मत्ती 11:18

जिथुखै यूहन्ना बपतिस्मा दाता बार बार उपवास कौरौ थिया, औरौ ना ही अंगूर का रस पीयों थिया, औरौ सै बौल़ौए कै तैसदै दुष्टआत्मा औसौ।

मत्ती 12:24

पौरौ फरीसी लोगै ऐजौ शोणेयो बौल़ौ, “ऐजा तौ दुष्टआत्माओं का ठोगड़ा, औरौ शैतान कै मोदत लैई दुष्टआत्माओं खै घाड़ो।”

मत्ती 12:31

इथकारिए हांव तुऔं खै बुलू, की आदमी कै सौबी बातौ का पाप औरौ नेंदैया माफ हौए जांदै, पौरौ पवित्र आत्मा कै नेंदैया माफ ना हौंदै।

मत्ती 15:7

ओए रै कपटियो, यशायाहै तोंवारै बारै मुंजी ऐजै भविष्यवाणी ठीक कौरे राए:

यूहन्ना 1:19

जोबै यहूदी नेताए यरूशलेम शहर शै यहूदी पुरोहित औरौ लेवी मौरदो खै यूहन्ना कैंईदौ ऐजौ पूछणो कारिए भैजै, “तू कुण औसौ?” तौ यूहन्ना कै गवाही ऐजै थी,

यूहन्ना 10:20

तिनुमुंजी दै बौहितै सारै लोग बौलदै लागै, “ऐसी दै दुष्टआत्मा औसौ, औरौ ऐजा पागल औसौ, ऐसकी नी शुणौ।”

यूहन्ना 13:13

तुऐं मुखै गुरु, औरौ प्रभु बौल़ौ, ठीक ही बौल़ौ, जिथुकै हांव तोंवारा गुरु औरौ प्रभु औसौ।

यूहन्ना 4:9

तियैं सामरी बैटमाणिशै यीशु खै बौल़ौ, “तू ऐक यहूदी औसौ, औरौ हांव ऐक सामरी बैटमाणिश औसौ। तू मुं कैईंदु पाणी किथुखै मांगै?” जिथुकै यहूदी लोग सामरियों कै साथै कैशणाई बै बर्ताव नै राखौ थिए।

यूहन्ना 7:20

भीड़ौ मुंजीदा ऐकीए जवाब दिया; “तांव दै दुष्टआत्मा औसौ! ताखै कुण मारणा चांव?”

यूहन्ना 8:22

इयौं बातौ पांदी यहूदी नेताए बौल़ौ, “का सै आपी खै मारै दैंदा जू बौल़ौए, ‘जिथै हांव जोऊं, तिथै तुऐं ना आए सौकौ?’”

यूहन्ना 8:52

यहूदी नेताए तैसीकै बौल़ौ, “ऐबै आमुए जाणै पोऊँ कै तांव दै दुष्टआत्मा औसौ। अब्राहम मौरे गौआ, औरौ पौरमेशवर कै बातौ बौताणौवाल़ा बै मौरे गौवै औरौ तू बौल़ै, ‘जै कुणिए मैरी शिक्षा पांदी हांडला तौ सै हमैशा तौड़ी ना मौरदा।’

रोमियों 15:3

जिथुकै मसीहे आपी कै खुशी ना कौरी, पौरौ जैशैखै पवित्र शास्त्र दो लैखै राए, “जिनु लोगै तैरै बैज्जती कौरे, तिनुऐ मैरै बै बैज्जती कौरे।”

इब्रानियों 13:13

इथकारिए आव आमै बलिदान कै नियम कै छोड़ेयौ यीशु पांदी बिशवाश कौरु औरौ डैरै कै बायरै जोऊं, जिथै लोग ना रौंव जैशै तैणै नेंदैया सैहन कौरे, तैशै ही आमु बै नेंदैया सैहन कौरु।

याकूब 2:19

ताखै बिशवाश औसौ कै ऐकैई पौरमेशवर औसौ; तू आछौ कौरे, दुष्टआत्मा बै ऐशणा बिशवाश राखौ, औरौ कामणैयौ डौरौए।