यूहन्ना 8:47 - सिरमौरी नौवाँ नियम

⁴⁷ जू कुणिए पौरमेशवर शै सौमबंध राखौ, सै पौरमेशवर कै बातौ शुणौ, औरौ तुऐं इथकारिए ना शुणौ कै तुऐं पौरमेशवर शै सौमबंध ना राखौ।”

Sirmouri

⁴⁷ सेजा जू पंण्मिश्वर का असो, अरह् पंण्मिश्वर के बचन शुँणों; परह् ऐजे बचन तुऐ ईन्देंखे ने शुण्दें, के तुऐं पंण्मिश्वर के ने आथी।”

यूहन्ना 8:47 ပူးပေါင်းရင်းမြစ်များ

यूहन्ना 12:48

जू मुखै बैकार सौमझौ, औरौ मैरी बातौ ना शुणौ तैसका न्याय कौरणौवाल़ा ऐक औसौ: यानी जू बातौ मोऐं बौल़ै रैई, सै तैसीकै न्याय कै दूसै दोषी ठोहरांदी।

यूहन्ना 18:37

राज्यपाल पिलातुसे बौल़ौ, “तौ का तू राजा औसौ? यीशुए जोवाब दिया, तू बौल़ै कै हांव राजा औसौ। मैरै जन्म लोणो औरौ दुनिया पांदी आणौ कै बौजैह ऐजै औसौ कै हांव सच कै बारै मुंजी शिखाए सौकु, औरौ सच कै मानणोवाल़ै सौबै मैरी बातौ शुणौ।

यूहन्ना 5:25

“हांव तुऔं कै साचौ-साचौ बुलू, सैजा सौमय आन्‍दा लागै रौआ, औरौ आए ही गौआ, जिथमुंजी मौरेयौंदे लोग मैरी यानी पौरमेशवर कै बैटै की आवाज़ शुणदै, औरौ जू शुणदै सैजै हमैशा कारिए जिन्‍दै।

यूहन्ना 6:65

औरौ तैणै बौल़ौ, “इथकारिए मोऐं तुऔं सै बुलू थियु कै मैरै धोरे तांव तौड़ी कुणिए ना आए सौकौ जौल़ौ तौड़ी पिता पौरमेशवर तैसी मैरै धोरे ना आणौ दैंव।”

यूहन्ना 8:37

हांव जाणुए कै तुऐं अब्राहमो कै वंशो कै औसौ, तौ बै तुऐं मैरी शिक्षाओं कै ना मानौ, इथकारिए तुऐं मुखै मार दैणा चांव।

यूहन्ना 8:43

जू बातौ हांव बुलू तुऐं किथु ना सौमझौ? इथकारिए कै तुऐं मैरी शिक्षा खै मानणौ शै मोना कौरौ।

यूहन्ना 8:45

हांव साचौ बुलू, इथकारिए तुऐं मुं पांदी बिशवाश ना कौरौ।

1 यूहन्ना 3:10

इनु बातौ लैई पौता चालौ पौरमेशवर कै सन्‍तान औरौ शैतान कै सन्‍तान कुण औसौ; जूणजै लोग धार्मिकता कै काम कौरौ सै पौरमेशवर कै ढौबौशै औसौ, औरौ जू आपणै भाईटु आरी प्यार कौरौ सैजैई पौरमेशवर कै ढौबौशै औसौ।

1 यूहन्ना 5:1

जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।

2 यूहन्ना 1:9

जै कुणिए आदमी लगातार मसीह की शिक्षा कै ना मानौ पौरौ तिथमुंजी किछै हौजौ जोड़े दैंव सै पौरमेशवर कै साथै बौणेयौंदा ना आथी। पौरौ जू कुणिए आदमी लगातार तैसकी शिक्षा कै मानदा रौंव सै पिता पौरमेशवर कै साथै जोड़ेयौंदा रौंव।

3 यूहन्ना 1:11

ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।