यूहन्ना 8:38 - सिरमौरी नौवाँ नियम

³⁸ मोऐं तुऔं खै तिनु चीज़ौ खै बौताए लोई जू मोऐं आपणै पिता पौरमेशवर धोरे दैखी रैई; औरौ तुऐं सैजौई कौरदै रौंव, जू तुऐं आपणै पिता शै शौणै राए।”

Sirmouri

³⁸ मुँऐं सेजो ही बुली लो, जुण्जों मुँऐ साक्षात आप्णें बाबा कर्दे देखी थो, परह् तुँऐं सेजो ही करह्, जुण्जों तुँऐं आप्णें बाबा कैई शो शुँणीं थों।”

यूहन्ना 8:38 ပူးပေါင်းရင်းမြစ်များ

मत्ती 3:7

जोबै तैणै बौहितै फरीसी औरौ सदूकी लोगौ खै बपतिस्मा लोणो कारिए आपणै धोरे आन्दै बैई दैखै औरौ तैणै तिनुकै बौल़ौ, “तुऐं लोग शोंगोऊं कै नानड़िया जैशणै जोहरिले औसौ, तुऔं कै कुणै बौल़ौ कै आणौवाल़ै गुस्से शै दोऊड़ो?

यूहन्ना 14:10

हांव पिता पौरमेशवर दा औसौ औरौ पिता पौरमेशवर मुं दा औसौ। का तू इयौं बातौ पांदी बिशवाश ना कौरे? ऐजी बातौ जू हांव तुऔं बुलू, आपणी औरौ शी ना बुलू, पौरौ मैरा पिता मुं दा रौयौ सैजौई कौरौ जू सै चांवए।

यूहन्ना 14:24

जू मुं आरी प्यार ना कौरौ, सै मैरी शिक्षा कै ना मानौ, औरौ जू बातौ तुऐं शौणै रैई, सै मैरी नी पौरौ मैरै पिता पौरमेशवर की औसौ, जैणै मुखै भैज राए।”

यूहन्ना 17:8

जिथुकै जू सौंदेश तुऐं मुखै दिया, सै मोऐं तिनुखै दिया औरौ तिनुऐ तैरै सौंदेश पांदी बिशवाश कौरा, ऐबै तिनु यकीन औसौ कै हांव तैरै ढौबौशा आए रौआ। औरौ ऐजा बिशवाश कौरे राए कै तुऐंई मुखै छाड़ा।

यूहन्ना 3:32

औरौ जू किछै तैणै दैखौ, औरौ शौणै राए, तिथकै गवाही दैंव पौरौ बौहुत कम लोग यीशु कै गवाही कै औपनांव।

यूहन्ना 5:19

इथपांदी यीशुए तिनुखै बौल़ौ, हांव तुऔं खै साचौ-साचौ बुलू, “हांव यानी पौरमेशवर का बैटा आपी किछै ना कौरे सौकु, सिरफ सैजौई जू पिता पौरमेशवर कै कौरदै बैई दैखु, जिथुकै जिनु-जिनु काम कै सै कौरौ, तिनुखै हांव बै तैशैखैई कौरु।

यूहन्ना 5:30

“हांव आपी शै किछै ना कौरे सौकु; हांव लोगौ का न्याय तैशैकैई कौरु जैशैखै पिता पौरमेशवर मुखै तिनका न्याय कौरणौ कै बौल़ौ। औरौ मैरा न्याय सोही औसौ; जिथुकै हांव आपणै इछा नी, पौरौ आपणै भैजणैवाल़ै कै इछा चोऊं।

यूहन्ना 8:26

तोंवारै बारै मुंजी मुखै बौहितु किछै बौलणौ औरौ तोंवारा न्याय कौरणा; पौरौ मैरा भैजणौवाल़ा पौरमेशवर साचा औसौ; औरौ जू मोऐं तैसीयांदो शौणै राए, सैजौई दुनिया कै लोगौ खै बुलूए।

यूहन्ना 8:41

तुऐं आपणै पिता पौरमेशवर कै साए टोल कौरौ।” तिनुऐ यीशु खै बौल़ौ, “आमै गौलत सौमबंध बाणैयौ पौयदा ना हौए रैई, अमारा सिरफ ऐकै पिता पौरमेशवर औसौ औरौ सै पौरमेशवर औसौ।”

यूहन्ना 8:44

तुऐं आपणै बापू शैतान शै औसौ औरौ आपणै बापू कै इछा खै पूरै कौरणै चांव। सै तौ आगै दा उंडा हथियारा औसौ, औरौ सै कौलोंई साचा ना थी, जिथुखै सौचाई तैसदै आथी ना, जौल़ौ सै झूठु बौल़ौ, तौ सै आपणै स्‍वभाव शै बौल़ौ, जिथुखै सै झूठा औसौ, औरौ झूठै का बापू औसौ।