यूहन्ना 8:32 - सिरमौरी नौवाँ नियम

³² तुऐं सौचाई जाणलै, औरौ सौचाई तुऔं खै आज़ाद कौरलै।”

Sirmouri

³² तुँऐं सच्चाऐ जाँण्ले, अरह् सच्चाऐ तुँओं अजाद कर्लीं।”

यूहन्ना 8:32 ပူးပေါင်းရင်းမြစ်များ

मत्ती 11:29

मैरै जोवांऐ आपी पांदी टैपै पांव; औरौ मुं कैईंदु शिखौ; जिथुखै हांव नम्र औरौ मन दा दीन औसौ: औरौ तुऐं आपणै मन दा विशांव पांदै।

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 1:17

इथकारिए कै कानून तौ मूसा कै दवारा दैय राए, पौरौ महान दया औरौ सौचाई तौ यीशु मसीह कै दवारा आए।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 16:13

पौरौ जोबै सैजा सत्‍य का आत्मा आला, तौ तुऔं पौरमेशवर कै बारै मुंजी जू बै साचौ औसौ बौतांदा। जिथुकै सै आपणै औधिकार शै ना बौलदा, पौरौ जू किछै पौरमेशवर कै ढौबौशौ शुणल़ा, सैजौई बौलदा, औरौ आणौवाल़ी बातौ तुऔं बौतांदा।

यूहन्ना 17:17

तैरा वचन साचा औसौ, औरौ तिनु सौचाई दै आपी कारिए जौई कौर।

यूहन्ना 6:45

पौरमेशवर कै बातौ बौताणौवाल़ै पवित्र शास्त्र दो ऐजौ लैखै राए, ‘सै सौबै पौरमेशवर कै ढौबौशै शिखाएयौंदे हौन्दै।’ जैसी कोसीए पिता पौरमेशवर कै शुणा औरौ तैसीयांदो शिखै राए, सैजाई मैरै धोरे आन्दा।

यूहन्ना 7:17

जै कुणिए पौरमेशवर कै इछा पूरी कौरणौ का प्रण लोंव, तौ सै जाणै पांदा कै मैरै शिक्षा पौरमेशवर कै ढौबौशै आंव या हांव आपणै औरौ शी बुलू।

यूहन्ना 8:36

जै हांव पौरमेशवर का बैटा तुऔं आज़ाद कौरु, तौ तुऐं सौथी कै आज़ाद हौए जालै।

रोमियों 6:22

पौरौ ऐबै पाप शै आज़ाद हौयौ औरौ पौरमेशवर कै दास बोणेयो ऐबै तुऐं तिनु कामौ कै कौरौ जू पवित्रता कै ढौबौ लौए जांव, औरौ तिथका अन्त सौदा कै जिन्दगी औसौ।

रोमियों 8:15

जिथुकै तुऔंखै गुलामी कै आत्मा ना भैटी रैई, कै तुऐं औटेयौ पौरमेशवर शै डौरौ पौरौ पौरमेशवरे आमु पवित्र आत्मा कै संतान बाणै राए, जिथलैई आमै ओए रै बापू, ओए रै पिता बौलेयौ पुकारू।

रोमियों 8:2

जिथुकै पवित्र आत्मा जू मसीह यीशु कै ढौबौशा आंव तुऔं जीवन दैला औरौ पाप औरौ मौत शै आज़ाद कौरदा।

1 कुरिन्थियों 7:22

जिथुकै जू गुलाम कै दशा दा तैसी सौमय बौएदै गौआ, जोबै सै गुलाम थिया प्रभुए तैसी पाप कै शौकतै शै आज़ाद कौरे राए औरौ तैशैखैई जू आज़ादी कै दशा दै बौएदै गौवै, सै मसीह कै गुलाम बौणौ।

गलातियौं 5:1

मसीहे आमु मूसा कै कानून का पालन कौरणौ शै आज़ाद कौरे राए। ताकि आमै हौजौ कौलोंई बै तिनु मूसा कै कानून कै गुलाम नी बौणु। इथकारिए आपणै आज़ादी कै पाकड़ेयौ राखौ औरौ आपी कै औटेयौ गुलाम नी बौणणौ दैंव।

गलातियौं 5:13

ओए रै बिशवाशी भाईयों तुऔं पौरमेशवर कै दवारा आज़ाद हौणौ कारिए चोणे राए इथकारिए ऐबै तुऔं मूसा कै कानून का पालन नी कौरणा चैंई। पौरौ आपणी शोरीर कै इछाओं कै पूरा कौरणौ का मौका नी दैंव। पौरौ आपणी आज़ादी का इस्तैमाल प्यार शै ऐकी दूजै कै सेवा कौरणौ कारिए कौरौ।

2 तीमुथियुस 3:7

सै सौदा नुई चीज़ौ शिखदै रौंव पौरौ सौचाई कै बारै मुंजी साची शिक्षा कै कौलोंई ना सौमझौ।

याकूब 1:25

पौरौ जू आदमी पौरमेशवर कै सिध्द कानून कै ध्यान शै पालन कौरौ, जू लोगौ कै पाप शै आज़ाद कौरौ; सै आपणै काम दा इथकारिए आशीष पांदा कै सै कानून कै शोणेयो बिसरो ना पौरौ जू सै शिखौ तैशैखैई तिथका अभ्यास कौरौ।

याकूब 2:12

तुऐं तिनु लोगौ साए बौल़ौ औरौ बर्ताव बै कौरौ, जिनका न्याय कानून कै हिसाब शै हौंदा जू आमु आज़ाद कौरौ।

1 पतरस 2:16

ऐबै तुऐं पाप कै गुलाम ना आथी जिथुकै तुऐं अमारै प्रभु यीशु मसीह कै दवारा आज़ाद हौए रौवै। पौरौ तुऐं आपणी आज़ादी का इस्तैमाल बुरै काम कौरणौ कारिए भाना नी बाणौ। पौरौ पौरमेशवर कै सेवको कै जैशणा बर्ताव कौरौ।

2 यूहन्ना 1:1

मोऐं यूहन्नाए कलीसिया कै अगुवे इयौं चिट्ठी कै लैखै लौए। मोऐं ऐजै चिट्ठी पौरमेशवर कै चोणेयौंदी तियौं फोल़ाणी बोईणी औरौ तियांरै नानड़िया कारिए लैखै लौए जिनु आरी हांव साचा प्यार कौरु, औरौ सिरफ हांव ही नी पौरौ सैजै सौब जोणे बै प्यार कौरौ जू सौचाई खै जाणौ।