यूहन्ना 8:31 - सिरमौरी नौवाँ नियम

³¹ बाद मै यीशुए तिनु यहूदी नेताओं शै जिनुवै तैसी पांदी बिशवाश कौरे राए थिया, तिनुखै बौल़ौ, “जै तुऐं मैरै शिक्षा दै बौणैयौंदे रौलै, तौ सौथी कै मैरै चैलै ठोहरलै।

Sirmouri

³¹ तबे: प्रभू यीशू ऐ तिनू यहूदियों लोगो खे बुलो, जिन्ऐं तिनू गाशी बिश्वाष करी थुवा थिया; के “जे तुँऐं मेरी शिक्षायों का पाल़्ण कर्दे रंह्ले; तअ तुँऐं सोत्तिखे मेरे चैले बंण्ले।

यूहन्ना 8:31 ပူးပေါင်းရင်းမြစ်များ

मत्ती 24:13

पौरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तिनुखै बौचायौ राखला।

यूहन्ना 1:47

यीशुए नतनएल खै आपणै ढौबौ खै आन्दी बैई दैखैयो तैसकै बारै मुंजी बौल़ौ, “दैखौ ऐजा अमारै पुराणिया इस्राएल देश का ऐक साचा वंशज औसौ: जू पूरी तरह शै ईमानदार औसौ।”

यूहन्ना 2:2

यीशु औरौ तैसकै चैलै बै तैसी जाजड़ै मुंजी बौएदै राए थिए।

यूहन्ना 6:55

जिथुखै मैरा शोरीर सौथी कै ही खाणै कै चीज़ औसौ, औरौ मैरा लोऊ सौथी कै पिणौ कै चीज़ औसौ।

यूहन्ना 8:36

जै हांव पौरमेशवर का बैटा तुऔं आज़ाद कौरु, तौ तुऐं सौथी कै आज़ाद हौए जालै।

प्रेरितो कै काम 13:43

औरौ जोबै सभा-घोरो शै सौबवे हौटै गौवै तौ यहूदी नेता औरौ यहूदी मत दै आएयौंदे भोक्‍तो मुंजीदै भौरिशै पौलुस औरौ बरनबास कै पौछौड़ियौ हौए गौवै; औरौ तिनुऐ तिनुआरी बातौ कौरेयौ सौमझाए, कै पौरमेशवर कै अनुग्रह दै बौणैयौंदे रौव।

प्रेरितो कै काम 14:22

औरौ हरेक नोगर दै चैलो कै मन खै मजबूत कौरदै रौवै औरौ ऐजै उपदैश दैंव थिए कै बिशवाश दै बौणैयौंदे रौव; औरौ ऐजौ बौल़ौ थिए, “कै आमु बौड़ै कौल़ेश शै हौयौ पौरमेशवर कै राज्य दो जाणौ पौड़दौ।”

प्रेरितो कै काम 26:22

पौरौ पौरमेशवर कै मौदद लैई हांव ऐलो तौड़ी बोणेयोंदा औसौ, औरौ नानड़ै-बौड़ै सौबी कै सामणै गवाही दियु। औरौ हांव इनु बातौ खै छोड़ेयौ कै किछै ना बुलू, जू पौरमेशवर कै बातौ बौताणौवाल़ै औरौ मूसाए बै बौल़ै की हौणौवाल़ी औसौ,

रोमियों 11:22

इथकारिए पौरमेशवर कै दया औरौ सख्ताई पांदी ध्यान दैंव! जू बिशवाश शै भौटकै! तिनु पांदी सख्ताई, पौरौ तुऔं पांदी दया हौए रौए, तुऐं तैसकै दया दै बौणैयौंदे रौव, नही, तौ काटैयौ जौई कौरे दियै जालै।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

कुलुस्सियों 1:23

पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।

1 तीमुथियुस 2:15

पौरौ पौरमेशवर बैटमाणिशौ खै नानड़िया कै जन्म दैणौ कै दवारा बौचाए दैंदा, जै तियौं दा ऐक शुध्द मन औसौ औरौ सै मसीह दै आपणै बिशवाश दै डगमगाव ना, तियौं ओकीआरी बिना शर्त कै प्यार कौरणा जारी राखणा चैंई, औरौ ऐक बिना दोष का जीवन बाणैयौ राखणा चैंई।

1 तीमुथियुस 4:16

इथ बारै मुंजी चौकश रौया कै तू कैशै रौए औरौ का शिखै। इनु बातौ पांदी मोजबूत रो, जै ऐशणौ कौरला, तौ इथका नतीजा ऐजा हौला कै पौरमेशवर तैरै दवारा ताखै औरौ तैरै शुणणौवाल़ै कै बै न्याय शै बौचांदा।

2 तीमुथियुस 3:14

ओए रै तीमुथियुस, तिनु बातौ कै जू तुऐं मुंकैई दी शिखै रैई औरौ जिथपांदी तुऐं बिशवाश कौरे राए। तिनु तू लगातार बिशवाश कै साथै मानदा रौव। आखिरकार, तू जाणै कै ताखै ऐजै सौचाई कुणै शिखाए राए।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

इब्रानियों 8:9

ऐजै कौरार तैशै ना हौंदै जैशै मोऐं तिनकै पुराणिया कै साथै तैसी सौमय कौरे राए थै, जोबै मोऐं तिनका हाथ पाकड़ेयौ तिनु मिस्र देश शै बायरै निकाल़ैयो लाए। जिथुकै प्रभु बौल़ौ, तिनुऐ मैरी कौरार का पालन ना कौरी। इथकारिए मोऐं तिनकै फिकर कौरणै बंद कौरे दै।

याकूब 1:25

पौरौ जू आदमी पौरमेशवर कै सिध्द कानून कै ध्यान शै पालन कौरौ, जू लोगौ कै पाप शै आज़ाद कौरौ; सै आपणै काम दा इथकारिए आशीष पांदा कै सै कानून कै शोणेयो बिसरो ना पौरौ जू सै शिखौ तैशैखैई तिथका अभ्यास कौरौ।

1 यूहन्ना 2:19

सैजै लोग जू मसीह कै दुशमन औसौ अमारा साथ छोड़ेयौ हौटै गौवै जिथुकै सै अमारै आपणै ना थी, जै सै अमारै आपणै हौंदै, तौ सै अमारै साथै ही रौंदै पौरौ सै हौटै गौवै, जिथलैई ऐजा पौता लागै गौआ कै तिनुमुंजी दै कुणिए बै अमारै आपणै ना आथी।

1 यूहन्ना 2:24

जू साचा सौंदेश तुऐं तोबै शुणा जोबै तुऐं मसीह पांदी बिशवाश कौरे राए थिया, सैजाई तुऔं दा बौणेयौंदा रौंव; औरौ जै सैजा सौंदेश तुऔं दा बौणेयौंदा रौंव तौ तुऐं बै बैटै दै औरौ पिता पौरमेशवर दै बौणैयौंदे रौलै।

2 यूहन्ना 1:9

जै कुणिए आदमी लगातार मसीह की शिक्षा कै ना मानौ पौरौ तिथमुंजी किछै हौजौ जोड़े दैंव सै पौरमेशवर कै साथै बौणेयौंदा ना आथी। पौरौ जू कुणिए आदमी लगातार तैसकी शिक्षा कै मानदा रौंव सै पिता पौरमेशवर कै साथै जोड़ेयौंदा रौंव।