यूहन्ना 8:29 - सिरमौरी नौवाँ नियम

²⁹ मैरा भैजणौवाल़ा मैरै साथै औसौ, तैणै मुखै इकली ना छोड़े रैई जिथुखै हांव हमैशा सैजाई काम कौरु, जिथलैई सै खुश हौंव।”

Sirmouri

²⁹ मुँह डेयाल़्णों वाल़ा, मेरी गंईलो असो; तिन्ऐं मुँह ऐक्ली ने छ़ूड़ी थंई, किन्देंखे के हाँव सदा सेजो ही करू; जिन्दें लई से बैजाऐ खुशी हों।”

यूहन्ना 8:29 ပူးပေါင်းရင်းမြစ်များ

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

मत्ती 3:15

पौरौ यीशुए तैसीखै ऐजा जोवाब दिया, “ऐबै तू ऐशैखैई हौणौ दै, जिथुखै आमुखै ऐशैखैई सैजौ सौबै पूरु कौरणौ जू पौरमेशवर कारिए जौरुरी औसौ।” औरौ तोबै यूहन्नाए तैसकै बात मानै पाए।

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

यूहन्ना 14:31

हांव तैशैकैई कौरु जैशैकै मैरै पिता पौरमेशवरे मुखै आज्ञा दै, ताकि दुनिया कै लोगौ खै पौता चालौ कै हांव पिता पौरमेशवर आरी प्यार कौरु। बीजौ, इथै दै आमु ऐबै हांडुबै।

यूहन्ना 15:10

जै तुऐं मैरी आज्ञा कै मानलै, तौ मैरै प्यार दै बौणैयौंदे रौलै, जैशैकै मोऐं आपणै पिता पौरमेशवर की आज्ञा का पालन कौरे राए, औरौ तैसकै प्यार दा बोणेयोंदा रौंऊ।

यूहन्ना 16:32

दैखौ, सैजा सौमय आए रौआ बल्कि आए बै गौआ जोबै तुऐं सौबै तितर बितर हौयौ कै आपणा आपणा रास्ता लौन्दै, औरौ मुखै इकली छोड़े दैन्‍दै, तोबै बै हांव इकली ना आथी जिथुकै पिता पौरमेशवर मैरै साथै औसौ।

यूहन्ना 17:4

जू काम तुऐं मुखै कौरणौ कै दैय राए थिया, तैसी काम कै पूरा कौरेयौ मोऐं दुनिया पांदी तैरै महिमा कौरे राए।

यूहन्ना 4:34

यीशुए तिनुखै बौल़ौ, “मैरौ खाणौ तैसी पौरमेशवर कै इछा कै मानणा औसौ जैणै मुखै भैजै राए, औरौ तैसी कामौ कै पूरा कौरणा जू तैणै मुखै दैय राए।”

यूहन्ना 5:30

“हांव आपी शै किछै ना कौरे सौकु; हांव लोगौ का न्याय तैशैकैई कौरु जैशैखै पिता पौरमेशवर मुखै तिनका न्याय कौरणौ कै बौल़ौ। औरौ मैरा न्याय सोही औसौ; जिथुकै हांव आपणै इछा नी, पौरौ आपणै भैजणैवाल़ै कै इछा चोऊं।

यूहन्ना 6:38

जिथुखै हांव स्वर्ग शै आपणै इछा कै पूरै कौरणौ कारिए धैनै ना आए रैई पौरौ मुखै भैजणौवाल़ै पौरमेशवर कै इछा पूरै कौरणौ कारिए स्वर्ग शै भैजै राए।

यूहन्ना 8:16

औरौ जै हांव न्याय कौरुबै तौ मैरा न्याय साचा औसौ, जिथु हांव इकली ना आथी, पौरौ हांव पिता पौरमेशवर कै साथै औसौ, जैणै मुखै भैजै राए।

2 तीमुथियुस 4:17

पौरौ प्रभु मैरा मौददगार रौआ, औरौ मुखै शौकतै दै; ताकि हांव इथ लायक बौणै सौकु कै यीशु मसीह कै सुसमाचार तिनु लोगौ खै साफ-साफ शुणाए सौकु जू बैगानै यहूदी लोग अदालत दै मौजूद थिए। औरौ प्रभुए मुखै मौत शै बौचौऊंवा ठीक तैशैखै जैशै भूखै शेर कै मुँह शै बौचाया जांव।

2 तीमुथियुस 4:22

हांव प्रार्थना कौरु कै पौरमेशवर औरौ तैसकै दया तोंवारै साथ रौंव।

इब्रानियों 4:15

जिथुकै ऐजा महायहूदी पुरोहित, जू यीशु मसीह औसौ, अमारी हरेक कमजोरी खै सौमझौ; यानी यीशुए अमारी जैशणी हर भान्त की परीक्षा का सामणा कौरा, पौरौ तैणै कुणजाई बै पाप ना कौरी।

इब्रानियों 7:26

यीशु तैशणा महायहूदी पुरोहित औसौ जैसकी आमु जौरुरत औसौ। सै पवित्र औसौ, औरौ बिना पापवाल़ा, शुध्द, औरौ पापियों कै प्रभाव शै दूर रौंव, औरौ तैसी स्वर्ग दा बै ऊबा उठाए राए।

1 यूहन्ना 2:1

मैरै प्यारे नानड़िया, मोऐं ऐजी बातौ तुऔं इथकारिए लैखै लोई कै तुऐं पाप ना कौरौ। जै कुणिए पाप कौरौ, तौ पिता पौरमेशवर कै धोरे अमारा ऐक सहायक औसौ, सैजा यीशु मसीह औसौ जू अमारै पापौ कै माफी कारिए प्रार्थना कौरौ, औरौ सै धरमी औसौ।

1 यूहन्ना 3:22

औरौ जू किछै आमै पौरमेशवर शै मांगुए, सैजौ आमु तैसी कैईंदु भैटौए; जिथुकै आमै पौरमेशवर की आज्ञाओं खै मानुए; औरौ जू पौरमेशवर कै भाँवए आमै सैजौई कौरु।