यूहन्ना 8:20 - सिरमौरी नौवाँ नियम

²⁰ ऐजी बातौ तैणै मन्दिरो कै आँगणो दी उपदैश दैंदै बैई भण्डार घोरो दी बुली, औरौ कोसीए तैसीखै ना पाकड़ी जिथु तैसका दुख सोणो का सौमय इबी तौड़ी ना आए रैई थी।

Sirmouri

²⁰ प्रभू यीशू ऐ ऐजे बचन देऊँठी के भडारे दे शिक्षा देंदे बख्त्ते बुले, तबे भे कुँणिऐं तिन दा हाथ तक ने लाई; किन्देंखे के हेभी तोड़ी तिन का बख्त्त ने आऐ रंई थी।

यूहन्ना 8:20 ပူးပေါင်းရင်းမြစ်များ

मत्ती 26:55

तैसी सौमय यीशुए भीड़ौ कै बौल़ौ, “का तुऐं डाकू कै जैशणै जाणैबा मुखै बोन्दी बौणाणौ कै तलवारी औरौ लाठी लोएबा निकल़ै रौवै? हांव तौ हर दूस यरूशलेम मन्दिर दा बोठेयो उपदैश दियु थिया, औरौ तोबै तुऐं मुखै ना थाम्बी।

मत्ती 27:6

मुख्य यहूदी पुरोहित तिनु सिक्‍कै कै लोयो बौल़ौ, “इनु सिक्‍कै खै मन्दिर कै भण्डार दै राखणै अमारै कानून कै हिसाब सै ठीक ना आथी जिथुकै ऐजौ कोसी कै लोऊ बोवाणो का दाम औसौ।”

मरकुस 12:41

यीशु मन्दिरो कै भण्डार कै सामणै बौठैबा दैखदा लागा, कै लोग मन्दिरो कै भण्डार दै कैशैखै पौएसै छोड़ो, औरौ कैई अमीरे जादा मात्रा दो धन दान कौरौ।

मरकुस 12:43

तोबै यीशुए आपणै चैलै खै आपणै धोरे बौएदैयौ तिनुखै बौल़ौ, “हांव तुऔं खै साचौ बुलू कै मन्दिरो कै भण्डार दै छौड़णौ वाल़ौ मुंजीदै इयैं गरीब विधवाएं सौबीदु बौड़ैबा पोऊ।

लूका 20:19

तैसी सौमय यहूदी शास्त्री औरौ मुख्य यहूदी पुरोहित यीशु खै थामणा चांव थिए, जिथुकै सैजै सौमझै गौवै थिए, कै यीशुए तिनकै खिलाफ उदारण बौल़ै राए पौरौ सै लोगौ दै डौरे।

लूका 21:1

यीशुए दैखौ कै सैठ लोगै आपणौ-आपणौ दान भण्डार दौ पाए लो थियु।

यूहन्ना 10:39

तोबै तिनुऐ हौजौ तैसी थामणो कै कौचिश कौरे, पौरौ सै तिनुवांदा दूर हौटै गौआ।

यूहन्ना 2:4

यीशुए तियौंखै बौल़ौ, “ओए रै माँ तुऐं मुखै काए बौताए लो? मसीह कै रुप दा पोछैयाणै जाणौ का मैरा सौमय इबी ना आए रैई।”

यूहन्ना 7:14

औरौ जोबै तैयारो कै आधै दूस बितै गौवै; तोबै यीशु मन्दिरो दै जायौ खै उपदैश दैन्दा लागा।

यूहन्ना 7:30

इथपांदी नेताए तैसीखै थामणा चोऊवा तौ बै कोसीए तैसी गिरफ्तार ना कौरी, जिथु तैसखै मौरणौ का सोही सौमय इबी तौड़ी ना आए रैई थी।

यूहन्ना 7:44

तिनुमुंजी किछै लोग तैसीखै थामणा चांव थिए, पौरौ कुणिए बै तैसी गिरफ्तार ना कौरी।

यूहन्ना 7:8

तुऐं तैयारो मुंजी जाव, हांव इबी ऐसी तैयारो मुंजी ना जांदा, जिथुखै इबी तौड़ी मैरा सोही सौमय ना आए रैई।”

यूहन्ना 8:2

औरौ दूजै का झीशो ही यीशु मन्दिर कै आँगणो दा हौटा, औरौ बौहितै सारै लोग तैसकै धोरे आए; सै बौठै गौआ औरौ तिनु शिक्षा दैन्‍दा लागा।

यूहन्ना 8:59

तोबै तिनुऐ यीशु कै मारणौ कारिए पाथर टिपै, पौरौ सै चुपकै शै मन्दिरो कै आँगणो पौरैशा निकल़ै गौआ।