यूहन्ना 8:2 - सिरमौरी नौवाँ नियम

² औरौ दूजै का झीशो ही यीशु मन्दिर कै आँगणो दा हौटा, औरौ बौहितै सारै लोग तैसकै धोरे आए; सै बौठै गौआ औरौ तिनु शिक्षा दैन्‍दा लागा।

Sirmouri

² अरह् हजो झ़ीषों-भैयाँसरो आरी देऊँठी दे आऐ; अरह् तबे बादे लोग कट्ठै हऐयों तिन कैई आऐ, अरह् से बऐठियों तिनखे शिक्षा अरह् बचन का ज्ञाँन देंदे लागे।

यूहन्ना 8:2 ပူးပေါင်းရင်းမြစ်များ

मत्ती 26:55

तैसी सौमय यीशुए भीड़ौ कै बौल़ौ, “का तुऐं डाकू कै जैशणै जाणैबा मुखै बोन्दी बौणाणौ कै तलवारी औरौ लाठी लोएबा निकल़ै रौवै? हांव तौ हर दूस यरूशलेम मन्दिर दा बोठेयो उपदैश दियु थिया, औरौ तोबै तुऐं मुखै ना थाम्बी।

लूका 21:37

आई दूसै यीशु मन्दिर दा उपदैश दैंव थिया, औरौ राती कै बायरै जाऐबा जैतून नांव कै धारो पांदी रौया कौरौ थिया।

लूका 21:38

औरौ झीशो कै सौमय सौबै लोग तैसकी बातौ शुणणौ कारिए मन्दिर दै तैसकै धोरे आया कौरौ थिए।

लूका 4:20

तोबै तैणै पवित्र किताब बन्‍द कौरे दै, औरौ सेवक कै हाथौ दै दैय दी औरौ बौठै गौआ: औरौ यहूदी सभा-घोर कै सौबी लोगौ की नज़र तैसी पांदी थी।

लूका 5:3

तिनु किश्‍ती मुंजीदै ऐकी पांदी जू शमौन कै थै, निकल़ैयो तैणै तैसी कैईंदै बिन्ती कौरे कै, “किनारे पौरैशै दैणिक हौटाए दै।” तोबै सै बोठेयो लोगौ कै किश्‍ती पौरौशा उपदैश दैन्‍दा लागा।

यूहन्ना 4:34

यीशुए तिनुखै बौल़ौ, “मैरौ खाणौ तैसी पौरमेशवर कै इछा कै मानणा औसौ जैणै मुखै भैजै राए, औरौ तैसी कामौ कै पूरा कौरणा जू तैणै मुखै दैय राए।”

यूहन्ना 8:20

ऐजी बातौ तैणै मन्दिरो कै आँगणो दी उपदैश दैंदै बैई भण्डार घोरो दी बुली, औरौ कोसीए तैसीखै ना पाकड़ी जिथु तैसका दुख सोणो का सौमय इबी तौड़ी ना आए रैई थी।

यूहन्ना 8:3

जोबै सै बौलदा लागै रौआ थिया, तोबै यहूदी शास्त्री औरौ फरीसी लोगै ऐकी बैटमाणिश कै लाए जू गौलत सौमबंध बाणदै बैई पाकड़ै गौए थी; औरौ तिनुऐ तियौं भीड़ौ कै सामणै खौड़ै कौरे दी।

प्रेरितो कै काम 5:21

चोणेयौंदे चैलै ऐजौ शोणेयो झीशींदै मन्दिर दै हौटै औरौ जैशै तिनुकै स्‍वर्गदूतै बौताए राए थियु तैशैकैई उपदैश दैणा शुरु कौरा। पौरौ महायहूदी पुरोहित औरौ तैसकै साथीए आयौ महासभा कौ औरौ इस्राएल देश कै लोगौ कै सौबै बुड़ेईक कै कौठै कौरे औरौ कोयदखाने दा सौंदेश भैजा, कै तिनु लाव।