यूहन्ना 7:39 - सिरमौरी नौवाँ नियम

³⁹ यीशुए ऐजै बात बौल़ै, तौ सै पवित्र आत्मा कै बारै मुंजी बौल़ै लोए थी, जू तैसी पांदी बिशवाश कौरौ सै पवित्र आत्मा कै पाणौ वाल़ै थिए; पवित्र आत्मा इबी तौड़ी ना उतरे रैई थी। जिथुखै पौरमेशवरे इबी तौड़ी यीशु कै महिमा कै प्रकट ना कौरे रैई थी।

Sirmouri

³⁹ प्रभू यीशू ऐ ऐजी बातो तियों पबित्र-आत्त्मा के बारे दी बुली, जुण्जी पबित्र-आत्त्मा तिन दा बिश्वाष कर्णों वाल़े खे भेट्दे थी; परह् तेसी बख्त्तो तोड़ी सेजी पबित्र-आत्त्मा धर्ती गाशी ने आऐ रंई थी, किन्देंखे के प्रभू यीशू हेभी तोड़ी आप्णी बड़ियाई दे ने पंह्ऊँची रंई थी।

यूहन्ना 7:39 ပူးပေါင်းရင်းမြစ်များ

मत्ती 16:14

तिनुऐ बौल़ौ, “किछै लोग तौ यूहन्ना बपतिस्मा दाता बौल़ौ; औरौ किछै एलिय्याह; औरौ किछै यिर्मयाह या पौरमेशवर कै बातौ बौताणौवाल़ै मुंजीदा कुणिए ऐक बौल़ौ?”

मत्ती 21:11

लोगै बौल़ौ, “ऐजा गलील जिले कै नासरत गांव का पौरमेशवर कै बातौ बौताणौवाल़ा यीशु औसौ।”

लूका 24:49

औरौ हांव आपी तुऔं दै पवित्र आत्मा कै छाड़दा, जैसीकै छाड़णौ का वादा मैरै बापूए कौरे राए। पौरौ जांव तौड़ी तुऔं स्वर्ग पौरैशै अनौखी शौकतै ना भैटौ, तांव तौड़ी इयौंई नोगरो दै रौकैयौंदे रौव।”

लूका 3:16

तौ यूहन्नाए तिनु सौबी कै जोवाब दिया, “हांव तौ तुऔं पाणी शै बपतिस्मा दियु पौरौ सै आणौवाल़ा औसौ जू मुं दा बै शौकतीशाली औसौ; हांव तौ ऐसी लायक बै आथी ना कै तैसकै जूते कै तशमै खोले सौकु, सै तुऔं खै पवित्र आत्मा औरौ आगै लैई बपतिस्मा दैंदा।

लूका 7:16

ऐजौ दैखैयो सौबै लोग डौर गौवै, औरौ सैजै पौरमेशवर की बौड़ाए कौरदै लागै, “अमारै बीच मुंजीदा ऐक बौड़ा पौरमेशवर कै बातौ बौताणौवाल़ा बिज़ रौआ, औरौ पौरमेशवर आपणै लोगौ कै मौदद कौरदा आए रौआ।”

यूहन्ना 1:21

तोबै तिनुऐ यूहन्ना कैईंदु पूछु, “तौ तोबै तू कुण औसौ? का तू एलिय्याह पौरमेशवर कै बातौ बौताणौवाल़ा औसौ?” तैणै बौल़ौ, “हांव ना आथी।” “तौ का तू सैजा पौरमेशवर कै बातौ बौताणौवाल़ा औसौ?” तैणै जोवाब दिया, “ना।”

यूहन्ना 1:25

तिनुऐ यूहन्ना कैईंदा ऐजा सवाल पूछा, “जै तू मसीह ना आथी, औरौ ना एलिय्याह, औरौ ना ही पौरमेशवर कै बातौ बौताणौवाल़ा औसौ, तौ तू तोबै किथुखै बपतिस्मा दैय।”

यूहन्ना 1:33

औरौ हांव तौ तैसीखै पौछेयाणु नै थिया कै सै मसीह औसौ, पौरौ जैणै मौखै पाणी लैई बपतिस्मा दैंदा भैजा, तैणै मौखै बौल़ौ, ‘जैसी पांदी तू पवित्र आत्मा खै उतरदै बैई औरौ ठोरदे बैई दैखला; सैजाई पवित्र आत्मा लैई बपतिस्मा दैणौवाल़ा औसौ।’

यूहन्ना 12:16

यीशु कै चैलै ऐजी बातौ आगै ना सौमझै रैई थी; पौरौ जोबै यीशु की महिमा प्रकट हौए, तौ तिनकै याद ओऊ कै जू किछै बै यीशु कै साथै हौंव सैजौ ठीक तैशैकैई ही थियु जू पवित्र शास्त्र दो लैखै राए थियु।

यूहन्ना 12:23

इथपांदी यीशुए तिनुखै बौल़ौ, “कै सैजा सौमय आए गौआ, कै मुं आदमी कै बैटै कै महिमा हौंव।”

यूहन्ना 14:13

औरौ जू किछै तुऐं मैरै नांव शै मांगलै, सैजौई हांव कौरदा कै मुं बैटै कै दवारा पिता की महिमा हौंव।

यूहन्ना 14:26

पौरौ हौंसला दैणौवाल़ा, यानी पवित्र आत्मा जैसी पिता मैरै नांव शै भेजला, सै तुऔं सौबै बातौ शिखाला, औरौ जू किछै मोऐं तुऔं बौल़ै राए, सै सौबै तुऔं याद कौरांदा।”

यूहन्ना 16:14

सै मैरै महिमा कौरदा, जिथुकै तैसी जू मैरै ढौबौशौ जू भैटी रौं, सैजौई तुऔं बोताला।

यूहन्ना 16:7

हौजौ बै हांव तुऔं साचौ बुलू, कै मैरौ जाणौ तुऔं कारिए आछौ औसौ, जिथुकै जै हांव ना जोऊं, तौ सैजा हौंसला दैणौवाल़ा, तोंवारै धोरे ना आन्दा, पौरौ जै हांव जोऊं, तौ तैसी तोंवारै धोरे भैजै दैंदा।

यूहन्ना 17:1

यीशुए आपणै चैलै खै ऐजी बातौ बुली औरौ तैणै स्वर्ग कै ढौबौ दैखौ औरौ प्रार्थना कौरे, “ओए रै पिता पौरमेशवर, सैजा सौमय आए गौआ, ऐजौ प्रगट हौंव कै पौरमेशवर कैतरा महान औसौ, कै बैटा बै तैरै महिमा कौरौ।

यूहन्ना 17:5

औरौ ऐबै, ओए रै पिता जू महिमा मैरै तैरै साथै दुनिया कै बाणणौ दै औगौड़ियौ थै, तू मुखै आपणै साथै तियौंई महिमा शै महान कौर।”

यूहन्ना 20:22

ऐजौ बौलेयौ तैणै तिनु पांदी फूंक मारै औरौ तिनुखै बौल़ौ, पवित्र आत्मा लौ।

यूहन्ना 6:14

तोबै जू चौमत्कार कै काम तैणै कौरेयौ दिखोऊवा तियौं बात दैखैयो लोग बौलदै लागै की, “सैजा तौ पौरमेशवर कै बातौ बौताणौवाल़ा जू दुनिया पांदी आणौवाल़ा थिया। पाका ऐजाई औसौ।”

यूहन्ना 7:12

औरौ तिथै भीड़ौ कै लोग तैसकै बारै मुंजी चुपी-चुपी बौरिशी बातौ बौल़ै लोई थी। किछै लोग बौल़ौ थिए कै, “सै भला आदमी औसौ।” औरौ किछै लोगै बौल़ै लो थियु, “ना, सै लोगौ खै भरमांव।”

यूहन्ना 8:54

यीशुए जवाब दिया, “जै हांव आपी आपणै तारीफ कौरु, तौ मैरी किछै तारीफ ना आथी, जू मैरै तारीफ कौरौ, सै मैरा पिता औसौ, औरौ तुऐं बौल़ौ, कै सै तोंवारा पौरमेशवर औसौ।

प्रेरितो कै काम 19:2

तैणै बौल़ौ, “का तुऐं बिशवाश कौरदै बैई पवित्र आत्मा पाए राए?” तिनुऐ तैसीखै बौल़ौ, “आमुए तौ पवित्र आत्मा की चौर्चा बै शौणै ना रैई।”

प्रेरितो कै काम 2:17

प्रभु बौल़ौ, कै अन्त कै दूसौ दौ ऐशै हौन्दौ, कै हांव आपणै पवित्र आत्मा सौबी आदमी पांदी भैजदा, औरौ तोंवारै बैटै औरौ तुंआरी बैटी पौरमेशवर कै बातौ बौताया कौरदी औरौ तोंवारै जवान दर्शन दैखदै, औरौ तोंवारै बूढ़े आदमी सुईणै दैखदै।

प्रेरितो कै काम 2:33

ऐबै सै स्वर्ग दा पौरमेशवर कै सोऐं हाथौ कै सौबी दै बौड़ै इज्जत वाल़ै ठाँव पांदी बौठेयौंदा औसौ। औरौ पिताए जैशै तैणै वादा कौरे राए थिया, तैसीखै पवित्र आत्मा दै औरौ तैणै पवित्र आत्मा आमु दै, जैसी ऐलो तुऐं दैखौ औरौ शुणौए।

प्रेरितो कै काम 2:38

पतरस तिनुकै बौल़ौ, “पाप कौरणै छोड़े दैंव औरौ तुऔं मुंजीदा हरेक आपणै-आपणै पापौ कै माफी कारिए यीशु मसीह कै नांव शै बपतिस्मा लौ; तौ तुऐं पवित्र आत्मा का वरदान पांदै।

प्रेरितो कै काम 2:4

औरौ सैजै सौबै पवित्र आत्मा लैई भोरै गौवै, औरौ जैशैकै आत्माए तिनुकै बौलणौ कै शौकतै दै, औरौ सै ओकी-ओकी भाषा दै बौलांदै लागै।

प्रेरितो कै काम 3:13

अब्राहम, इसहाक औरौ याकूब का पौरमेशवर, अमारै पुराणिया कै पौरमेशवरे आपणै सेवक यीशु की महिमा कौरे, पौरौ तुऐं तैसी मारणौ कारिए यहूदी नेताओं कै हाथौ दा थोम्बाए दिया, औरौ जोबै राज्यपाल पिलातुसे तैसी छोड़े दैणौ का विचार कौरा, तोबै तुऐं तैसकै सामणै यीशु कै बैज्जती कौरे।

प्रेरितो कै काम 4:31

जोबै तिनुऐ प्रार्थना कौरे पाए, तौ सैजै जौगैह जिथै सै कौठै थिए हिंजल़ी गौए, औरौ सैजै सौबै पवित्र आत्मा दै भोरै गौवै, औरौ पौरमेशवर का वचन हिम्मत लैई शुणादै रौवै।

रोमियों 8:9

पौरौ जोबै कै पौरमेशवर का पवित्र आत्मा तुऔं दा बौसौ, तौ तुऐं पापी स्‍वभाव कै काबू दै ना आथी, पौरौ पवित्र आत्मा कै काबू दै औसौ। जै कोसी दी मसीह कै आत्मा ना आथी तौ तैसका मसीह शै नाता ना आथी।

इफिसियों 4:30

पौरमेशवर कै पवित्र आत्मा खै आपणै जीवन जिणौ कै तरीकै शै दुखी ना कौरौ। पवित्र आत्मा ऐक छाप कै जैशणी औसौ, जू ऐजौ दिखांव कै तुऐं पौरमेशवर कै औसौ।