यूहन्ना 7:31 - सिरमौरी नौवाँ नियम

³¹ औरौ भीड़ौ मुंजीदै बौहितै लोगै तैसी पांदी बिशवाश कौरा, औरौ बौलदै लागै, “मसीह जौल़ौ आला, तोलो का इदै जादा निशान खै दिखांदा जू ऐणै दिखाए राए?”

Sirmouri

³¹ तबे भे लोगो की भीड़ मुँझ्शा बैजाऐ लोगे ऐं प्रभू यीशू गाशी बिश्वाष करा; अरह् से आपु मुँझी बुल्दे लागे, के जबे “मसीया आले, तअ कियों से ऐसी आदमी शे भे जादा चींह्न-चंम्त्तकार देखाँदे?”

यूहन्ना 7:31 ပူးပေါင်းရင်းမြစ်များ

मत्ती 12:23

इथकारिए सौबै लोग हैरान हौयौ बौलदै लागै, “का ऐजा आदमी राजा दाऊद कै वंश का औसौ औरौ जैसकै आमुए उमीद कौरे लोए।”

लूका 8:13

शोकरेड़े वाल़ै जमीन कै बिज़ ऐशणै औसौ, जोबै सै पौरमेशवर का वचन खै शोणेयो तौलोंई खुशी सै मानौए तौ औसौ, पौरौ वचन कै आपणै मनो कै भीतरै बौठणौ ना दैंव, औरौ दैणिक सौमय तौड़ी बिशवाश राखौ, औरौ परीक्षा कै सौमय सै बिशवाश शै दूर हौए जांव।

यूहन्ना 11:45

तोबै जू यहूदी लोग मरियम कै साथै आए रौवै थिए, औरौ तिनुऐ यीशु का ऐजा काम दैखा, औरौ तिनुमुंजी बौहितै लोगै यीशु पांदी बिशवाश कौरा।

यूहन्ना 12:11

जिथुकै लाजर की बौजैह शै बौहितै लोग तिनुकै भाजदे लागै, औरौ तिनुऐ यीशु पांदी बिशवाश कौरा।

यूहन्ना 12:42

तोबै बै यहूदी नेताओं मुंजीदै बौहितै तैसी पांदी बिशवाश कौरा, पौरौ फरीसी लोगौ की बौजैह शै सै खौलेयौ तैसी नी मानौ थिए, तिनु इयौं बातौ का डौर थिया कै तिनु यहूदी सभा-घोरो शै बायरै ना गाड़ै दैंव।

यूहन्ना 2:11

यीशुए गलील जिले कै काना नगर दा आपणा ऐजा आगला चौमत्कार का काम देखाएबा आपणै महिमा प्रगट कौरे औरौ तैसकै चैलै तैसी पांदी बिशवाश कौरा कै सै मसीह औसौ।

यूहन्ना 3:2

तैणै रातै यीशु कै धोरे आयौ बौल़ौ, “ओए रै गुरुजी, आमै जाणुए कै पौरमेशवरे ताखै आमु शिखाणौ कारिए छाड़ै राए, जिथुकै कुणिए बै इनु निशान या चौमत्कारो खै जू तू दिखाए, जै पौरमेशवर तैसकै साथै नी हौंव, तौ दिखाए ना सौकौ।”

यूहन्ना 4:29

“उंढे आव, ऐसी आदमी खै दैखौ, जैणै मैरै जिन्दगी कै बारै मुंजी सौब ठुँ बौताए दियु जू किछै मोऐं कौरे राए थियु। कोदी ऐजाई तौ नी मसीह औसौ?”

यूहन्ना 4:39

औरौ तैसी शहर कै बैजाए सामरी लोगै तियौं बैटमाणिशौ कै बौलणौ शै यीशु पांदी बिशवाश कौरा, जैणै ऐजौ बौल़ौ थियु कै तैणै सौब ठुँ जू मोऐं कौरे राए, मुखै बौताए दियु।

यूहन्ना 6:2

औरौ ऐक बौड़ै भीड़ तैसकै पाछैदै चालै रौए थी, जिथुकै जू चौमत्कार कै काम सै बीमारों पांदी दिखांव थिया सै तिनुकै दैखौ थिए।

यूहन्ना 7:26

पौरौ दैखौ, सै तौ खुलैआम बातौ कौरौ औरौ कुणिए तैसीखै किछै ना बौल़ौ; कोदी ऐशै तौ नी कै तिनुऐ साचौ जाणै पोऊ; कै ऐजाई मसीह औसौ?

यूहन्ना 9:16

इथपांदी कैई फरीसी लोग बौलदै लागै, “ऐजा आदमी पौरमेशवर कै औरौ शा ना आथी, जिथुकै सै विशांव कै दूस कै ना मानौ।” ओकीए बौल़ौ, “ऐसकै जैशणा पापी आदमी कैशै चौमत्कार कै काम दिखाए सौकौ?” इयौं बातौ लैई तिनुमुंजी फूट पौड़ै गौए।

प्रेरितो कै काम 8:13

तोबै शमौने आपी बै फिलिप्‍पुस कै सौंदेश पांदी बिशवाश कौरा औरौ बपतिस्मा लोयो तैसकै साथी रौंदा लागा। औरौ निशान औरौ बौड़ै-बौड़ै शौकतै कै काम दैखैयो हैरान हौंव थिया।

याकूब 2:26

जैशै शोरीर साँस बिना मौरेयौंदा औसौ, ऐशैखैई बिशवाश बै भले कामौ कै बिना बैकार औसौ।