यूहन्ना 6:69 - सिरमौरी नौवाँ नियम

⁶⁹ औरौ आमै तांव पांदी बिशवाश कौरे राए औरौ जाणै गौवै, कै पौरमेशवर का पवित्र जन तू ही औसौ, औरौ सै मसीहा औसौ जैसीकै पौरमेशवरे भैजै राए।”

Sirmouri

⁶⁹ आँमें बिश्वाष करह्, के तुँऐं ही ‘पंण्मिश्वर के पबित्र जंण’ असो।”

यूहन्ना 6:69 ပူးပေါင်းရင်းမြစ်များ

मत्ती 16:16

शमौन पतरसे जोवाब दिया, “कै तू जीवते पौरमेशवर का बैटा मसीह औसौ।”

मरकुस 1:1

पौरमेशवर का बैटा यीशु मसीह कै बारै मुंजी सुसमाचार कै शुरुआत ऐशैखै औसौ।

मरकुस 1:24

तैणै जोर शै लैर मारैयौ बौल़ौ, “ओए रै नासरत गांव कै यीशु, अमारै तांवआरी किछै लैणा दैणा ना आथी? कै तू आमुखै नाश कौरदा आए रौआ? हांव ताखै जाणुए, तू कुण औसौ? तू ही सैजा पवित्र आदमी औसौ, जू पौरमेशवर कै ढौबौशा आए रौआ!”

मरकुस 8:29

यीशुए तिनुखै पूछै, “पौरौ तुऐं का बिशवाश कौरौ कै हांव कुण औसौ?” पतरसे तैसीखै जोवाब दिया, “तू पौरमेशवर का भैजैयौंदा मसीह औसौ।”

लूका 9:20

तैणै तिनुआदो पूछु, “पौरौ तुऐं का बिशवाश कौरौ कै हांव कुण औसौ?” पतरसे जोवाब दिया, “पौरमेशवर का मसीह।”

यूहन्ना 1:29

ओकी दूसै यूहन्नाए यीशु खै आपणै ढौबौ आन्दै बैई दैखैयो बौल़ौ, “दैखौ, ऐजा पौरमेशवर का मेम्‍ना औसौ जू (आपी खै बलिदान कौरेयौ) दुनिया का पाप उठाणौ वाल़ा औसौ।

यूहन्ना 1:41

तैणै आगै आपणै सौरे भाई शमौन आरी भैटीबा तैसीखै बौल़ौ, “आमुखै मसीह यानी पौरमेशवर का अभिषिक्त भैटी गौआ।”

यूहन्ना 10:36

तौ जोबै हांव ऐजौ बुलू, ‘हांव पौरमेशवर का बैटा औसौ।’ तौ तुऐं मुखै काए बौल़ौ, ‘तू नेंदैया कौरे।’ इथकारिए मोऐं बुलू, ‘हांव सैजाई औसौ जैसी पिता पौरमेशवरे जौई कौरा औरौ मुखै दुनिया पांदी भैज राए।’

यूहन्ना 11:27

मार्थाए तैसीखै बौल़ौ, “हां ओए रै प्रभु, हांव बिशवाश कौरु, कै पौरमेशवर का बैटा मसीह जू दुनिया पांदी आणौवाल़ा थिया, सै तू ही औसौ।”

यूहन्ना 20:28

ऐजौ शोणेयो थोमाए जोवाब दिया “ओए रै मैरै प्रभु, ओए रै मैरै पौरमेशवर!”

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

प्रेरितो कै काम 8:36

बाटो दै चालदै-चालदै तिनुऐ बाटो कै किनारे ऐक तालाब दैखा, तोबै खोज़े बौल़ौ, “दैख इथै तालाब औसौ ऐबै मुखै बपतिस्मा लोणो दा का रौक औसौ?”

रोमियों 1:3

ऐजा सुसमाचार अमारै प्रभु यीशु मसीह जू पौरमेशवर का बैटा औसौ तैसकै बारै दा औसौ, जू राजा दाऊद कै पीढ़ी दा पौयदा हौआ।

इफिसियों 4:13

ऐजौ तांव तौड़ी जारी रौंदौ जांव तौड़ी कै आमै आपणै बिशवाश औरौ पौरमेशवर कै बैटै कै बारै मुंजी आपणी सौमझ दै एकजुट ना हौए जोऊं। तांव तौड़ी आमै मोजबूत हौए जांदै, जैशैकै मसीह औसौ, औरौ आमु पूरी तरह शै तैसकै जैशणै हौए जांदै।

1 यूहन्ना 4:16

औरौ आमै जाणै पोऊ कै पौरमेशवर आमुआरी प्यार कौरौ, औरौ आमै तैसी पांदी बिशवाश बै कौरु। पौरमेशवर प्यार औसौ, औरौ जू प्यार दा बौणेयौंदा रौंव सै पौरमेशवर दा बौणेयौंदा रौंव, औरौ पौरमेशवर तेसिदा बौणेयौंदा रौंव।

1 यूहन्ना 5:1

जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।