यूहन्ना 6:45 - सिरमौरी नौवाँ नियम

⁴⁵ पौरमेशवर कै बातौ बौताणौवाल़ै पवित्र शास्त्र दो ऐजौ लैखै राए, ‘सै सौबै पौरमेशवर कै ढौबौशै शिखाएयौंदे हौन्दै।’ जैसी कोसीए पिता पौरमेशवर कै शुणा औरौ तैसीयांदो शिखै राए, सैजाई मैरै धोरे आन्दा।

Sirmouri

⁴⁵ ऋषियों ऐ पबित्र-ग्रन्थों दो लिखी थो, के सेजे लोग बादे पंण्मिश्वर कैई शी शिक्क्षा पाँदे; जेने कुँणिऐं बाबा कैई शो शुँणी अरह् शिखी थो, से मुँह कैई आँदा।

यूहन्ना 6:45 ပူးပေါင်းရင်းမြစ်များ

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

मरकुस 1:2

जैशैखै यशायाह पौरमेशवर कै बातौ बौताणौवाल़ै कै पवित्र शास्त्र दौ लैखै राखौ: “दैख, हांव आपणै सौंदेश दैणौवाल़ै कै तैरै औगौड़ियौ भैजु, तोबै सै लोगौ कै बौताए सौकौ कै सै तैरै आणौ कारिए आपी खै तैयार कौरौ।

लूका 1:70

जैशैकै सै आपणै पवित्र पौरमेशवर कै बातौ बौताणौवाल़ै कै मुँह शै पुराणै सौमय शै ऐजौ बौलेयौ आए रौआ।

लूका 18:31

तोबै तैणै बारौ चैलै कै साथै नियौ तिनु बौल़ौ, “आमु यरूशलेम शहर खै जांदै लागै रौवै, औरौ जिशैक बातौ मुं आदमी कै बैटै कै बारै मुंजी पौरमेशवर कै बातौ बौताणौवाल़ै लैखै रैई, सै सौबै पूरी हौंदी।

यूहन्ना 10:27

मैरी भेड़ो मैरै धाव पौछेयाणौए, औरौ हांव तिनुकै जाणुए औरौ सै मैरै पाछै-पाछै दी हांडो।

यूहन्ना 6:37

जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

यूहन्ना 6:65

औरौ तैणै बौल़ौ, “इथकारिए मोऐं तुऔं सै बुलू थियु कै मैरै धोरे तांव तौड़ी कुणिए ना आए सौकौ जौल़ौ तौड़ी पिता पौरमेशवर तैसी मैरै धोरे ना आणौ दैंव।”

प्रेरितो कै काम 13:40

इथकारिए चौकश रौव ऐशै नी हौं, कै जू पौरमेशवर कै बातौ बौताणौवाल़ै कै किताबो दौ लैख राए, तुऔं पांदी बै आए जांव:

प्रेरितो कै काम 7:42

इथकारिए: पौरमेशवरे मुँह मोड़ेयो तिनु गौयण कै सुरज, चांद औरौ तारै कै आपणै देवताओं कै रुप दै आराधना कारिए छोड़े दिए। जैशैकै पौरमेशवर कै बातौ बौताणौवाल़ै कै किताबो दो लैखै राए, ‘ओए रै इस्राएल देश कै लोगौ, का तुऐं रेगिस्थान दै चाल़ीश सालो तौड़ी गोरु की बल़ि औरौ नाज़ोबल़ि मुखै ही चौढ़ांदै रौवै? ना, तुऐं तिनु ओकी देवताओं कै चौढ़ेई!

इफिसियों 1:17

हांव प्रार्थना कौरु कै पौरमेशवर अमारै प्रभु यीशु मसीह का महिमामय पिता तुऔं बुध्दि, आत्मा औरौ ज्ञान दैंव ताकि तुऐं तैसी जाणै सौकौ।

फिलिप्पियों 3:15

आमै सौबै जू मोजबूती शै मसीह दै भोरोशा कौरु, ऐकैई तरह शै सुंचणौ वाल़ै हौंव, औरौ जै कोसी बातौ दा तोंवारा ओका ही विचार हौंव तौ पौरमेशवर तैसी बै तुऔं पांदी प्रगट कौरे दैन्‍दा।

1 थिस्सलुनीकियों 4:9

पौरौ साथी बिशवाशियौं कै प्रति प्यार कै बारै मुंजी ऐजौ जौरुरी ना आथी, कै हांव तुऔं कारिए किछै लिखु; जिथुकै आपी मुंजी प्यार राखणा तुऐं आपी ही पौरमेशवर शै शैखै राखा;

इब्रानियों 10:16

“तोबै प्रभु बौल़ौ कै, जू नोऐं कौरार हांव तिनु दूसौ कै बाद इस्राएल कै लोगौ कै साथै कौरदा, सैजै ऐजै औसौ कै हांव आपणै नियम-कानूनो खै तिनकै दिलो दा लिखदा, औरौ हांव तिनकै विवेक दा पांदा।”

1 यूहन्ना 2:27

औरौ तुऔं मसीह कै ढौबौशा पवित्र आत्मा दैय राए औरौ सै तोंवारै भीतरै रौंव; इथकारिए तुऔं शिखाणौ कारिए कोसी कै जौरुरी ना आथी यानी पवित्र आत्मा तुऔं तिनु बातौ कै बारै मुंजी सारै सौचाई कै जाणणौ दै मौदद कौरदा। औरौ जू किछै पवित्र आत्मा तुऔं शिखांव सै साची बातौ औसौ झूठी ना आथी, इथकारिए जैशै कै पवित्र आत्मा तुऔं कै कौरणौ खै बौल़ौए तैशै कै ही मसीह कै साथै एकता दै बौणैयौंदे रौव।