यूहन्ना 6:40 - सिरमौरी नौवाँ नियम

⁴⁰ जिथुखै मैरै पिता पौरमेशवर कै ऐजी इछा औसौ, कै जू कुणिए मुखै जू पौरमेशवर का बैटा औसौ दैखौ, औरौ मुं पांदी बिशवाश कौरौ, सै सौदा कै जिन्दगी पांदा औरौ हांव तैसीखै आखरी दूसै हौजौ मौरेयौंदे मुंजीदै जियुंदी कौरे दैंदा।”

Sirmouri

⁴⁰ किन्देंखे के मेरे बाबा के हिछ़या ऐजी असो, के जुण्जा बैटा देखो अरह् तेस्दा बिश्वाष करह्, तेसी अमर-जीवन भेंट्दा; अरह् हाँव तेसी आखरी के देसे हजो जीऊँदा करी देऊँबा।”

यूहन्ना 6:40 ပူးပေါင်းရင်းမြစ်များ

मत्ती 10:15

हांव तुऔं खै साचौ बुलू, न्याय कै दूसै तैसी नोगरो कै हालत सदोम औरौ अमोरा कै नोगरो कै हालत शै बै बैजाए जादा बुरी होंदी।”

मत्ती 25:46

औरौ सैजै लोग जू डैरै ढौबौ औसौ सौदा कै सौजा भुकतदै पौरौ धरमी लोग सौदा कै जिन्दगी दै जांदै।”

मरकुस 16:16

जू मुं पांदी बिशवाश कौरलै औरौ ऐक निशान कै तौर पांदी बपतिस्मा लोले। तिनु पौरमेशवर तिनकै पापौ कै सौजा शै बौचाल़ा, पौरौ जू कुणिए मुं पांदी बिशवाश नी कौरला, तिनुखै तिनकै पापौ कै सौजा दैला।

लूका 2:30

जिथु मोऐं तैसी उध्दार कौरणौवाल़ै कै दैख पाए, जैसी तुऐं सौबी लोगौ कै बौचाणौ कारिए छाड़ै राए।

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 10:28

औरौ हांव तिनुकै सौदा कै जिन्दगी दियु, औरौ सै कौलोंई नाश ना हौंदै औरौ कुणिए तिनुखै मुंआदे छीणै ना सौकौ।

यूहन्ना 11:24

मार्थाए तैसी बौल़ौ, “हांव जाणुए, कै न्याय कै दूसै जोबै सौबवे मौरेयौंदे मुंजीदै जियुंदी हौए जालै, तैसी दूसै लाजर बै होटेयो जियुंदी हौए जांदा।”

यूहन्ना 11:25

यीशुए तियौंखै बौल़ौ, “हांव सैजा औसौ जू मौरेयौंदे लोगौ कै जिन्दगी दै पाछु लोऊ, औरौ हांव जीवन औसौ। इथकारिए जू कुणिए मुं पांदी बिशवाश कौरौ, जै सै मौरे बै जाला, तौ बै जियुंदी रौंदा।

यूहन्ना 12:45

औरौ जू कुणिए मुखै दैखौ, सै मैरै भैजणौवाल़ै पौरमेशवर कै दैखौ।

यूहन्ना 12:50

औरौ हांव जाणुए कै तैसकै आज्ञा कै मानणै सौदा कै जिन्दगी कै ढौबौ लोए जांव इथकारिए हांव तुऔं सैजौई बौतौऊं, जू पिता पौरमेशवर मुंकैई बौल़ौ।”

यूहन्ना 14:17

सै पवित्र आत्मा औसौ, जू पौरमेशवर कै बारै मुंजी सच कै प्रकट कौरौ। जिथु दुनिया कै लोग अपनाए ना सौकौ, जिथुकै सै लोग तैसी ना दैखौ औरौ ना तैसीकै जाणौ: पौरौ तुऐं तैसी जाणौए, जिथुकै सै तोंवारै साथै रौंव, औरौ सै तुऔं दा हौंदा।”

यूहन्ना 14:19

तावल़ैई दुनिया कै लोग मुखै ना दैखदै, पौरौ तुऐं मुखै दैखलै, जिथु हांव औटेयौ जियुंदा हौए जांदा, औरौ इथकारिए तुऐं बै जियुंदै रौलै।

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

यूहन्ना 3:36

जू पौरमेशवर कै बैटै पांदी बिशवाश कौरौ, सै सौदा कै जिन्दगी पांव; पौरौ जू बैटै कै ना मानौ, तैसी सौदा कै जिन्दगी ना भैटदी, पौरौ पौरमेशवर कै सौजा तैसी पांदी रौंदै।”

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

यूहन्ना 6:39

औरौ मैरै भैजणौवाल़ै खै इछा ऐजी औसौ कै जू किछै तैणै मुखै दैय राए तिथमुंजी दौ हांव किछै ना खोऊं, पौरौ तैसी आखरी दूसै हौजौ मौरेयौंदे मुंजीदै जियुंदै कौरे दियु।

यूहन्ना 6:44

कुणिए बै मैरै धोरे तांव तौड़ी ना आए सौकौ जांव तौड़ी मैरै भैजणौवाल़ा पिता पौरमेशवर, तैसी आपणै ढौबौ खैची ना दैंव; औरौ हांव तिनुकै आखरी दूसै हौजौ जियुंदी कौरु।

यूहन्ना 6:54

जू मैरा शोरीर खांव, औरौ मैरा लोऊ पियौं, सौदा कै जिन्दगी तैसकै औसौ, औरौ हांव न्याय कै दूसै हौजौ तैसी मौरेयौंदे मुंजीदा जियुंदी कौरे दियुंबा।

यूहन्ना 8:56

तोंवारा पुराणिया अब्राहम मैरै दूस दैखणौ कै आशा शै बौहिता खुशी थिया, औरौ तैणै दैखौ, औरौ खुशी मौनाए।”

रोमियों 5:21

कै जैशै सौबै लोगै पाप कौरा औरौ सै सौबै मौरे गौवै, तैशैखैई अमारै प्रभु यीशु मसीह कै दवारा पौरमेशवर का अनुग्रह तिनु धरमी औरौ सौदा कै जिन्दगी दैंदा।

रोमियों 6:23

जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

2 कुरिन्थियों 4:6

इथकारिए कै पौरमेशवरे बौल़ौ, “इनारै मुंजीदौ पेयाशो चौमकौ,” औरौ पौरमेशवरे पेयाशै कै जैशणै अमारै मन दै सौमझ दै, ताकि आमु पौरमेशवर कै महिमा खै दैख सौकु जू यीशु मसीह दै प्रकट हौंव।

इब्रानियों 11:1

जू लोग पौरमेशवर पांदी भोरोशा राखौ तिनु निशोंक हौयौ सैजौ ही भैटदौ जिथकै आमै आशा राखु औरौ ऐजा भोरोशा राखणा चैंई कै जू चीज़ौ आमै दैख ना सौकु सैजी सौथीखै औसौ।

इब्रानियों 11:27

बिशवाश लैई राजा कै गुस्से दा ना डौरेयौ तैणै मिस्र देश खै छोड़ दियु, जिथुकै सै सौमझै गौआ थिया कै ऐजौ मानणौ तैशणौ थियु जैशै तैणै पौरमेशवर खै दैखै राए थिया, जू दैखियौं ना।

1 पतरस 1:8

तुऐं यीशु खै कौलोंई ना दैखै रैई, पौरौ तोबै बै तुऐं तैसीआरी प्यार कौरौ। तुऐं तैसी इबी ना दैखौ, पौरौ तुऐं तैसी पांदी बिशवाश कौरौ। इथकारिए, तुऐं आनन्द औरौ महिमा शै बैजाए खुशी हौं जिथु शोब्दो लैई ब्यान ना कौरियौ।

1 यूहन्ना 2:25

औरौ पौरमेशवरे आमुआरी वादा कौरे राए कै सै आमु सौदा कै जिन्दगी दैंदा।

यहूदा 1:21

आपी दा पौरमेशवर कै प्यार खै महसूस कौरौ; जोबै कै तुऐं अमारै प्रभु यीशु मसीह का उमीद कै साथै इंतजार कौरे लौआ कै तुऔं सौदा कै जिन्दगी भैटदै। सै तुऔं कै सौदा कै जिन्दगी दैंदा जिथुकै सै तुऔंआरी प्यार कौरौ।