यूहन्ना 6:37 - सिरमौरी नौवाँ नियम

³⁷ जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

Sirmouri

³⁷ बाबा ऐ जिनू लोग मुँह कैई देऐ थुऐ, सेजे ऐक नाँम जुण्जें मुँह कैई आँव, तिनू हाँव कंद्दी ने छ़ूड़्दा।

यूहन्ना 6:37 ပူးပေါင်းရင်းမြစ်များ

मत्ती 11:28

“ओए रै सौबै मैहनत कौरणौवाल़ै औरौ बोझ शै दोबैयौंदे लोगौ, मैरै धोरे आंव, हांव तुऔं खै विशांव दैंदा।

मत्ती 24:24

“जिथु झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ बौड़ै निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै बोरमाए दैंदै।

यूहन्ना 17:11

ऐबै हांव दुनिया पांदी ना रौंदा, हांव तैरै धोरे आन्दा लागै रौआ, पौरौ मैरै चैलै इबी बै दुनिया पांदी औसौ। ओए रै पवित्र पिता, आपणै नांव कै शौकतै लैई तिनकै रक्षा कौर, जू तुऐं मुखै दैय राए, कै सैजै ऐक हौंव जैशै आमु ऐक औसौ।

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

यूहन्ना 17:24

ओए रै पिता, हांव चोऊं कै जिनु लोगौ खै तुऐं मुखै दैय राए, जिथै हांव औसौ, तिथै सैजै बै मैरै साथै हौंव कै सै मैरी महिमा कै दैखौ जू तुऐं मुखै दैय राए, जिथुकै तुऐं दुनिया कै बाणणौ दै औगौड़ियौ मुं आरी प्यार राखा।

यूहन्ना 17:6

“मोऐं तैरै बारै मुंजी तिनु चैलै कै बौताए राए, जिनु तुऐं दुनिया पौरैशै चोणैयो मुखै दैय राए। सै तैरै थिए औरौ तुऐं तिनु मुखै दैय राए औरौ तिनुऐ तैरै वचन कै मानै पाए।

यूहन्ना 6:39

औरौ मैरै भैजणौवाल़ै खै इछा ऐजी औसौ कै जू किछै तैणै मुखै दैय राए तिथमुंजी दौ हांव किछै ना खोऊं, पौरौ तैसी आखरी दूसै हौजौ मौरेयौंदे मुंजीदै जियुंदै कौरे दियु।

यूहन्ना 6:65

औरौ तैणै बौल़ौ, “इथकारिए मोऐं तुऔं सै बुलू थियु कै मैरै धोरे तांव तौड़ी कुणिए ना आए सौकौ जौल़ौ तौड़ी पिता पौरमेशवर तैसी मैरै धोरे ना आणौ दैंव।”

यूहन्ना 9:34

तिनुऐ तैसीखै जवाब दिया, “तू तौ पाका ही पापौ शै पौयदा हौए रौआ, तू आमुखै का शिखाए?” औरौ तिनुऐ तैसीखै सभा घोरो शै बायरै निकाल़ै दिया।

रोमियों 5:20

मूसा कै कानून इथकारिए दैय राए ताकि सौबै लोग दैखै सौकौ कै सै कैतरै पापी थिए। पौरौ जोबै लोगै जादा शै जादा पाप कौरे, तिथै पौरमेशवरे जू अनुग्रह दिखोऊवा सै जादा शै जादा हौआ।

फिलिप्पियों 1:29

जिथुकै मसीह कारिए तुऔं पांदी ऐजा अनुग्रह हौआ कै ना सिरफ तैसी पांदी बिशवाश कौरौ, पौरौ तैसी कारिए दुख बै उठाव।

1 तीमुथियुस 1:16

पौरौ मसीह यीशुए मुंआरी दया दिखाए। मुखै माफ कौरा, मोऐं जैणै सौबी दै जादा पाप कौरे राए, इयौं बातौ लैई प्रभु ऐजौ दिखाणौ चांव कै सै कैतरा सहनशील औसौ। ऐजौ तिनु लोगौ कारिए ऐक उदारण हौंदा जू तैसी पांदी बिशवाश बाद मै कौरदै औरौ सौदा कै जिन्दगी पांदै।

2 तीमुथियुस 2:19

पौरमेशवर कै लोग ऐकी नीयुं कै जैशणै औसौ जू हिलो ना यानी सै हमैशा बिशवाश दै बौणैयौंदे रौंव इयौं नीयुं पांदी ऐजै शोब्द लैखैयौंदे रौंव: “प्रभु जाणौए कै तैसकै लोग कुण औसौ,” औरौ ऐजौ बै कै जू कुणिए बै पौरमेशवर कै आराधना कौरौ तिनु बुराई कौरणै बन्द कौर दैणी चैंई।

इब्रानियों 4:15

जिथुकै ऐजा महायहूदी पुरोहित, जू यीशु मसीह औसौ, अमारी हरेक कमजोरी खै सौमझौ; यानी यीशुए अमारी जैशणी हर भान्त की परीक्षा का सामणा कौरा, पौरौ तैणै कुणजाई बै पाप ना कौरी।

इब्रानियों 7:25

इथकारिए जू यीशु कै दवारा पौरमेशवर कै धोरे आंव, सै तिनकै पूरी-पूरी मोक्ति कौरी सौकौ, जिथुकै सै तिनु कारिए बिन्ती कौरणौ खै हमैशा जियुंदी औसौ।

1 यूहन्ना 2:19

सैजै लोग जू मसीह कै दुशमन औसौ अमारा साथ छोड़ेयौ हौटै गौवै जिथुकै सै अमारै आपणै ना थी, जै सै अमारै आपणै हौंदै, तौ सै अमारै साथै ही रौंदै पौरौ सै हौटै गौवै, जिथलैई ऐजा पौता लागै गौआ कै तिनुमुंजी दै कुणिए बै अमारै आपणै ना आथी।

प्रकाशितवाक्य 22:17

पौरमेशवर का आत्मा औरौ मेम्ने कै दुल्हन यीशु कैई बौल़ौ, “ताखै पाकौ आणौ चैंई।” सौबै जू ऐजौ शुणु, तैसी बै ऐजौ बौलणौ चैंई, “आ!” जू कुणिए बै तिशा औसौ, सै इथै आव। सैजौ पाणी पियौ जू जीवन दैंव, जू कै तिनु सौबी कै मुफ्त दौ भैटौ जू इथुकै पिणु चांव।