यूहन्ना 6:28 - सिरमौरी नौवाँ नियम

²⁸ तिनुऐ तैसीखै बौल़ौ, “पौरमेशवर कै काम कौरणौ कारिए आमै का कौरु।”

Sirmouri

²⁸ तिनू लोगे ऐ प्रभू यीशू शो पुछ़ो, के “पंण्मिश्वर के काँम-काज़ कर्णो खे आँमें का करह्?”

यूहन्ना 6:28 ပူးပေါင်းရင်းမြစ်များ

मत्ती 19:16

औरौ ऐकी आदमीए तैसकै धोरे आयौ बौल़ौ, “ओए रै गुरुजी, हांव ऐशणा कुणजा भला काम कौरु कै सौदा कै जिन्दगी पोऊँ?”

लूका 10:25

ऐकी दूसै जोबै यीशुए लोगौ खै शिक्षा दैय लोए थै, तौ यहूदी शास्त्र का ऐक ज्ञानी ओऊवा; औरौ ऐजौ बौलेयौ, तैसकी परीक्षा कौरदा लागा, “ओए रै गुरुजी, सौदा कै जिन्दगी का वारिस हौणौ कारिए हांव का कौरु?”

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

यूहन्ना 6:29

यीशुए तिनुखै जवाब दिया, “पौरमेशवर चांव कै तुऐं मुं पांदी बिशवाश कौरौ जैणै तैसी छाड़ै राए।”

प्रेरितो कै काम 16:30

औरौ तिनु बायरै लायौ कै बौल़ौ, “ओए रै जनाब, उध्दार पाणौ कारिए हांव का कौरु?”

प्रेरितो कै काम 2:37

जोबै लोगै ऐजौ शुणु तौ सै आपी खै दोषी महसूस कौरदै लागै, औरौ सै पतरस औरौ ओकी चोणेयौंदे चैलै कैईंदु पूछदै लागै, “ओए रै भाईयों, आमै का कौरु?”

प्रेरितो कै काम 9:6

पौरौ ऐबै बिज़यो नगर दा जा, औरौ जू ताखै कौरणौ औसौ, सै ताखै बौताए जालो।”