यूहन्ना 6:27 - सिरमौरी नौवाँ नियम

²⁷ तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

Sirmouri

²⁷ नाँष बाँन भोजन खे ने, परह् तेसी भोजन खे मेंह्नत्त करह्, जुण्जा सदा खे अमर-जीवन तोड़ी रंह्; जुण्जा जीवन आदमी का बैटा तुओं खे देला, किन्देंखे के बाबा, मतल्व परंम-पिता पंण्मिश्वर ऐं आप्णी ही हिछ़या आरी, सिर्फ तेस्खे ही सेजा हंक-अधिकार देऐ थुवा।”

यूहन्ना 6:27 ပူးပေါင်းရင်းမြစ်များ

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

मत्ती 25:46

औरौ सैजै लोग जू डैरै ढौबौ औसौ सौदा कै सौजा भुकतदै पौरौ धरमी लोग सौदा कै जिन्दगी दै जांदै।”

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

मत्ती 6:19

आपी कारिए धोरती पांदी धन कौठौ नै कौरेया, जिथै कीड़ा औरौ काई बिगाड़ौ, औरौ जिथै चोर डाका पांव औरौ चुरांव।

मत्ती 8:20

यीशुए तैसीखै बौल़ौ, “सेयाल़ी कै डुँ औरौ गौयणै कै चुड़कुल़ै कै कोएलाण हौंव, पौरौ मुं आदमी कै बैटै कैंई घोर बै ना आथी जिथै हांव सोतै सौकु।”

मरकुस 1:11

तोबै पौरमेशवरे स्वर्ग पौरैशौ यीशु खै बौल़ौ, “तू मैरा लाड़कु बैटा औसौ, हांव तांवदा खुश औसौ।”

मरकुस 9:7

तोबै ऐक बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै ऐजौ बौलदै शुणा कै, “ऐजा मैरा लाड़कु बैटा औसौ; ऐसकी शुणौ।”

लूका 3:22

औरौ पवित्र आत्मा शोरीरो कै रुप दा कबूतर कै जैशणै तैसी पांदी उतरा औरौ पौरमेशवरे स्वर्ग पौरैशौ यीशु खै बौल़ौ, “तू मैरा प्यारा बैटा औसौ हांव तांवदा खुश औसौ।”

लूका 9:35

औरौ तैसी बादल़ौ पौरेशो पौरमेशवर कै ऐजौ बौलदै बैई शुणा कै, “ऐजा मैरा बैटा औसौ औरौ मैरा चोणेयौंदा औसौ, ऐसकी शुणौ।”

यूहन्ना 10:28

औरौ हांव तिनुकै सौदा कै जिन्दगी दियु, औरौ सै कौलोंई नाश ना हौंदै औरौ कुणिए तिनुखै मुंआदे छीणै ना सौकौ।

यूहन्ना 11:42

औरौ हांव जाणुए कै तू सौदा मैरी शुणैए, पौरौ जू भीड़ आंडे-पांढे मैरै धोरे खौड़ै औसौ, तिनकी बौजैह शै मोऐं ऐजौ बौल़ौ, जिथलैई सै बिशवाश कौरौ, कै तुऐं मुखै भैजै राए।”

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 15:24

जोबै मोऐं तिनकै बीच मुंजी ऐजै चौमत्कार कै काम कौरे राए, जू ओकी कोसीए ना कौरे रैई, इथकारिए सै पापी ठोहरदै, पौरौ ऐबै तौ तिनुऐ मुखै दैख राए कै मोऐं जू किछै कौरे राए, औरौ तोबै बै मुं आरी औरौ मैरै पिता पौरमेशवर आरी बोयर कौरौ।

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

यूहन्ना 3:15

ताकि जू कुणिए मुं पांदी बिशवाश कौरौ सै सौदा कै जिन्दगी पांव।”

यूहन्ना 3:33

पौरौ जैणै तैसकै गवाही ग्रहण कौरे पाए, तैणै इयौं बातौ पांदी छाप लाए दै कै पौरमेशवर साचा औसौ।

यूहन्ना 6:40

जिथुखै मैरै पिता पौरमेशवर कै ऐजी इछा औसौ, कै जू कुणिए मुखै जू पौरमेशवर का बैटा औसौ दैखौ, औरौ मुं पांदी बिशवाश कौरौ, सै सौदा कै जिन्दगी पांदा औरौ हांव तैसीखै आखरी दूसै हौजौ मौरेयौंदे मुंजीदै जियुंदी कौरे दैंदा।”

यूहन्ना 6:47

हांव तुऔं खै साचौ-साचौ बुलू, कै जू कुणिए बिशवाश कौरौ, सौदा कै जिन्दगी तैसकै औसौ।

यूहन्ना 6:51

जीवन कै रोटै जू स्वर्ग शै उतरी रौए सै हांव औसौ जै कुणिए इयौं रोटी पौरैशौ खांव तौ हमैशा जियुंदा रौंदा औरौ जू रोटै हांव दुनिया कै लोगौ खै जीवन कारिए दियुंबा, सै मैरा शोरीर औसौ।”

यूहन्ना 6:53

यीशुए तिनुकै बौल़ौ, “हांव तुऔं खै साचौ-साचौ बुलू जौल़ौ तौड़ी तुऐं मुं आदमी कै बैटै का शोरीर ना खांव, औरौ लोऊ ना पियौं, तुऔं दा जीवन ना आथी।

यूहन्ना 6:54

जू मैरा शोरीर खांव, औरौ मैरा लोऊ पियौं, सौदा कै जिन्दगी तैसकै औसौ, औरौ हांव न्याय कै दूसै हौजौ तैसी मौरेयौंदे मुंजीदा जियुंदी कौरे दियुंबा।

यूहन्ना 6:58

ऐजै रोटै सैजै औसौ, जू स्वर्ग शै आए रौए। ना कि सैजी जू तोंवारै पुराणियाए खाए औरौ सै मौरे गौवै, ऐजै रोटै जू कुणिए आदमी खाला, सै सौदा जियुंदी रोल़ा।”

यूहन्ना 6:62

जै तुऐं मुं आदमी कै बैटै खै जिथै सै आगै स्वर्ग दा थिया, तिथै दुजाल़ियो ऊबै जांदै बैई दैखलै, तौ का हौंदौ?

यूहन्ना 6:68

शमौन पतरसे यीशु खै जवाब दिया, “ओए रै प्रभु आमै कोसके धोरे जोऊं? सौदा कै जिन्दगी कै बातौ तौ तैरै ही धोरे औसौ।

यूहन्ना 8:18

ऐक तौ हांव आपणै गवाही आपी दियु, औरौ ओका पिता पौरमेशवर मैरी गवाही दैंव, जैणै मुखै भैजै राए।”

प्रेरितो कै काम 10:38

पौरमेशवरे कैशैखै नासरत गांव कै यीशु खै पवित्र आत्मा औरौ अनौखी शौकतै लैई अभिषेक कौरा; सै भोलाए कौरदा औरौ सौबी खै जू शैतान कै सोताएयौंदे थिए, आछा कौरदा फिरा, जिथुकै पौरमेशवर तैसकै साथै थिया।

प्रेरितो कै काम 2:22

“ओए रै इस्राएल देश कै लोगौ ऐजी बात शुणौ, नासरत गांव का यीशु ऐक ऐशणा आदमी थिया, जैसीखै पौरमेशवरे तोंवारै सामणै साबित कौरे राए थिया, कै तैणै तिनु चौमत्कार कै कामौ औरौ अनौखै काम औरौ निशानो कै दवारा जू पौरमेशवरे तैसकै दवारा तोंवारै बीच मुंजी कौरेयौ दिखाए। जोबै कै ऐजै सौचाई तुऐं आपी बै जाणौए।

रोमियों 4:11

पौरमेशवरे तैसी खतना हौणौ दै आगैई धरमी साबित कौरे राए थिया, खतने का निशान ऐजौ दिखांव कै पौरमेशवर तैसी धरमी सौमझौ। पौरमेशवर बिशवाश कौरणौवाल़ौ का आत्मिक पिता औसौ पौरौ जिनका खतना ना हौए रैई। तोबै बै सैजै लोग आपणै बिशवाश कै जरिए ही धरमी गिणै जालै।

रोमियों 6:23

जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

1 कुरिन्थियों 6:13

जैशै भोजन अमारै शोरीरो कारिए औरौ शोरीर भोजन कारिए औसौ, पौरौ पौरमेशवर इथुकै औरौ तिथुकै दुईनै खै नाश कौरदा, शोरीर गौलत सौमबंध राखणौ कारिए ना आथी, औरौ आमु आपणै शोरीर का इस्तैमाल तिनु कामौ कारिए कौरणा चैंई जू प्रभु चांव। अमारा शोरीर प्रभु का औसौ।

1 कुरिन्थियों 9:2

जै औकै लोग ऐजौ ना मानौ कै हांव प्रभु यीशु का चोणेयौंदा चैला औसौ, तौ तुऔं भाईयों खै ऐजौ मानणौ चैंई। जिथुकै हांव सैजाई औसौ जू तोंवारै धोरे सुसमाचार लोयो आए रौआ थिया। प्रभु यीशु दा तोंवारा बिशवाश ऐजौ साबित कौरौ कै हांव सौथी कै तैसका चोणेयौंदा चैला औसौ।

2 कुरिन्थियों 4:18

औरौ आमै तौ दैखैयोंदी चीज़ौ खै नी पौरौ अनदैखी चीज़ौ खै दैखदै रोऊं, जिथुकै दैखैयोंदी चीज़ौ दैणिक ही दूसौ की औसौ, पौरौ अनदैखी चीज़ौ सौदा बौणेयौंदी रौंव।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

फिलिप्पियों 2:13

जिथुकै पौरमेशवर ही औसौ, जू तुऔं मुंजी काम कौरौ औरौ सैजाई तुऔं काम कौरणौ कै इछा औरौ शौकतै दैंव जू तैसीखै खुश कौरौ।

कुलुस्सियों 1:29

औरौ ऐजौ पूरु कौरणौ कारिए हांव कड़ी मैहनत औरौ संघर्ष कौरु, तियौं अनौखी शौकतै कै इस्तैमाल कौरदै बैई जू मसीह दैंव औरौ जू मैरै भीतरै काम कौरौ।

कुलुस्सियों 2:22

औरौ ऐजी सौबै चीज़ौ कोसी कै काम ना आन्दी जिथुकै ऐजी सौबै बातौ आदमी की आज्ञाओं औरौ शिक्षाओं खै हिसाब शै औसौ।

कुलुस्सियों 3:2

धोरती पांदी कै चीज़ौ पांदी ध्यान नै लाव पौरौ लगातार स्वर्ग की चीज़ौ कै बारै मुंजी सुंचदै रौंव।

1 थिस्सलुनीकियों 1:3

औरौ जोबै आमु पिता पौरमेशवर शै प्रार्थना कौरु, तौ सैजै काम जू तुऐं बिशवाश कै बौजैह शै कौरौ, औरौ बिशवाशियौं कै मौदद कौरणौ कारिए जू कड़ी मैहनत कौरौ जिथुकै तुऐं तिनुआरी प्यार कौरौ, औरौ तुऐं सैहन कौरौ जिथुकै तुऐं प्रभु यीशु मसीह कै पाछु आणौ कै उमीद कौरे लोए।

2 तीमुथियुस 2:19

पौरमेशवर कै लोग ऐकी नीयुं कै जैशणै औसौ जू हिलो ना यानी सै हमैशा बिशवाश दै बौणैयौंदे रौंव इयौं नीयुं पांदी ऐजै शोब्द लैखैयौंदे रौंव: “प्रभु जाणौए कै तैसकै लोग कुण औसौ,” औरौ ऐजौ बै कै जू कुणिए बै पौरमेशवर कै आराधना कौरौ तिनु बुराई कौरणै बन्द कौर दैणी चैंई।

इब्रानियों 12:16

ऐशै ना हौंव, कै कुणिए आदमी गौलत काम कौरणौवाल़ै या तुऔं मुंजीदै अब्राहम कै पौतै एसाव साए अधरमी नै हौंव, जिथुकै सै पहलौठा बैटा थिया, इथकारिए तैसीकैईं खास पद हौणौ का औधिकार थिया। पौरौ तैणै तैसी औधिकार का आदर ना कौरी औरौ इथकारिए तैणै आपणै नानड़ै भाई याकूब खै इथु ऐक बैई कै खाणौ कारिए बैकै दियु।

इब्रानियों 4:11

इथकारिए आमु तैसी विशांव कै ठाँव दै जाणौ कारिए कड़ी मैहनत कौरणी चैंई, कोसी बै आदमी खै तिनु लोगौ कै उदारण कै नकल नी कौरणै चैंई, जिनुवै पौरमेशवर कै आज्ञा मानणौ शै मोना कौरे दियु। तोबैई आमै तैसी विशांव कै ठाँव दै जांदै।

याकूब 1:11

सुरज निकल़दै बैई, बौहितौ घाम पौड़ौ, औरौ घासो खै शुकोए दैंव, औरौ तिथका फूल झोड़ै जांव, औरौ तिथकै शोभा मिट जांव; तैशैखैई सैठ बिशवाशी बै मौरे जांदा जोबै सै आपणै कामौ दा लागैयौंदा रौंदा।

1 पतरस 1:24

पवित्र शास्त्र ऐजौ बौल़ौ कै, “सौबै लोग घास कै जैशणै औसौ औरौ तिनकै सुन्दरता जोंगली फूलो कै जैशणै औसौ। घास शुकै जांव औरौ फोल़ जोमीनो पांदी झोड़ै जांव।

2 पतरस 1:17

आमै तैसी पवित्र पाहाड़ पांदी तैसकै साथै थिए जोबै पौरमेशवर पिताए तैसी आदर दिया औरौ पौरमेशवर कै महान महिमाए तैसी घैरा। जोबै आमै तिथै थिए तौ आमुए अनौखै महिमा यानी पौरमेशवर कै आवाज़ तैसीखै ऐजौ बौलदै बैई शौणै, “ऐजा मैरा लाड़कु बैटा औसौ; जैसी आरी हांव प्यार कौरु। हांव ऐसदा बैजाए खुश औसौ।”