यूहन्ना 6:14 - सिरमौरी नौवाँ नियम

¹⁴ तोबै जू चौमत्कार कै काम तैणै कौरेयौ दिखोऊवा तियौं बात दैखैयो लोग बौलदै लागै की, “सैजा तौ पौरमेशवर कै बातौ बौताणौवाल़ा जू दुनिया पांदी आणौवाल़ा थिया। पाका ऐजाई औसौ।”

Sirmouri

¹⁴ तबे लोगे ऐ प्रभू यीशू का ऐजा चींह्न-चंम्त्तकार देखियों बुलो, “पाक्का ही ऐ सेजा ऋषी हंणाँ, जुण्जा के ईयों संईसारी दा आँणों वाल़ा थिया।”

यूहन्ना 6:14 ပူးပေါင်းရင်းမြစ်များ

मत्ती 11:3

“का तू ही सैजा मसीह औसौ, जैसी छाड़णौ का वादा पौरमेशवरे कौरे राए थिया या आमै कोसी ओकी कै ठोल़नाए कौरु?”

मत्ती 21:11

लोगै बौल़ौ, “ऐजा गलील जिले कै नासरत गांव का पौरमेशवर कै बातौ बौताणौवाल़ा यीशु औसौ।”

लूका 24:19

तैणै तिनुवांदो पूछु, “कुणजी बातौ?” तिनुऐ तैसी बौल़ौ, “नासरत गांव का यीशु कै बारै मुंजी जू पौरमेशवर औरौ सौबी लोगौ कै सामणै तैणै शौकतीशाली चौमत्कार औरौ अनौखै काम कौरे औरौ पौरमेशवर की बातौ बौताणौवाल़ा थिया।

लूका 7:16

ऐजौ दैखैयो सौबै लोग डौर गौवै, औरौ सैजै पौरमेशवर की बौड़ाए कौरदै लागै, “अमारै बीच मुंजीदा ऐक बौड़ा पौरमेशवर कै बातौ बौताणौवाल़ा बिज़ रौआ, औरौ पौरमेशवर आपणै लोगौ कै मौदद कौरदा आए रौआ।”

यूहन्ना 1:21

तोबै तिनुऐ यूहन्ना कैईंदु पूछु, “तौ तोबै तू कुण औसौ? का तू एलिय्याह पौरमेशवर कै बातौ बौताणौवाल़ा औसौ?” तैणै बौल़ौ, “हांव ना आथी।” “तौ का तू सैजा पौरमेशवर कै बातौ बौताणौवाल़ा औसौ?” तैणै जोवाब दिया, “ना।”

यूहन्ना 11:27

मार्थाए तैसीखै बौल़ौ, “हां ओए रै प्रभु, हांव बिशवाश कौरु, कै पौरमेशवर का बैटा मसीह जू दुनिया पांदी आणौवाल़ा थिया, सै तू ही औसौ।”

यूहन्ना 2:11

यीशुए गलील जिले कै काना नगर दा आपणा ऐजा आगला चौमत्कार का काम देखाएबा आपणै महिमा प्रगट कौरे औरौ तैसकै चैलै तैसी पांदी बिशवाश कौरा कै सै मसीह औसौ।

यूहन्ना 4:19

बैटमाणिशै तैसीखै बौल़ौ, “ओए रै प्रभु, मैरै ऐशैखै जाणियौ कै तू पौरमेशवर कै बातौ बौताणौवाल़ै औसौ।

यूहन्ना 4:25

बैटमाणिशै तैसीखै बौल़ौ, “हांव जाणुए कै मसीह जू पौरमेशवर का अभिषिक्त औसौ, आणौवाल़ा औसौ; जोबै सै आला तौ आमु सौबै बातौ बौताए दैंदा।”

यूहन्ना 4:42

औरौ तियौं बैटमाणिशौ खै बौल़ौ, “ऐबै आमै तैरै बौलणौ शै बिशवाश ना कौरु, जिथुकै आमै आपी शौणै पाए, औरौ जाणै पाए की सौथी कै ऐजाई दुनिया का उध्दार कौरणौवाल़ा औसौ।”

यूहन्ना 6:2

औरौ ऐक बौड़ै भीड़ तैसकै पाछैदै चालै रौए थी, जिथुकै जू चौमत्कार कै काम सै बीमारों पांदी दिखांव थिया सै तिनुकै दैखौ थिए।

यूहन्ना 6:26

यीशुए तिनुखै जवाब दिया, “हांव तुऔं खै साचौ-साचौ बुलू, तुऐं मुखै इथकारिए ना जूओं कै तुऐं निशान दैखै, पौरौ इथकारिए कै तुऐं रोटी खायौ खै छौकै गौवै।

यूहन्ना 6:30

तोबै तिनुऐ तैसीखै बौल़ौ, “तोबै तू कुणजा निशान आमु दिखाणौ वाल़ा औसौ कै तिथु दैखैयो आमै तांव पांदी बिशवाश कौरु? तू आमु का दिखाणौ चांए?

यूहन्ना 7:40

तोबै भीड़ कै लोगौ मुंजीदै कुणिए ऐजी बातौ शोणेयो बौल़ौ, “सौथी कै ऐजा पौरमेशवर कै बातौ बौताणौवाल़ा औसौ, जैसकै आणौ का आमुए इंतजार कौरे लौआ थिया।”

प्रेरितो कै काम 7:37

ऐजा सैजाई मूसा औसौ, जैणै इस्राएल देश कै लोगौ कै बौल़ौ, ‘पौरमेशवर तोंवारै भाईयों मुंजीदा तुऔं कारिए मैरै जैशणा ऐक पौरमेशवर कै बातौ बौताणौवाल़ा भैजदा।’