यूहन्ना 5:5 - सिरमौरी नौवाँ नियम

⁵ तिथै ऐक आदमी थिया, जू अड़तीश सालो शै बीमार थिया।

Sirmouri

⁵ तेथै ऐक आदमी थिया, जुण्जा अड़तिष सालो शा ऊबा बीमाँर पड़ा अंदा थिया,

यूहन्ना 5:5 ပူးပေါင်းရင်းမြစ်များ

मरकुस 9:21

यीशुए तैसकै पिता कैईंदु पूछु, “ऐसकै ऐजी हालत कोलो दै उंढी औसौ?” तैणै बौल़ौ, “नानड़ै दै उंढी।

लूका 13:16

तौ का इयौं बैटमाणिशौ कै जू अब्राहम कै वंश कै औसौ, औरौ जियौं खै शैतानै अठारो सालो दै बानेयो राखै राए थै, यहूदी लोगौ कै विशांव कै दूसै ऐसी बन्धन शै आज़ाद कौरणौ ठीक ना थी?”

लूका 8:43

औरौ ऐक बैटमाणिश जियौं खै बारौ सालो शै लोऊ बौणौ का रोग थिया। औरौ जियैं आपणै सारै पोएसै वेदो पाछी खत्म कौरे दिए थिए, तोबै बै कोसी कै हाथौ लैई ठीक नै होई।

यूहन्ना 5:14

इनु बातौ कै बाद सै यीशु खै मन्दिरो कै आँगणो दा भैटा, तोबै तैणै तैसीखै बौल़ौ, “दैख, तू तौ ठीक हौए गौआ, औरौ हौजौ कौलोंई पाप नै कौरेया ऐशैखै नै हौंव कै तैरा हाल इथैदा बै जादा बुरा हौए जांव।”

यूहन्ना 5:4

जिथुकै सोही सौमय पांदी पौरमेशवर कै स्‍वर्गदूत कुण्डो उदे ओतरेयो पाणी खै हिंजाल़ौ थिए, औरौ पाणी हिजाल़णौ कै बाद जू कुणिए बै औगौड़ियौ कुण्डोऊंदा जांव थिया सै ठीक हौए जांव थिया, चाए तैसकै कैशणै बै बीमारै काए नी हौंव।

यूहन्ना 5:6

यीशुए तैसी हाल मुंजी पौड़ेयौंदा दैखैबा औरौ ऐजौ जाणैबा की बौहितै दूसौ दा उंडा, ऐसी हालत दा पौड़ै रौआ, तैसी कैईंदु पूछु, “का तू ठीक हौणौ चांए?”

यूहन्ना 9:1

जोबै यीशु आपणै चैलै कै साथै जांदा लागै रौआ थिया, तौ तैणै ऐक आदमी कै दैखा जू जन्म शै आन्धा थिया।

यूहन्ना 9:21

पौरौ आमै ऐजौ ना जाणु कै ऐबै कैशैकै दैखौ, औरौ ना ऐजौ जाणु कै कुणै ऐसकी आखी ठीक कौरे रैई। ऐजा बौड़ा हौए गौआ, औरौ आपी कारिए जवाब दैय सौकौ; ऐसीयांदो पूछौ, सै आपणै बारै मुंजी आपी बौतांदा।”

प्रेरितो कै काम 14:8

लुस्त्रा शहर दा ऐक आदमी बौठै रौआ थिया, जैसकै लात कमजोर थिए। सै जन्म शा ही लोंगड़ा थिया, औरौ कौलोंई ना हांडै रैई थी।

प्रेरितो कै काम 3:2

औरौ लोगै ऐकी आदमी कै नी लौआ थिया जू जन्म शै लोंगड़ा थिया, जैसीखै सैजै हर दूस मन्‍दिर कै तैसी दवारो पांदी जिथकौ नांव सुन्दर फाटक औसौ, बौठाल़े दैंव थिए, कै सै मन्दिरो दै जाणौवाल़ै कैईंदै भीख मांगो।

प्रेरितो कै काम 4:22

जिथुकै जू आदमी, अनौखै निशान शै ठीक हौए रौआ थिया, सै चाल़ीश सालो दा जादा उमरे का थिया।

प्रेरितो कै काम 9:33

तिथै तैसी ऐनियास नांव का ऐक आदमी भैटा, जू ओधरंग का बीमार थिया, जू आठी सालो दा उंडा पाली पांदी पौड़ेयौंदा थिया।