यूहन्ना 5:44 - सिरमौरी नौवाँ नियम

⁴⁴ तुऐं मुं पांदी बिशवाश ना कौरे सौकौ, जिथुकै तुऐं ऐकी दूजै शै तारीफ पाणै चांव, औरौ तुऐं तियौं तारीफ कै पाणौ कै कौचिश ना कौरौ जू सिरफ ऐकैई पौरमेशवर दैंव।

Sirmouri

⁴⁴ तुँऐं मुँदा बिश्वाष किया-किया करी सको, जबे के तुँऐं लोग ओका-ओकी कैई शी आप्णी तारिफ़-बड़ियाऐ शुँण्णों की ताक खोज दे रंह्; परह् तियों तारिफ़ शुँण्णों के कोशिष ने कर्दे जुण्जी सिर्फ पंण्मिश्वर कैई शी ही भेंटी सको।

यूहन्ना 5:44 ပူးပေါင်းရင်းမြစ်များ

मत्ती 23:5

सै कैई तरह कै नियम बौणांव जिनु मानणै औरौ कौरणै लोगौ कारिए चैईथै औसौ, सै आपणै ताबीजों खै जिथपांदी शास्त्र कै वचन हौंव, तिनु माथै पांदी औरौ बाऐ पांदी बानो, औरौ आपणै खोटणो खै पालै बौढ़ाव।

लूका 19:17

मालिकै तैसी बौल़ौ, ‘बौहुत बोड़िया, मैरै बिशवाश लायक नोकर तू नानड़ी-नानड़ी बातौ दा ईमानदार निकल़ा, ऐबै हांव ताखै दस नोगरो का औधिकार दैन्‍दा।’

यूहन्ना 12:43

जिथुकै तिनुकै पौरमेशवर कै तारीफ शै आदमी कै तारीफ जादा प्यारे लागै।

यूहन्ना 17:3

सौदा कै जिन्दगी ऐजै औसौ कै लोग ताखै जाणै सौकौ, बल्कि सिरफ एकमात्र साची पौरमेशवर कै। औरौ ऐजौ बै कै सैजै मुखै जाणौ, यानी यीशु मसीह कै, जैसी तुऐं भैजै राए।

यूहन्ना 3:20

जिथुकै जू कुणिए बुराए कौरौ, सै पेयाशै शै बैर राखौ, औरौ पेयाशै कै नेड़िक ना आंव, ताकि तैसकै पाप सामणै नी आंव।

यूहन्ना 5:41

हांव आदमी कै तारीफ कै आश ना राखु।

यूहन्ना 8:43

जू बातौ हांव बुलू तुऐं किथु ना सौमझौ? इथकारिए कै तुऐं मैरी शिक्षा खै मानणौ शै मोना कौरौ।

रोमियों 2:10

पौरौ महिमा औरौ आदर औरौ शान्तै हरेक आदमी कै भैटदी, जू भला कौरौ, पौरमेशवर सौबीदै आगै यहूदी लोगौ खै दैंदा औरौ तोबै तिनुकै जू बैगानै यहूदी औसौ।

रोमियों 2:29

ऐक साचा यहूदी आदमी सैजा औसौ जैसका मन पौरमेशवर कै साथै सोही औसौ। औरौ साचा खतना सिरफ मूसा कै कानून का पालन कौरणा ना आथी; पौरौ, ऐजा मन का बदलाव औसौ, जू पौरमेशवर कै आत्मा कै दवारा हौंव। ऐशणा आदमी लोगौ शै नी, पौरौ पौरमेशवर शै तारीफ पांव।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

1 कुरिन्थियों 4:5

इथकारिए जांव तौड़ी प्रभु ना आंव, तांव तौड़ी कोसी का न्याय ना कौरौ: सै सीधै तरीकै शै तिनु सौबी विचारो खै बौतांदा जू लोगौ कै धोरे औसौ जिथकै बारै मुंजी ओका कुणिए ना जाणौ। सै तिनु मकसदो खै प्रकट कौरदा जू तिनकै दिलो दै औसौ। तोबै पौरमेशवर कै ढौबौशै हरेक आदमी कै तारीफ हौन्दै।

2 कुरिन्थियों 10:18

जिथुकै जू आपणै बौढ़ाए कौरौ, सैजौ नी, पौरौ जैसकै बौढ़ाए प्रभु कौरौ, सैजाई प्रभु कै नज़र दा आछा औसौ।

फिलिप्पियों 2:3

स्वार्थ औरौ घमण्‍ड कारिए किछै ना कौरौ, पौरौ दीनता शै ऐकी दूजै कै आपी शै जादा आछोड़ै सौमझौ।

1 थिस्सलुनीकियों 2:6

जौबेकै आमै मसीह कै चोणेयौंदे चैलै हौणौ कै बौजैह शै तुऔं कैईंदै मौदद पाणौ कै हकदार थिए। तोबै बै आमै आदमियों कैईंदा आदर ना चांव थिए, औरौ ना तुऔं कैईंदु, ना ओकी कैईंदु।

1 तीमुथियुस 1:17

ऐबै हमैशा का राजा जू सौदा कारिए जियुंदी औसौ जैसी कुणिए ना दैख सौकौ, तैसी एकमात्र साची पौरमेशवर का आदर औरौ महिमा जुग-जुग हौन्दै रौंव। आमीन।

इब्रानियों 3:12

ओए रै बिशवाशी भाईयों चौकश रौंव, कै तुऔं मुंजीदा ऐशणा बुरा औरौ अबिशवाशी मन नी हौंव, जू जीवन दैणौवाल़ै पौरमेशवर का पीछा कौरणौ शै मौना कौरे दैंव।

याकूब 2:1

ओए रै मैरै भाईटु, तुऐं अमारै महिमा दैणै वाल़ा प्रभु यीशु मसीह कै चैलै औसौ इथकारिए तुऔं मुंजी भैदभाव कै भावना नी हौंव।

1 पतरस 1:7

इनु मुसीबतौ का मकसद ऐजा दिखाणा औसौ कै का तुऐं सौथीखै पौरमेशवर पांदी भोरोशा राखौ। यीशु मसीह पांदी तोंवारा बिशवाश सूनै दा बै जादा कीमती औसौ। जैशै नाश हौणौवाल़ै सूनै खै आगी मुंजी जांचो औरौ शुद्ध कौरौ, तैशैखैई जै तोंवारा बिशवाश कड़ी परीक्षाओं कै दवारा पौरखै जाणौ कै बाद बै मोजबूत रौंव, तौ तोंवारा बिशवाश तैसी दूसै तुऔं बैजाए खुशी औरौ महिमा औरौ आदर दियांदा जोबै यीशु मसीह औटेयौ पाछु आन्दा।

यहूदा 1:25

सै एकमात्र पौरमेशवर औसौ औरौ अमारै प्रभु यीशु मसीहे अमारै खातिर जू कौरे राए, तैसकै दवारा आमु बौचाए राए। अमारा प्रभु यीशु मसीह लोगौ कै दवारा पौरमेशवर कै इज्जत कौरणौ औरौ तैसकै तारीफ कौरणौ कै बौजैह बौणौ। ताकि लोग जाणी पांव कै तैसीकैईं सौमय कै शुरुआत शै लोयो आणौवाल़ै सौमय तौड़ी औरौ हमैशा-हमैशा कारिए शौकतै औरौ औधिकार औसौ। आमीन।