यूहन्ना 5:42 - सिरमौरी नौवाँ नियम

⁴² पौरौ तुऐं आपणै दिल शै पौरमेशवर आरी प्यार ना कौरौ।

Sirmouri

⁴² परह् हाँव तुँओं जाँणू ऐ, के तुँओं दा पंण्मिश्वर का प्यार ने आथी।

यूहन्ना 5:42 ပူးပေါင်းရင်းမြစ်များ

लूका 16:15

यीशुए तिनु बौल़ौ, “तुऐं तौ आपी खै लोगौ कै सामणै सोही दिखांव, पौरौ पौरमेशवर तोंवारै मनो कै जाणौए, जिथुकै जू बुरी चीज़ौ आदमी कै नोजरी दी खास औसौ, सैजी पौरमेशवर कै सामणै बैकार औसौ।”

यूहन्ना 2:25

औरौ तैसीखै कोसी कै जौरुरत ना थी, जू तैसीकै लोगौ कै बारै मुंजी बौतांव जिथुकै सै जाणौ थिया तिनकै दिलो औरौ इरादै दो का थियु।

यूहन्ना 21:17

यीशुए तिजाल़ियों बौल़ौ, “ओए रै शमौन यूहन्ना का बैटा का तू मुं आरी प्यार कौरे?” पतरस उदास हौआ, कै यीशुए तिजाल़ियों तैसीखै ऐशै बौल़ौ, “का तू मुं आरी प्यार कौरे?” औरौ तैणै तैसी बौल़ौ, “ओए रै प्रभु तू तौ सौबै जाणै: तू ऐजौ बै जाणै कै हांव तांवआरी प्यार कौरु।” यीशुए तैसी बौल़ौ, ऐक चौराईया कै जैशणै मैरै लोगौ की जौरुरतौ कै पूरी कौर।

यूहन्ना 5:41

हांव आदमी कै तारीफ कै आश ना राखु।

यूहन्ना 5:43

हांव आपणै पिता पौरमेशवर कै औधिकार शै आए रौआ, औरौ तुऐं मुखै ना अपनांव, जै कुणिए ओका आपणै औधिकार शै आंव, तौ तुऐं तैसी अपनाए पांव।

यूहन्ना 5:44

तुऐं मुं पांदी बिशवाश ना कौरे सौकौ, जिथुकै तुऐं ऐकी दूजै शै तारीफ पाणै चांव, औरौ तुऐं तियौं तारीफ कै पाणौ कै कौचिश ना कौरौ जू सिरफ ऐकैई पौरमेशवर दैंव।

यूहन्ना 8:42

यीशुए तिनुकै बौल़ौ, “जै पौरमेशवर तोंवारा पिता पौरमेशवर हौंदा, तौ तुऐं मुं आरी प्यार राखदै, जिथुकै हांव पौरमेशवर कै ढौबौशा आए रौआ, हांव खुद शै ना आए रैई पौरौ तैणै ही मुखै भैजै राए।

यूहन्ना 8:47

जू कुणिए पौरमेशवर शै सौमबंध राखौ, सै पौरमेशवर कै बातौ शुणौ, औरौ तुऐं इथकारिए ना शुणौ कै तुऐं पौरमेशवर शै सौमबंध ना राखौ।”

यूहन्ना 8:55

तुऐं तौ तैसी ना जाणौ: पौरौ हांव तैसी जाणुए। जै हांव तैसी बुलू, कै हांव ताखै ना जाणु, तौ हांव तुऔं साए झूठा ठोरदा। पौरौ हांव तैसी जाणुए औरौ तैसकै आज्ञा मानुए।

रोमियों 8:7

जिथुकै पापी स्‍वभाव कै हिसाब शै जीवन जिणौ वाल़ा आदमी पौरमेशवर शै बैर राखणा औसौ, जिथुकै ना तौ पापी स्‍वभाव पौरमेशवर कै नियम-कानून कै अधीन औसौ, औरौ ना नियम-कानून का पालन कौरे सौकौ।

1 यूहन्ना 2:15

तुऐं दुनिया शै औरौ दुनिया की चीज़ौ आरी प्यार ना राखौ। जै कुणिए दुनिया आरी प्यार कौरौ, तौ तेसिदा पिता पौरमेशवर का प्यार ना आथी।

1 यूहन्ना 3:17

पौरौ जैसी कोसी कैई दुनिया कै धन दौलत हौंव औरौ सै आपणै बिशवाशी भाई कै गरीबी दै दैखैयो तैसी पांदी तरस खाणा ना चांव, तौ तेसिदा पौरमेशवर का प्यार ना हौए सौकौ।

1 यूहन्ना 4:20

जै कुणिए आदमी बौल़ौए, “हांव पौरमेशवर आरी प्यार राखु,” औरौ आपणै बिशवाशी भाईटु आरी नफरत राखौ तौ सै झूठा औसौ; जिथुकै जू आपणै भाईटु आरी नफरत कौरौ जैसीखै तैणै दैखै राए, तौ सै पौरमेशवर आरी प्यार ना कौरे सौकौ जैसीखै तैणै कौलोंई ना दैखी रैई।

प्रकाशितवाक्य 2:23

हांव तिनु लोगौ खै मारै दैंदा जू तियौं की शिक्षाओं खै मानौ, औरौ सौबै कलीसियाएं जाणै पांदी कै हांव ही औसौ जू हरेक आदमी कै विचारो औरौ मकसदो कै परख कौरु। हांव तुऔं मुंजीदै हरेक कै तिनकै कामौ कै हिसाब शै फोल़ दैंदा।