यूहन्ना 5:37 - सिरमौरी नौवाँ नियम

³⁷ औरौ पिता पौरमेशवर जैणै मुखै भैज राए, तैणै मैरी गवाही दैय तुऐं ना कौलोंई तैसकी धाव शुणी औरौ ना तैसी आमणै-सामणै दैखी।

Sirmouri

³⁷ ईन्दें के सुवाऐ बाबा जिन्ऐं मुँह डेयाल़ी थुवा, से मेरे बारे दी ऐजी गुवाऐ-शाज़्त्त दियों; किन्देंखे के ना तअ तुऐं तिनकी बाँणी शुँणी थंई, अरह् ना तुँऐं तिनू कोद्दी भे देखी थंई।

यूहन्ना 5:37 ပူးပေါင်းရင်းမြစ်များ

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

मरकुस 1:11

तोबै पौरमेशवरे स्वर्ग पौरैशौ यीशु खै बौल़ौ, “तू मैरा लाड़कु बैटा औसौ, हांव तांवदा खुश औसौ।”

लूका 24:27

यीशुए तिनु पूरै पवित्र शास्त्र दै औरौ मूसा कै कानून शै शुरु कौरेयौ सौबै पौरमेशवर कै बातौ बौताणौवाल़ै कै दवारा आपणै बारै मुंजी देएयोंदे सौबै बातौ का मतलब तिनु सौमझाए दिया।

लूका 3:22

औरौ पवित्र आत्मा शोरीरो कै रुप दा कबूतर कै जैशणै तैसी पांदी उतरा औरौ पौरमेशवरे स्वर्ग पौरैशौ यीशु खै बौल़ौ, “तू मैरा प्यारा बैटा औसौ हांव तांवदा खुश औसौ।”

यूहन्ना 1:18

पौरमेशवर कै कोसीए कौलोंई ना दैखै रैई, सिरफ तैसकै इकलोतै बैटै दैखी राए ‍‌जू सौथी कै पौरमेशवर औसौ, औरौ पिता पौरमेशवर कै सौबिदा नेड़िक औसौ, तैणै आमु दिखाए राए, कै पौरमेशवर कैशणा औसौ।

यूहन्ना 14:9

यीशुए तैसीखै बौल़ौ, “ओए रै फिलिप्‍पुस हांव ऐतरै दूसौ दा उंडा तोंवारै साथै औसौ, औरौ का तू मुखै ना जाणै? जैणै मुखै दैख राए तैणै पिता पौरमेशवर कै बै दैखै राए: तौ तू किथु बौल़ै कै पिता पौरमेशवर कै आमु दिखा?

यूहन्ना 15:24

जोबै मोऐं तिनकै बीच मुंजी ऐजै चौमत्कार कै काम कौरे राए, जू ओकी कोसीए ना कौरे रैई, इथकारिए सै पापी ठोहरदै, पौरौ ऐबै तौ तिनुऐ मुखै दैख राए कै मोऐं जू किछै कौरे राए, औरौ तोबै बै मुं आरी औरौ मैरै पिता पौरमेशवर आरी बोयर कौरौ।

यूहन्ना 5:32

ऐक ओका औसौ जू मैरा पिता पौरमेशवर औसौ, सै बै मैरै बारै मुंजी गवाही दैंव, औरौ हांव जाणुए कै जू मैरै बारै मुंजी सै गवाही दैंव, सैजै साची औसौ।

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

यूहन्ना 8:18

ऐक तौ हांव आपणै गवाही आपी दियु, औरौ ओका पिता पौरमेशवर मैरी गवाही दैंव, जैणै मुखै भैजै राए।”

1 तीमुथियुस 1:17

ऐबै हमैशा का राजा जू सौदा कारिए जियुंदी औसौ जैसी कुणिए ना दैख सौकौ, तैसी एकमात्र साची पौरमेशवर का आदर औरौ महिमा जुग-जुग हौन्दै रौंव। आमीन।

1 तीमुथियुस 6:16

औरौ सिरफ सै एकमात्र औसौ जू सौदा कारिए जियुंदा औसौ, औरौ सै ऐतरै चोमकदार पेयाशै दा रौंव औरौ ना कोसी आदमीए तैसी दैख राए औरौ ना कुणिए दैख सौकौ। तैसकै महिमा, शौकतै औरौ राज्‍य जुग-जुग रौंदै। आमीन।

1 यूहन्ना 4:12

पौरमेशवर खै कौलोंई कुणिए ना दैखै रैई, जै आमै आपी मुंजी प्यार राखु, तौ पौरमेशवर आमुदा बौणेयौंदा रौंव औरौ तैसका प्यार आमुदा सिध्द हौंव।

1 यूहन्ना 4:20

जै कुणिए आदमी बौल़ौए, “हांव पौरमेशवर आरी प्यार राखु,” औरौ आपणै बिशवाशी भाईटु आरी नफरत राखौ तौ सै झूठा औसौ; जिथुकै जू आपणै भाईटु आरी नफरत कौरौ जैसीखै तैणै दैखै राए, तौ सै पौरमेशवर आरी प्यार ना कौरे सौकौ जैसीखै तैणै कौलोंई ना दैखी रैई।

1 यूहन्ना 5:9

जोबै आमै आदमी कै गवाही मानै पांव, तौ पौरमेशवर कै गवाही तौ तैसदै बै बौढ़ेयौ औसौ, औरौ पौरमेशवर कै गवाही ऐजी औसौ कै तैणै आपणै बैटै कै बारै मुंजी गवाही दै राए।